रोमी 15:8 - थुलुङ राई

⁸ गो गानीनुङ र्‍वाङु, माम्‍चु़नीका यहूदीमिमलाई मेर्मिमकु बेप-पापनुङ याचे जेम्‍डिम ल्‍वा आच्‍छाङा र्‍वाक्‍साका रेम्‍बोमु लागि ख्रीष्‍ट यहूदीमिमकु डु़ल्‍चो़ दु़म्‍मिडिम सो़।

रोमी 15:8 Referans Kwoze

मत्ती 15:24

येशूका मे मेसेमलाई र्‍वाम्‍डी, “दाम्‍पा भेन्‍दामिम होङङा दु़म्‍पा इस्राएलीमिमकाडा कोङङा माम्‍चु़नीका थु़र्ङिडिमिम।”

यूहन्‍ना 1:11

गुमी उनी त्‍वाकु मु़चु़मिमकाडा योम्‍डी, लावो उनी मु़चु़मिमका गुमीलाई हुनाखाना मेबेमिवा।

२ कोरिन्‍थी 1:20

माम्‍चु़नीका खोत्‍ले याचे जेम्‍डिम ल्‍वामिम “आच्‍छाङा” र्‍वाक्‍साका ख्रीष्‍टडा रोक्‍थिड्‍डा। मेम्‍मिमका ख्रीष्‍टलामका माम्‍चु़नीकु नङ डोक्‍पु दु़म्‍नु़ र्‍वाक्‍साका गुइ “आमेन” र्‍वाकी।

यूहन्‍ना 10:16

“आमा वाङमिम भेन्‍दामिम वो बुमी, मेर्मिम ओराम गोठाडाम मेएँ। मेर्मिमलाई वो गो रेन्‍मु बासिक्‍पा बु। मेर्मिमका आमा लो़लाम थो़मी, मा मेर्मिम कोलेङा बगाल दु़म्‍मी। मेम्‍मा कोलेङा रेपा-क्रिपा दु़म।

रोमी 15:16

वाङसामाकाम लागि माम्‍चु़नीकु डु़म्‍लाचो़का बोमु बासिक्‍पा होम्‍साका खारी बोमु लागि गुमीका गोलाई ओराम दिदाम ग्‍वाङडिमिम सो़। मेम्मिमका माम्‍चु़नी-पेललाम सेपा दु़म्‍साका माम्‍चु़नीडा सासेन्‍सिमु घ्रेट्‍पा दु़म्‍मिनु़।

रोमी 3:3

लावो मेर्मिमगोडाम कोङनिमका माम्‍चु़नीकु सिजेमडा थो़र मेलु़मिवा र्‍वाक्‍साका हाम माम्‍चु़नी वो थो़र मेलु़इमिम बुमी मा?

एफिसी 2:12

मेराम थारीका गानी ख्रीष्‍टडाम वाङ बान्‍नी। गानी माम्‍चु़नीका छेट्‌मिडिम सामा इस्राएलीनुङ हेमकेमङा मेबाट्‌पा वाङ नेब्‍दीलाम रोक्‍पा मु़चु़ होप्‍माम बान्‍नी, मा माम्‍चु़नीका मेर्मिमनुङ जेम्‍डिम याचे गानी मेचन्‍थाल्‍निवा, मा गानी सु़म्‍दिसेरडा बान्‍निलो हाम हुम ल्‍वामु न मेबेपा मा माम्‍चु़नी मान्‍थिम बान्‍नी।

रोमी 11:30

हेङालोने कोबिलि गानी वो माम्‍चु़नीका र्‍वामिमिम मेथो़पा बान्‍नी, लावो इस्राएलीमिम माम्‍चु़नीका र्‍वामिमिम मेथो़पा दु़म्‍मिडिमका गानी उनीमा दिदाम ल्‍वान्‍निम बु।

रोमी 11:22

मेम्‍मिमका माम्‍चु़नी न-थो़मनुङमा बुमी मा गुमीका र्‍वामिमिम होङङा मेबेपामिमलाई देन्‍दे ग्‍वामी र्‍वाक्‍पा ल्‍वा जो़होमका मिम्‍नी। लावो माम्‍चु़नीकु दिदामगोडा बुनिम बुनी माला गानीडला उनीमा न-थो़म रेम्‍बोमी मेएँ माला गानी वो क्रिम्‍ला सो़सिनी।

रोमी 4:16

माम्‍चु़नीका याचेजेम्‍डिम ल्‍वा ने थो़रलाम ल्‍वासिक्‍पामिमका ओराम माम्‍चु़नीकु दिदामलाम रो। ओरामका डु़म्‍ला होम्‍साका दोपा अब्राहामकु खोत्‍ले चो़-चु़सु़मिमकाम लागि कोङङा मेएँ, लावो अब्राहाम होम्‍साका थो़रलु़पा मु़चु़मिमका वो आच्‍छाङा ल्‍वामी। हेङालोने थो़रलु़पामिमकु ङाउ-खुउ ने अब्राहाम सो़।

रोमी 3:26

माम्‍चु़नीका मु़चु़मिमकु छु़ल हेप्‍साका उनी त्‍वाप जो़पा न-गोकाम बुमी, मा येशूडा थो़रलु़पामिमलाई जो़पा न-गोकाम दु़म्‍बेन्‍मी र्‍वाक्‍पा ल्‍वा ओम्‍लोम थारीका वो रेम्‍बोमी।

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

१ कोरिन्थी 15:50

वा-ल्‍वाक्‍नी, गो गानीलाई र्‍वाङु, सो़ नुङ सिसिकु मिरो़मका माम्‍चु़नीकु किब्‍दीकाम दो़दो़वा मेल्‍वासु़। मेम्साकाङा पुयु़लुक्‍पा मिरो़मका हेल्‍लो वो पुयु़ मेलुक्‍पा मिरो़मकु दो़दो़वा मेल्‍वासु़।

१ कोरिन्थी 10:29

गो इनीमा नेप्‍चीकाम लागि मेएँ लावो मेम र्‍वाक्‍पा कोङनिम मु़चु़काम लागि र्‍वाङडोम सो़। गानीगोडाम कोङनिमका आरे र्‍वानी डे हेङा वाङमिम मु़चु़कु नेप्‍चीगोडाम ल्‍वाका आमा दाप होर्सिक्‍पा ल्‍वाडा भोम्‍मी?

मत्ती 20:28

मिनीचो़ चापे-डुपे बेला सो़सिप्‍डा मेएँ, चापे-डुपे बेप्‍डा नुङ उमा त्‍वाकु साम फ्‍यामुमा हापा मु़चु़मिमकु थि सोक्‍साका सेल्मु लागि योक्‍ताम सो़।”

१ कोरिन्थी 10:19

गो हाम र्‍वाक्‍तोङा बेउमिम? ङाटालाई ग्‍वाक्‍मा पोमुथोकमिमङा हाम डोक्‍पु ल्‍वा मा? लोवो ङाटा ङा हाम डोक्‍पु ल्‍वा?

१ कोरिन्थी 1:12

गो र्‍वामु मालुमिम ल्‍वा ओरामङा: गानीगोडाम कोङनिमका, “गो पावलकाम”, याङका “गो ओपोल्‍लोसकाम”, याङका “गो केफासकाम”, मा याङका “गो ख्रीष्‍टकाम” र्‍वानी ए।