रोमी 15:31 - थुलुङ राई

³¹ यहूदियाडा बाट्‍पा थो़रमेलु़पा मु़चु़मिमडाम माम्‍चु़नीका गोलाई गेङिमिनु़ मा यरूशलेमडाम थो़रलु़पामिम लागि फक्‍मा खउलुङ मेर्मिमका रमिनु़ र्‍वाक्‍साका सो़म्‍दी बेङ्‍साङनी।

रोमी 15:31 Referans Kwoze

२ थेसलोनिकी 3:2

माम्‍चु़नीका गुकुलाई रु़चो़ नुङ मेजो़पा मु़चु़डाम वाङ बोकिमिनु़ र्‍वाक्‍साका वो सो़म्‍दी बेनी, हेङालोने येशूकु सीसिडा खोत्‍लेका ने थो़र मेलु़मी।

२ कोरिन्‍थी 8:4

यहूदियाडा बाट्‌पा माम्‍चु़नीकु मु़चु़मिमलाई ख्‍लो़मु ल्‍वाकुनु़ र्‍वाक्‍साका गुकुनुङ मेर्मिमका छो़म र्‍वाम्‍डी।

२ कोरिन्‍थी 9:1

यरूशलेमडा बाट्‌पा माम्‍चु़नीकु मु़चु़मिमलाई ग्‍वामु ग्‍वा-ग्‍वाकु दुथाम गो गानीलाई र्‍यामुम बुमु मेबासी।

रोमी 15:25

लावो ओम्‍लो यरूशलेमडाम उनी हाम वो मेबाट्‍पा थो़रलु़पामिमकाम लागि अखैया नुङ मेसोदोनियाडा बाट्‍पा थो़रलु़पामिमका फक्‍मिडिम खउलुङ सोक्‍थिप्‍डा गो यरूशलेम लक्‍तोङा बेउ।

२ तिमोथी 4:17

लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।

२ तिमोथी 3:11

एन्‍टिओखिया शहर, आइकोनियन नुङ लुस्‍त्रा शहरमिमडा गोलाई छो़म मेजो़पा बेङ्‌डिमी। मेम्‍मा मेसिन्‍डाम मु़चु़मिमका ग्‍वाङ्‌डिमिम दु़खा इम्‍तो, लावो ङाचो़ येशूका मेर्मिम खोत्‍लेलामका गोलाई बोट्‌ङिडी-थार्ङिडिमी।

१ थेसलोनिकी 2:15

मेर्मिम यहूदीका ङाचो़ येशू नुङ माम्‍चु़नीलाम-जेपामिमलाई सेट्‌मिडी, मा गुकुलाई वो खासोक्‍तिकी। मेर्मिमका माम्‍चु़नीलाई गेर्सी मेबेन्‍मी, मा खोत्‍ले मु़चु़कु कोर्थो़लाम बमी।

थु़र्मा 25:24

किब्‍दी साखामचो़ फेस्‍तसका र्‍वाक्‍ता, “हप अग्रिपास, मा आसिन्‍डा बाट्‌पा खोत्‍ले वा-ल्‍वाकनी, गानी ओराम मु़चु़लाई ल्‍वानी, ओरामकु कोर्थो़लाममिम मेजो़पा ल्‍वा खोत्‍ले यहूदीमिमका यरूशलेमडा नुङ आसिन्‍डा आमाडा रेट्‌मिडी। मेर्मिमका ओरामलाई सेन्‍मु बासी र्‍वाम्‍डिमा येम्‍डिम बाइडा।

थु़र्मा 25:2

मेसिन्‍डाम डोक्‍पु डु़म्‍लाचो़मिम नुङ यहूदीमिमकु डोक्‍पु मु़चु़मिमका पावलकु कोर्थो़लाममिम ल्‍वा गुलाई थो़बेट्‌मिडी।

थु़र्मा 22:24

कमाण्‍डरका र्‍वाक्‍ता, “पावललाई ब्‍यारेकगोनो रेट्‌नी, मा हेङा मेरामकु कोर्थो़लाम मेर्मिम येमिमिम बुमी, मेराम थेसिथेन्‍मु कोक्‍तेकु रिवाका याल्‍तो हिलाबेनी।”

थु़र्मा 9:13

लावो हननियाका र्‍वाक्‍ता, “ङाचो़, मेराम मु़चु़का यरूशलेमडाम इनीमा थो़रलु़पामिमकाम छो़म उनी थो़मतेर्साड्‌डु़मिम ल्‍वा गो हापा मु़चु़मिमलामका थो़उतोम बु।

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

१ कोरिन्थी 16:15

वा-ल्‍वाकनी, गानी ओराम ल्‍वा चनी, स्‍तिफनासकु नेमडाममिम अखैयाडा खोत्‍लेडाम ङादो थो़रलु़पा मु़चु़मिम सो़। मेर्मिमका माम्‍चु़नीकु मु़चु़मिमकाम चापे-डुपे बोमुडा खोत्‍ले उनी न-गोङा ग्‍वाम्‍डिम बु। गो गानीलाई छो़म र्‍वाङु,

२ कोरिन्‍थी 1:10

गुमीका गुकुलाई आरेप्‍माम छो़म ङिमलु़पा सिमुलामका फ्‍वाक्‍तिकिमी, मा फ्‍वाक्‍सामी वो। गुमीका गुकुलाई हेल्‍लो लोवो फ्‍वाकिमी र्‍वाक्‍पा नका गुमीडला गुकु आकीमा थो़र जु़ल्‍तोकोम बु,

२ कोरिन्‍थी 9:13

गानी बोनिमिम ओराम ग्‍वाक्‍पा खारीकु दुथाम मेर्मिमका माम्‍चु़नीकु नङ कोमी। हेङालोने मेर्मिमलाई नुङ वाङमिम थो़रलु़पामिमलाई इनीमा ग्‍वा-ग्‍वा द्‌वाक्‍पा नका ग्‍वाक्‍निम ल्‍वाका ख्रीष्‍टकु जो़पा-सेलाका र्‍वाक्‍ताम होङङा गानी बुनी-दोनिमिम रेम्‍बु़।