रोमी 15:30 - थुलुङ राई

³⁰ द्‍वादीबुङ वा-ल्‍वाकनी, ङाचो़ येशू ख्रीष्‍ट नुङ माम्‍चु़नी-पेललाममिम रिखामका आमा दु़खा थारीका गोलाई ख्‍लो़ङिमिनु़ र्‍वाक्‍साका आमा लागि माम्‍चु़नीनुङ हेल्‍लो लोवो छो़म सो़म्‍दी बेङ्‍साङनी र्‍वाक्‍साका गानीनुङ र्‍वाङु।

रोमी 15:30 Referans Kwoze

कलस्‍सी 4:12

गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

२ कोरिन्‍थी 1:11

गानी वो आकीमा लागि सो़म्‍दी बेसाका ख्‍लो़किनिम बुकिनी। मेम्‍मा हापा मु़चु़मिमका इकीमा लागि आलासो़ र्‍वामी, हेङालोने मेर्मिम हापाकाम सो़म्‍दी थो़मिमा माम्‍चु़नीका गुकुलाई जि-वा ग्‍वाकिमी।

१ थेसलोनिकी 5:25

वा-ल्‍वाकनी, सो़म्‍दी बेसाट्‌किनी।

२ कोरिन्‍थी 4:11

सिपामा लक्‍पा आकीमा मिरो़मडा येशूकु त्‍वारो़म रेम्‍बेसिनु़ र्‍वाक्‍साका उनीमा लागि ङा हेल्‍लो लोवो गुकु र्‍वाप्‍डा सिकुम बुकु।

२ थेसलोनिकी 3:1

हुम-दडा, वा-ल्‍वाकनी, गुकु गानीलाई र्‍वाकु, आकीमा लागि सो़म्‍दी बेसाट्‌किनी। ङाचो़ येशूकु सिजेम दाला-दाला खोत्‍लेका थो़मिनु़, मा गानी बोनिमिम होङङा मेर्मिमका वो येशूकु सिजेमलाई डोक्‍पु मिम्‍मिनु़।

फिलिप्‍पी 2:1

ख्रीष्‍ट नुङ कोले दु़म्निमका इनीमा सोहन्‍पा बु। उनीमा रिखामका न बन्‍सिक्‍पा बुनी, माम्‍चु़नी-पेलनुङ हेमकेमडा बुनी, द्‌वामसिमु नुङ नाम्नाम्चो़ लु़निमिमका,

कलस्‍सी 2:1

इनीमा नुङ लाउडिकिया शहरडा बाट्‌पा मण्‍डलीकाम नुङ गोलाई मेक्रो़म्‍ङिमिवाम थो़र लु़पा मु़चु़मिमकाम लागि गो हाङको छो़म ब्राम्‍दु़ल्‍वा बेउमिम बु मेराम गानीलाई थेसिथेबेन्‍मु आमा न बु।

२ कोरिन्‍थी 4:5

गुकु थो़बेन्कुमिम ल्‍वा आकीमा दुथाममिम मेएँ, लावो येशू ख्रीष्‍ट ने ङाचो़ र्‍वाक्‍पा ल्‍वा नुङ ख्रीष्‍टकाम लागि गुकु इनीमा डु़ल्‍चो़ दु़म्‍तोकोम बु र्‍वाक्‍साका थो़बेन्‍कु।

२ तिमोथी 4:1

ख्रीष्‍ट येशू हप होङङा दु़म्‍साका योमिलो गुमीका सिपा लोवो नु़पा लोवो खोत्‍लेकाम निया बोमी। मेम्‍मिमका माम्‍चु़नी नुङ ख्रीष्‍टकु ङादोडा गो गानालाई ओर्मिम छो़म बेबेनी:

कलस्‍सी 1:8

माम्‍चु़नी-पेलका गानीलाई वाङमिम मु़चु़नुङ रिखाम बेबेट्‌निमकु दुथाम वो इपाफ्रासका गुकुनुङ सो़यु़डु़म बु।

एफिसी 6:19

मेकोतिमा गो जेमु खापुलो माम्‍चु़नीका उनीमा सिजेम ग्‍वाङिमिनु़, मा ङादो सु़का वो मेचक्‍मिवाम जो़पा-सेला वाङमिलाई मेङिसाका थेसीथेन्‍बेन्‍मु चापुनु़ र्‍वाक्‍साका आमा लागि सो़म्‍दी बेनी।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

२ कोरिन्‍थी 12:10

मेम्‍मिमका मेचाप्‍सीमिमडा, डसिसिमिमडा, दु़खामिमडा, थो़मतेर्सीमिमडा, इम्‍मु मेझापा ल्‍वामिमडा ख्रीष्‍टकाम लागि गो गेर्सी द्‌वाङु। हेङालोने मेचापा दु़म्‍ङुलो गो सो नुङमा दु़म्‍ङु।