रोमी 15:29 - थुलुङ राई

²⁹ गो इनीमाडा रोङुलो येशू ख्रीष्‍टलाम ल्वाउतोम जिवा हापा रेट्‍पुमा रोङु र्‍वाक्‍साका गो चक्‍तोम बु।

रोमी 15:29 Referans Kwoze

एफिसी 4:13

गुइ खोत्‍लेका ख्रीष्‍टडा बिइमिम इकी थो़रडा कोले दु़म्‍पा, माम्‍चु़नीकु तारापाचो़लाई आच्‍छाङा छेपा, थो़रडा आच्‍छाङा सोनुङमा दु़म्‍पा, मा ख्रीष्‍ट होप्‍मामङा दु़म्‍सिमिमसम्‍म बर्तो लक्‍सी।

एफिसी 1:3

इकीमा ङाचो़ येशू ख्रीष्‍टकु पाप माम्‍चु़नीलाई आला दु़म्नु़। गुमीका पाह्रीलाम खोममिमडा त्‍वारो़मकु खोत्‍ले जि-वामिम ख्रीष्‍टडा दु़स्तिम गुइलाई ग्‍वाक्‍साड्‍डामिम बु।

एफिसी 3:19

खोत्‍ले थेसी-चक्‍सी नुङ नेप्‍चीका मिम्‍मु मेचापा ख्रीष्‍टकु रिखाम गानी थेसिथेट्‍नी, मा इनीमा खोत्‍ले बासी-दोसीडा माम्‍चु़नीका द्‍वाक्‍पा मु़चु़ दु़म्‍निनु़ र्‍वाक्‍साका सो़म्‍दी बेउ।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

थु़र्मा 19:21

ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

रोमी 15:23

लावो ओर्मिम खोमडा गो जो़पा-सेला दो़मु दु़म्‍तोम बु। हापा थ आथाम गो गानीलाई क्रो़म्‍मु छो़म न बेउतोम बाइडा।

रोमी 15:32

मेम्‍मा माम्‍चु़नीकु न होम्‍साका गो इनीमाडा गेर्सी द्‍वाक्‍तो रोङु मा कोयो-कोयो न-गो भ्रसिक्‍तो बुइनु़ र्‍वाक्‍साका सो़म्‍दी बेनी।

२ कोरिन्‍थी 1:15

गुइ इकी त्‍वाप-त्‍वापडा आच्‍छाङा थेसीथेन्‍बिइ र्‍वाक्‍पा गो लु़ङ्‌डोमका गानी नक-खेप जि-वा ल्‍वानी र्‍वाक्‍साका आथावो इनीमाडा रोमु न बेउतोम बाइडा।