24 गो मेराम लाम्दी दु़म्तो स्पेन लङुलो गानीनुङ घ्रो़म्डा रोक्पा न बु, मा कोलेम नलेम गानीनुङ बाट्पा न वो बेउतोम बु। मेम्लो स्पेनसम्म लमु लागि गानी गोलाई ख्लो़ङिनी डे र्वाक्पा आमा नडा मिम्तोम बु।
मेम्मिमका मेर्मिमका थु़र्मीडिम खउलुङ ग्वाक्जो़ल्पुमी मा स्पेन लङु, मेम्लो गो इनीमाडा वो लुङु।
इनीमा थो़रका गोलाई मा आमा थो़रका गानीलाई गुइ त्वाप-त्वापगोडा सो हन्सी ल्वासिनु़ र्वाक्पा आमा न बु।
एन्टिओखिया मण्डलीडाम मु़चु़मिमका मेर्मिमलाई मेलामका थु़र्सोम्डी। मेकोतिमा मेर्मिम फोनिके नुङ सामरियालामका लम्डिलो वाङसामामिमका येशूडा थो़र लु़म्डिम ल्वा खोत्ले थो़रलु़पामिमनुङ सो़म्डी। ओराम थो़म्डिमा मेसिन्डाम थो़रलु़पामिम छो़म गेर्सिम्डी।
माकेडोनिया लङुलो ङादो इनीमाडा लुङु मा माकेडोनियालामका ख्लोसिङुलो वो इनीमाडा लुङु। मेम्मा गानी गोलाई यहूदियाथो़ थु़र्सोङिनी र्वाक्पा आमा नडा मिम्सिङ्डोम बाइडा।
मेलामका आकी लाम्दिमु थारीका मेर्मिम उनी नाइमे नुङ चो़मिम खोत्लेका गुकुलाई शहरकु पाखानो दिरिदिन फार्डा सोक्थिक्तिकिमी। मेम्मा गुकु मेसिन्डा क्रचु़खुम बेसाका सो़म्दी बेत्तोको, मा मेर्मिमनुङ ब्र्वासिक्तोको।
ओर्मिम ल्वा दु़स्ताम चङडा पावलका माकेडोनिया नुङ अखैया दु़म्तो यरूशलेम लक्पा मुलु़ बु़डु़। गुका र्वाक्ता, “यरूशलेम लङुमा गो रोम शहरडा वो लमु बासी।”
मेर्मिमका इमा रिखामकु दुथाम मण्डलीडा सो़म्डिम बु। माम्चु़नीका न बोमिमिम होम्साका हेल्लो लोवो मेर्मिमलाई ख्लो़यामिमा थु़र्सोकामी।