Biblia Todo Logo
Bib sou entènèt

- Piblisite -




रोमी 15:19 - थुलुङ राई

19 छेखोपमिम, हेल्‍लो वो मेल्‍वाम्‍मा यु़म खारीमिम मा माम्‍चु़नी-पेलकु यु़मलामका गो यरुशलेमडाम्‍मा इल्‍लुरिकन र्‍वाक्‍मा नेब्‍दीसम्‍म येशू ख्रीष्‍टकु दुथाम जो़पा-सेला जो़होमका दो़उतोम बु।

Gade chapit la Kopi




रोमी 15:19
37 Referans Kwoze  

गो गानीगोडा छो़म इम्‍सिक्‍साकानुङ हापा छेखोपमिम, हेल्‍लो वो मेल्‍वाम्‍मा नुङ यु़मनुङमा खारीमिम बेसाका गो येशू ख्रीष्‍टकु थु़र्मा र्‍वाक्‍पा ल्‍वा रेम्‍बेट्‌निनिम बु।


माम्‍चु़नीका वो छेखोपमिम, हापा खालकाम हेल्‍लो वो मेल्‍वाम्‍मा खारीमिम नुङ यु़मनुङमा खारीमिम रेम्‍बेसाका, मा उनी नकाङा मेर्मिमलाई दो़म्‍साम्‍डिम माम्‍चु़नी-पेलकु राप्‍लावामिमलाम ओराम ल्वा आच्‍छाङा र्‍वाक्‍साका रेम्‍बेम्‍डी।


माम्‍चु़नीका गानीलाई माम्‍चु़नी-पेल ग्‍वानिमी मा गानीगोडा हेल्‍लो वो मेल्‍वाम्‍मा यु़मखारीमिम बोमी, हाम ओर्मिम खोत्‍ले गानी डु़म्‍ला होम्‍साका खारी बेन्‍निमका आरे बेम्‍डिम डे, गानी थो़न्‍निम जो़पा-सेलाडा थो़र लु़न्‍निमका डे?


लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।


गुकु ने लङखाम मान्‍थिम सो़बेम पोमु चाडकु चङडा फिलिप्‍पीलामका डोक्‍पु कुबी-बोक्‍साडा हुत्तोकोमा ङोलेमका त्रोआस शहरडा मेर्मिमकाडा रोक्‍फात्तोको। मेसिन्‍डा गुकु येतलेम बात्तोको।


थो़रलु़पामिमका पावल नुङ सिलासलाई सिन्‍थाङा बेरिया शहरथो़ थु़र्थाम्‍डिची, मा मेर्चिप मेसिन्‍डा लुक्‍चिमा यहूदीमिमकु घ्रो़म्‍दीनेमगोडा लक्‍ची।


गानी इनीमा थो़रलु़सीडा बर्तो लनी र्‍वाक्‍साका गो गानीलाई आमा नड्‌डा हाम वो मेमुर्सिक्‍साका येशूकु दुथाममिम ल्‍वा खोत्‍ले मु़चु़मिमकु ङादोडा नुङ इनीमा नेम-नेमडा लक्‍साका सीट्‌निनिम ल्‍वा ने चनिमिम ङा बु।


अपोल्‍लोस कोरिन्‍थ शहरडा बाइडालो पावल हालाङ्‌मी इलाकामिमलामका एफिसस शहरडा रोक्‍फाड्‌डा। मेसिन्‍डा गुका थो़रलु़पामिमलाई डार्रु़मी।


मेकोतिमा मेर्मिम एफिसस शहरडा रोम्‍फाम्‍डी, मा पावलका अकिलास नुङ प्रिस्‍किलालाई मेसिङा पार्जो़ल्‍लु़ची। पावल उ त्‍वाप ने घ्रो़म्‍दीनेमडा लस्‍तामा यहूदीमिमलाई सिजेमकु दुथाम थेसिथेन्‍होम सीड्‌डु़मी।


मेकोतिमा पावल एथेन्‍सलामका कोरिन्‍थ शहरडा लस्‍ता।


पावललाई सोक्‍थिड्‌डा लक्‍पामिमका गुलाई एथेन्‍सडा रेट्‌मिडी। मेसिन्‍डा रोक्‍थिड्‌डामा उ त्‍वापलाई सोप्‍डा रोक्‍पामिमनुङ पावलका सिलास नुङ तिमोथी दालाङा रोचिनु़ र्‍वाक्‍पा सेला थु़र्सोड्‌डु़।


मेरामका हापा थारीसम्‍म आरेङा बु़डु़होम बाइडा। मेकोतिमा उ र्‍वा ओड्‌डामा पिख्‍लोसित्तो पावलका मे मुनाङपेललाई र्‍वाक्‍ता, “येशू ख्रीष्‍टकु नङडा गो र्‍वाङु, गाना मेरामलामका लुक्‍ल्‍याडा।” मेकोतिलोङा मेराम मुनाङपेल लुक्‍तामा लस्‍ल्‍याड्‌डा।


वाङसामामिमगोडा माम्‍चु़नीका पावल नुङ बारनाबासलामका हेल्‍लो वो मेल्‍वामिवाम खारीमिम नुङ छेखोपमिम रेम्‍बेम्‍डिम ल्‍वा मेर्चिपका सो़च्‍ची। घ्रो़म्‍दीडा रोम्‍डिम खोत्‍ले मु़चु़मिम लिबा बाम्‍डिमा मेर्मिमका ओराम ल्‍वा जो़होमका थो़म्‍डी।


पर्गा टापुडा सिजेम दो़च्‍चिमा मेर्चिप अटालियायु़ योक्‍ची।


लावो थो़रलु़पामिम पावलकु होनोलाम-आथो़लाम खोम्‍सिम्‍डिलो गु बक्‍ता, मा शहरथो़ ख्‍लोम्‍सिम्‍डी। उ दिकाम नेम गु नुङ बारनाबास डर्बी शहरथो़ लक्‍ची।


मेम्‍मा डोक्‍पु लो़लामका र्‍वाक्‍ता, “इ खेलका येम्‍सा।” मेकोतिमा मेराम हुबक्‍तामा लाम्‍दिमु चो़म्‍डु़।


मेर्चिपका ओराम ल्‍वा थो़च्‍चिमा लुकोनियाडाम लुस्‍त्रा शहर, डर्बी शहर नुङ होनो-आथो़म देलबाडे स्‍वाच्‍ची।


मेम्‍मिमका पावल नुङ बारनाबासका मेर्मिमकु कोर्थो़लाम उची फेमखेलयु़म फुर्कु थेप्‍ची, मा आइकोनियन शहरथो़ लक्‍ची।


पावल नुङ बारनाबास ने पर्गा शहरलामका लुक्‍चिमा पिसिदियाकु एन्‍टिओखिया शहरडा रोक्‍ची। मेम्‍मा ङेम्‍सिमुनेम घ्रो़म्‍दीनेमगोनो सो़रलोले बोमु लागि लक्‍चिमा बाच्‍ची।


लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”


येशूका मेरामलाई र्‍वाम्‍डी, “हेल्‍लो वो मेल्‍वानिवाम छेखोपमिम नुङ यु़मखारीमिम मेल्‍वाथु़मसम्‍म गानी हेल्‍लो वो थो़र मेबोनी।”


लावो गो माम्‍चु़नीकु यु़मलामका मुनाङ कोल्‍तोङा बेउ माला गानीगोडा माम्‍चु़नीकु किब्‍दी रोक्‍फाड्‌डाम बु।


माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।


माम्‍चु़नीका ङा गोलाई उनीमा डु़ल्‍चो़ दु़म्‍बेट्‍ङिडिमी, मा गानीलाई खोत्‍ले उनीमा सिजेम सो़साका मण्‍डलीकु खारी बेपा खुन्‍चु़म गुमिकाङा ग्‍वाङ्‌डिमिम बु।


गो मेराम लाम्‍दी दु़म्‍तो स्‍पेन लङुलो गानीनुङ घ्रो़म्‍डा रोक्‍पा न बु, मा कोलेम नलेम गानीनुङ बाट्‍पा न वो बेउतोम बु। मेम्‍लो स्‍पेनसम्‍म लमु लागि गानी गोलाई ख्‍लो़ङिनी डे र्‍वाक्‍पा आमा नडा मिम्‍तोम बु।


सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।


वाङसामाकाम लागि माम्‍चु़नीकु डु़म्‍लाचो़का बोमु बासिक्‍पा होम्‍साका खारी बोमु लागि गुमीका गोलाई ओराम दिदाम ग्‍वाङडिमिम सो़। मेम्मिमका माम्‍चु़नी-पेललाम सेपा दु़म्‍साका माम्‍चु़नीडा सासेन्‍सिमु घ्रेट्‍पा दु़म्‍मिनु़।


आमा सिजेम नुङ गो दो़उतोम ल्‍वा मु़चु़लाई नडा लक्‍पा नुङ नेप्‍चीनुङमा मेबायावा, लावो मेर्मिम ल्‍वाडा ने माम्‍चु़नी-पेलकु यु़म आच्‍छाङा रेम्‍बेसिड्‍डाम बाइडा।


हेङालोने गानीलाई गुकु थो़बेत्तोकोम जो़पा-सेला ने ल्‍वा कोङङा मेएँ। लावो ओराम ने यु़मनुङमा नुङ माम्‍चु़नी-पेललामका छो़म थो़रबिइमिम बाइडा। गानीनुङ गुकु बात्तोकोलो इनीमा लागि हेसाका बात्तोको मेराम गानी चनिमिम बु।


Swiv nou:

Piblisite


Piblisite