रोमी 15:18 - थुलुङ राई

¹⁸ हेङालोने गो जेङुमिम ल्‍वाका नुङ खारीलामका वाङसामामिमलाई माम्‍चु़नीका र्‍वामिमिम थो़पा दु़म्‍बेन्‍मु लागि ख्रीष्‍टका गोलामका बेम्‍डिम मेराम खारीडाम वाङमिम ल्‍वाकु दुथाम गो जेमु मेचापु।

रोमी 15:18 Referans Kwoze

थु़र्मा 15:12

वाङसामामिमगोडा माम्‍चु़नीका पावल नुङ बारनाबासलामका हेल्‍लो वो मेल्‍वामिवाम खारीमिम नुङ छेखोपमिम रेम्‍बेम्‍डिम ल्‍वा मेर्चिपका सो़च्‍ची। घ्रो़म्‍दीडा रोम्‍डिम खोत्‍ले मु़चु़मिम लिबा बाम्‍डिमा मेर्मिमका ओराम ल्‍वा जो़होमका थो़म्‍डी।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

थु़र्मा 21:19

मेर्मिमनुङ घ्रो़म्‍मिडिमा पावलका वाङसामामिमलाई जो़पा-सेला थो़बेड्‌डु़मिलो माम्‍चु़नीका हे-हेप्‍माम खारीमिम बेम्‍डी, मेर्मिम खोत्‍ले पेन्‍तिका सीड्‌डु़मी।

गलाती 2:8

पत्रुसलाई यहूदीमिमगोडाम थु़र्मा दु़म्‍साका जो़पा-सेला दो़पा खारी बेबेट्‌मिडिम माम्‍चु़नीकाङा गोलाई वो वाङसामामिमगोडा जो़पा-सेला दो़बेट्‌ङिडिमी।

२ थेसलोनिकी 2:17

इकी सो हन्‍बेट्‌पा माम्‍चु़नीका खोत्‍ले इनी जो़पा खारी बेसीडा नुङ जेसीडा सो हन्‍बेन्‍सानिमिनु़, मा ख्‍लो़निमिनु़ र्‍वाक्‍साका सो़म्‍दी बोकु।

रोमी 16:26

लावो ओम्‍लो माम्‍चु़नीलाम जेपामिमका र्‍याम्‍डिम खाजेमडा थेसीथेट्‍पा बेसाका र्‍याक्‍मा बु। हेल्‍लो लोवो दु़म्‍पाम बाट्‍पा माम्‍चु़नीका र्‍वाम्‍डिम होम्‍साका खोत्‍ले मु़चु़का ख्रीष्‍टडा थो़रलु़साका गुमीका र्‍वामिमिम थो़पा दु़म्‍मिनु़ र्‍वाक्‍साका ओराम थक्‍मा जो़पा-सेला खोत्‍ले सामाकाम मु़चु़मिमगोडा थो़बेट्‍मा बु।

यहूदा 1:9

डोक्‍पु पाह्रीचो़ मिखाएलका वो मोशाकु सिपा मिरो़मकु दुथाम शैताननुङ फइडालो गुलाई डक्‍साका जेत्तो मुमा बेन्‍मु मेचाप्‍साका आरे र्‍वाक्‍ताम बाइडा, “ङाचो़का गानालाई भुर्नामिनु़।”

१ यूहन्‍ना 3:18

द्‌वादीबुङ चो़च्‍चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्‍छाङा रिखाम बेबिमिम रेम्‍बी।

याकूब 1:22

ओरामका र्‍वामिम होम्‍साका बेनी। सिजेम थो़पा कोङङा दु़म्‍साका नड्‍डा मेजो़पा मिम्‍निमा मेख्‍लो़ट्‌नी।

हिब्रू 11:8

थो़रकाङा अब्राहामका दिफु गुका ल्‍वापा बायथो़ लमु माम्‍चु़नीका येट्‌मिडिलो बिसिड्‌डा। मेम्‍मा गु बान्‍थो़ लक्‍तोङा बु़डु़म मेराम मेचकु़वा लोवो गु लस्‍ता।

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

कलस्‍सी 3:17

जेमुडा लोवो खारी बोमुडा लोवो गानी हा-हाम बोनी ङाचो़ येशूकु नङडा ओर्मिम खोत्‍ले बेनी, मा गुमीलामका माम्‍चु़नी पापलाई आलासो़ ग्‍वाक्‍नी।

२ कोरिन्‍थी 12:6

गो डोक्‍पु लिसिमु मालु माला वो गो नेप्‍ची मान्‍थिम मेदु़म्‍ङु, हेङालोने गो आच्छाङाकाम ल्‍वा जेत्तोङा लेट्‌पु। लावो गो डोक्‍पु मेलिसिङु, मा गो हाम बेउ, हाम र्‍वाङु मेरामडाम वो डोक्‍पु सु़का वो गोलाई मेलु़मिनु़।

२ कोरिन्‍थी 11:31

ङाचो़ येशूकु माम्‍चु़नी नुङ पापकाम हेल्‍लो लोवो नङ कोसिनु़, गो लिमा मेथेट्‌पु र्‍वाक्‍पा ल्‍वा गुमीका चमी।

रोमी 6:17

गानी ङादो छु़लकु डु़ल्‍चो़ बान्‍नी। लावो ओम्‍लो ने गानी सीसिट्‌निमिम सीसि होङङा इनी त्‍वाकु न-गोलामका बेन्‍निमका माम्‍चु़नीलाई आलासो़।

थु़र्मा 26:20

ङादो दमस्‍कसडा, मा यरूशलेमडा मा खोत्‍ले यहूदिया नेब्‍दीडा बाट्‌पामिमलाई, मा वाङसामामिमलाई वो इनीमा छु़ल इनीमा न-गोलामका मिम्‍सिट्‌निमा माम्‍चु़नीडा ख्‍लोन्‍सिट्‌नी, मा मेराम ल्‍वा इनीमा खारीडा रेम्‍बेनी बेउतोमी।

थु़र्मा 15:4

मेर्मिम यरूशलेमडा रोम्‍फाम्‍डिमा मण्‍डलीडाम मु़चु़मिम, थु़र्मामिम नुङ एल्‍डरमिमका मेर्मिमलाई सेव साट्‌मिडी। मेकोतिमा पावल, बारनाबासनुङ रोक्‍पामिमका माम्‍चु़नीका मेर्मिमनुङ बेम्‍डिम खोत्‍ले खारीमिमकु दुथाम सो़म्‍डी।

थु़र्मा 14:27

मेर्चिप एन्‍टिओखियाडा रोक्‍फाट्‌ची, मा खोत्‍ले थो़रलु़पामिमलाई कोदेप येट्‌चिमी। मेम्‍मा माम्‍चु़नीका बेम्‍डिम खोत्‍ले खारीमिम सो़च्‍ची, मा हेसाका माम्‍चु़नीका वाङसामामिमकाम लागि थो़रलु़पा लाम्‍दी होल्‍साम्‍डिम मेर्मिम खोत्‍लेङा सो़च्‍ची।

मर्कूस 16:20

मेकोतिमा मे सीसिपामिम खोत्‍लेथो़ लम्‍डिमा मु़चु़मिमलाई जो़पा-सेला थो़बेन्‍मु चो़म्‍मिडी। मेकोतिलो माम्‍चु़नीका वो मेर्मिमनुङ दु़म्‍साका खारी बोमु चो़म्‍मिडी, मा छेखोपका मेराम ल्‍वा आच्‍छाङा रेछा र्‍वाक्‍पा रेम्‍बेम्‍डी। आमेन]

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

२ कोरिन्‍थी 3:5

ओराम खारी बोमु घ्रेटपा बुकु र्‍वाक्‍साका गुकु र्‍वामु मेचाम्‍कु। लावो गुकुलाई ओराम खारी बोमु घ्रेट्‍पा दु़म्‍बेट्‍पा ने माम्‍चु़नी सो़।

मत्ती 25:16

“ङोले सो़नाकु खउलुङ ल्‍वापा डु़ल्‍चो़का लस्‍तामा ब्‍यापार बोमु चो़म्‍ल्‍याड्‌डु़। मेम्‍मा ङोलेङा हापा खउलुङ डु़प्‍डु़।