रोमी 15:17 - थुलुङ राई

¹⁷ मेम्मिमका येशू ख्रीष्‍टनुङ दु़म्‍साका माम्‍चु़नीकाम लागि बोमु बासिक्‍पा आमा खारीडा गो आमा नो़ डोक्‍पु बेउ।

रोमी 15:17 Referans Kwoze

हिब्रू 5:1

डोक्‍पु डु़म्‍लाचो़ खोत्‍ले उमा मु़चु़मिमलामकाङा थुसिड्‌डाम दु़म। मेम्‍मा गु मु़चु़मिमकाम छु़ल हेम्‍सामुमि लागि ग्‍वा-ग्‍वा नुङ सासेसी माम्‍चु़नीलाई गुका ग्‍वाकु़।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

हिब्रू 2:17

मेम्‍मिमका खोत्‍ले ल्‍वाडा गुमी उनी त्‍वाकु मु़चु़मिम होप्‍मामङा दु़म्‍मु बास्‍ता। मेम्‍मा मु़चु़मिमका बेम्‍डिम छु़लकु दुथाम पाचो बिमु लागि माम्‍चु़नीकु ङादोडा गुमी न-थो़मनुङमा नुङ थो़रलु़इमिम डोक्‍पु डु़म्‍लाचो़ दु़म्‍मिडी।

२ कोरिन्‍थी 12:1

आमा लागि हाम वो जो़पा मेबु़ लोवो गो धक्‍ची डोक्‍पु बोमुङा बासी। ङाचो़लामका ल्‍वाउतोम मिक्‍सीलाममिम नुङ गुमीका रेम्‍बेट्‌ङिडिमिम ल्‍वामिमकु दुथाम गो सो़उ।

२ कोरिन्‍थी 7:4

गानीडला गो छो़म थो़र लु़ङ्‌डोम बु। गानीडाम गो छो़म आमा नो़ डोक्‍पु बेउ। खोत्‍ले आकीमा दु़खाडा वो आमा सो हन्‍पा बु मा छो़म भ्रसिक्‍पा बुङु।

रोमी 4:2

आच्‍छाङा अब्राहामका त्‍वाका बु़डु़म खारी मुमा मान्‍थिम दु़स्‍तालो डोक्‍पु लिम्‍सिमु चाप्‍सु़वा। लावो माम्‍चु़नीकु ङादोडा ने मेएँ।