Biblia Todo Logo
Bib sou entènèt

- Piblisite -




रोमी 15:16 - थुलुङ राई

16 वाङसामाकाम लागि माम्‍चु़नीकु डु़म्‍लाचो़का बोमु बासिक्‍पा होम्‍साका खारी बोमु लागि गुमीका गोलाई ओराम दिदाम ग्‍वाङडिमिम सो़। मेम्मिमका माम्‍चु़नी-पेललाम सेपा दु़म्‍साका माम्‍चु़नीडा सासेन्‍सिमु घ्रेट्‍पा दु़म्‍मिनु़।

Gade chapit la Kopi




रोमी 15:16
40 Referans Kwoze  

गानी वाङसामामिमलाई गो ओराम ल्‍वा र्‍वाक्‍तोङा बेउ। गो वाङसामामिमकु थु़र्मा दु़म्‍ङोडोमका जो़पा-सेला दो़पा खारी बोमुङा छो़म डोक्‍पु मिम्‍पु।


माम्‍चु़नीकु थु़र्मा दु़म्‍मु लागि येट्‌ङिडिमिम मा उनीमा जो़पा-सेला थो़बेन्‍मु लागि वाङ दु़म्‍ङोडोम येशू ख्रीष्‍टकु डु़ल्‍चो़ गो पावलका ओराम सेलाखाजेम र्‍याक्‍तोङा बेउ।


माम्चु़नीडा इनीमा थो़र नुङ बोनिमिम खारी ने गुमीलाई ग्‍वामा सासेन्मु होप्माम बु। आमा त्वाकु सिसि मेराम सासेन्मुडला अम्‍सिमुङा बासी लोवो गेर्सिक्‍पा बुङु, मा गानी खोत्‍लेनुङ भ्रसिद्‌वाङु।


ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।


ओराम जो़पा-सेलाकाम लागि जो़पा-सेला थो़बेट्‌पा, थु़र्मा नुङ सीपा कोङ मु़चु़ माम्‍चु़नीका गोलाई थुट्‌ङिडिमिम बु।


ओराम सीसि आलाकाम इकीमा माम्‍चु़नीलामका योक्‍ताम बु। गुमीका गोलाई ओराम यु़मनुङमा सीसि सीमु ग्‍वाङडिमी।


वाङमिमलाई जो़होम बोमु नुङ इनी त्‍वाकु चाप्‍सी ख्‍लो़मु मेप्‍ल्‍वानी। हेङालोने आरेप्‍माम ग्‍वा-ग्‍वाका माम्‍चु़नी गेर्सी द्‌वामी।


हेङालोने गो जेङुमिम ल्‍वाका नुङ खारीलामका वाङसामामिमलाई माम्‍चु़नीका र्‍वामिमिम थो़पा दु़म्‍बेन्‍मु लागि ख्रीष्‍टका गोलामका बेम्‍डिम मेराम खारीडाम वाङमिम ल्‍वाकु दुथाम गो जेमु मेचापु।


लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।


मेम्‍मिमका माम्‍चु़नीका ओराम उनी नकाम लागि जो़पा-सेला सो़पा नुङ थु़र्मा थुट्‌ङिडिमिम बु, मा आच्‍छाङाकाम सिजेम वाङसामामिमलाई सीपा मु़चु़ दु़म्‍ङोडोम बु। गो ओराम लिमा मेथेसाका आच्‍छाङा र्‍वाङुमिम सो़।


मेम्‍मिमका गुकु ख्रीष्‍टकाम सेलाचो़ सो़, मा माम्‍चु़नीका गुकुलामका र्‍वामिमिम-र्‍वामिमिमङा बुमी। ख्रीष्‍टलामका गुकु गानीलाई छो़म र्‍वाकु: माम्‍चु़नीनुङ इनीमा न-थो़म घ्रो़म्‍बेट्‌नी।


गुकु ख्रीष्‍टकु डु़ल्‍चो़ नुङ माम्‍चु़नीकु दुथाम थक्‍मा आच्‍छाङाकाम ल्‍वा सो़मु खुन्‍चु़म ल्वापा मु़चु़ र्‍वाक्‍साका मु़चु़मिमका गुकुलाई मिम्‍मु बासी।


गानीलाई वो माम्‍चु़नीका नु़पा लुङ होप्‍माम दु़म्‍बेसाका सो़रलोले दु़म्‍पा नेम बनेबोनिमी। गानी येशू ख्रीष्‍टलाम माम्‍चु़नीलाई गेर्सीबेट्‌पा उनीमा सेपा डु़म्‍लाचो़ बुनी।


माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।


न-गो भ्रसिबेट्‌पा माम्‍चु़नीका खोत्‍लेडा गानीलाई सेपा दु़म्‍बेन्‍मिनु़। मेम्‍मा खोत्‍ले इनीमा मिरो़म, न-गो, साम ङाचो़ येशू ख्रीष्‍ट योमिलोसम्‍म हाम वो मेख्‍लो़ट्‌पा दु़म्‍बेन्‍मिनु़।


वा-ल्‍वाकनी, गुकु मेचाप्‍तो खारी नुङ ब्राम्‍दु़ल्‍वा बेत्तोकोम ने गानी चनिमिमङा बु। माम्‍चु़नीकु जो़पा-सेला गानीलाई थो़बेत्तोकोलो पोमु-डुमुडा भुक्‍ता मेग्‍वामुमि र्‍वाक्‍साका नेम्‍फु सिन्‍था खारी बेत्तोको।


गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।


गोलाई चाइदु़म्‍पाडाम वो हापा ल्‍वाउतोम बु, गो लिट्‌पा बुङु। गानी इपाफ्रोडिटसकाडा थु़र्निम ख्‍लो़सीमिम डार्तो। मेर्मिम ने माम्‍चु़नीका रमिमिम मा मेराम ने गुमीलाई गेर्सिबेट्‌पा भ्रपा नेम्‍पा ग्‍वा-ग्‍वा होप्‍माम बु।


गानी वो ख्रीष्‍टनुङ कोदेप दु़म्‍साका वाङमिम खोत्‍लेनुङ कोयोङा माम्‍चु़नी-पेललामका माम्‍चु़नी बाट्‍पा खोम दु़म्‍तो लक्‍नी।


येशू ख्रीष्‍ट क्रूसडा सिम्‍डिमका यहूदी नुङ मेयेहूदी गुइ खोत्‍ले कोलेङा माम्‍चु़नी पेललामका माम्‍चु़नीकु ङादोडा रोमु चाप्‍स्‍तिम बु।


माम्‍चु़नीका गानीलाई माम्‍चु़नी-पेल ग्‍वानिमी मा गानीगोडा हेल्‍लो वो मेल्‍वाम्‍मा यु़मखारीमिम बोमी, हाम ओर्मिम खोत्‍ले गानी डु़म्‍ला होम्‍साका खारी बेन्‍निमका आरे बेम्‍डिम डे, गानी थो़न्‍निम जो़पा-सेलाडा थो़र लु़न्‍निमका डे?


हाम मेर्मिम ख्रीष्‍टकु डु़ल्‍चो़मिम? गो नेप्‍ची मान्‍थिम होङङा जेत्तोङा लेट्‌पु। गो मेर्मिमडाम हापा जो़पा डु़ल्‍चो़। गो हापा ब्राम्‍दु़ल्‍वा बेउतो। हापा खेप चसिङडोमा बाङडो। हापा इम्‍मु मेचापा बेसाका कोक्‍तेकु रिबाका याल्‍ला सो़सिङडो। हापा खेपङा र्‍वाप्‍डा सिङडो।


गुकु मेर्मिमलाम ल्‍वापा न बेत्तोकोमडाम वो हापा मेर्मिमका बेम्डी। ङादो मेर्मिमका उनी त्‍वापलाई ङाचो़ येशूकु ल्‍वाडा ग्‍वाम्‍डी। मेम्‍मा माम्‍चु़नीकु न होम्‍साका उनी त्‍वापलाई ङा आकी ल्‍वाडा ग्‍वाक्‍तिकी।


इनी मिरो़म माम्‍चु़नी पेलकु सो़रनेम सो़, मेराम पेल गानीगोडा बुमी, मेराम माम्‍चु़नीलाम ल्‍वान्‍निम र्‍वाक्‍पा हाम गानी मेचनी? गानी इनी त्‍वाप ने इनी त्‍वाकामङा मेएँ।


अपोल्‍लोस सु़ मा? मा पावल सु़ मा? गुचुकु ने माम्‍चु़नीकु डु़ल्‍चो़ कोङङा, उहेमलामका गानी थो़र लु़नी। ङाचो़का बेबेच्‍चिकिमिम आची खारी गुचुकु बेच्‍चोकोम सो़।


गो इनीमाडा रोङुलो येशू ख्रीष्‍टलाम ल्वाउतोम जिवा हापा रेट्‍पुमा रोङु र्‍वाक्‍साका गो चक्‍तोम बु।


हाम-हुम ल्‍वामु लागि हेल्‍लो वो इनी पाउ मेसोनु़। हेङालोने माम्‍चु़नी-पेललाम उनीमा रिखाम इकीमा न-गोडा देम्‍बेट्‌मिडिम बु।


“गुमीका गोनुङ र्‍वाम्‍डी, ‘मेलामका लक्‍सा, गो गानालाई हापा होनोवा बाट्‌पा वाङसामामिमकाडा थु़र्नी’।”


“आथा गो गानीलाई माम्‍चु़नीकु ल्‍वाड्‌डा नुङ उनी दिदामकु सिजेमडा जु़ल्‍निनी, मेरामलामका माम्‍चु़नीका इनीमा थो़र बर्बेत्तो लमी, मा उनी त्‍वाकु मु़चु़मिमगोडा जि ल्‍वापा दु़म्‍बेनी।


कोलेम मेर्मिमका उपास बासाका माम्‍चु़नीकु सो़रलोले बेत्तोङा बेम्‍डिलो, माम्‍चु़नी-पेलका मेर्मिमनुङ र्‍वाम्‍डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्‍वाक्‍निची।”


छेखोपमिम, हेल्‍लो वो मेल्‍वाम्‍मा यु़म खारीमिम मा माम्‍चु़नी-पेलकु यु़मलामका गो यरुशलेमडाम्‍मा इल्‍लुरिकन र्‍वाक्‍मा नेब्‍दीसम्‍म येशू ख्रीष्‍टकु दुथाम जो़पा-सेला जो़होमका दो़उतोम बु।


वाङमिमका चो़म्‍मिडिम जगडला नेम बनेबोमु चो़म्‍मा होम्‍साका वाङमिमका जो़पा-सेला दो़मु चो़म्‍मिडिम खोमडा गो मेदो़उ। ख्रीष्‍टकु दुथाम थो़मुङा मेथो़मिवाम मा वाङमिमका जो़पा-सेला मेदो़मिवाम खोमडा कोङङा गो जो़पा-सेला दो़मु द्‍वाक्‍पु।


येशू ख्रीष्‍टका गानीलाई रिखाम बेन्‍निमिमका इनी छु़ललाम वाङ बोमु लागि उनी त्‍वापङा सासेन्‍सिम्‍डी मा माम्‍चु़नीलाई गेर्सीबेट्‌पा भ्रपा मुर्नेम्‍पा धूप होप्‍माम दु़म्‍मिडी। मेम्‍साका गानी वो रिखामडा बानी-दोनी।


Swiv nou:

Piblisite


Piblisite