रोमी 15:14 - थुलुङ राई

¹⁴ आमा द्‍वादीबुङ वा-ल्‍वाकनी, गानी जो़पा न-गोकाम बुनी र्‍वाक्‍साका गो चक्‍पु। थेसीथेट्‍पा दु़म्‍निम बु मा त्‍वाप-त्‍वापगोडा सीमु चापा दु़म्‍निम बु।

रोमी 15:14 Referans Kwoze

२ पत्रुस 1:12

मेम्‍मिमका ओर्मिम गानी चक्‍निम बु मा गानीनुङ बाट्‌पा आच्‍छाङाकाम ल्‍वाडा गानी छो़म थो़रलु़निम बुनी लोवो ओर्मिम ल्‍वा गो गानीलाई हेल्‍लो लोवो मिम्‍बेनिनी।

१ यूहन्‍ना 2:21

आच्‍छाङाकाम ल्‍वा गानी थेसिमेथेनी र्‍वाक्‍साका गानीलाई ओराम ल्‍वा र्‍याक्‍पुमिम मेएँ, लावो आच्‍छाङाकाम थेसिथेनिमिमका र्‍याक्‍पुमिम। आच्‍छाङालामका ल्‍वा लिमा मेरो र्‍वाक्‍पा गानी चनी।

१ कोरिन्थी 8:1

ङाटालाई ग्‍वाक्‍मा पोमु-डुमुकु दुथाम गो र्‍वाङु, गुइ खोत्‍लेका च, गुइ खोत्‍लेका नेप्‍ची ल्‍वास्‍तिम बु। नेप्‍चीका गुइ डोक्‍पु लिसिबेसा, लावो रिखामका जो़पा दु़म्‍बेसा।

१ थेसलोनिकी 5:11

मेम्‍मिमका गानी बेत्तोङा बोनिमिम होम्‍साकाङा इनीमा सो हन्‍बेबोमु नुङ माम्‍चु़नीडा हापा थो़रलु़मु लागि ख्‍लो़बेबेनी।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

१ कोरिन्थी 8:10

याक्‍के नेप्‍चीनुङ थो़रलु़पा कोङनिम मु़चु़का गानी थेट्‌पा-चक्‍पा मु़चु़का ङाटा सेव साट्‍पा सो़रनेमगोडा पेन्‍निम ल्‍वास्‍तु़ माला, ङाटालाई ग्‍वाक्‍मा पोमु हाम उ सो मेहन मा?

१ कोरिन्थी 8:7

मेम्‍मा वो खोत्‍लेका ने ओराम मेचमी। ङाटा आच्‍छाङा र्‍वाक्‍साका कोङनिम मु़चु़काम ङाटा सेव साट्‍पा बादु़खाम दु़म, मा ङाटालाई ग्‍वाक्‍मा पोमु-डुमु मेर्मिमका पोमिलो मेराम ने आच्‍छाङाम नो़पमिमकु सो़रलोले बेसी र्‍वाक्‍पा लु़मी। मेम्‍मा मेर्मिमकाम जो़पा नुङ मेजो़पा ल्‍वा छेमु मेचापा न बुमिमका मेराम पोमु-डुमुलामका “गो मेसेपा दु़म्ङोडो” र्‍वाक्‍पा मिम्‍डु़।

१ कोरिन्थी 1:5

हेङालोने ख्रीष्‍टडा गानी खोत्ले ल्वाडा जेमु मा खोत्ले ल्वा सो़मु चापा नेप्‍चीकु जि-वा ल्वान्‍निम बु।

फिलेमोन 1:21

गो र्‍वाङ्‌डोमडाम वो हापा बोना र्‍वाक्‍साका थो़रलु़ङडोम बु। मेम्‍मिमका गानालाई गो ओराम सेलाखाजेम र्‍याक्‍तोङा लेट्‌पु।

१ थेसलोनिकी 5:14

वा-ल्‍वाकनी, भ्रेपा मु़चु़लाई ङिमसाट्‌नी, ङिपामिमकाम उनी न बन्‍साट्‌नी। ख्‍लो़मु बासिक्‍पामिमलाई ख्‍लो़नी। खोत्‍लेनुङ इम्‍सिक्‍साका बानी।

एफिसी 5:9

हेङालोने ख्रीष्‍टकु ओलडा दु़म्‍पा मु़चु़ ने जो़पा बेपा, माम्‍चु़नीकु मिक्‍सीलामडा घ्रेट्‍पा मा थो़र लु़इमिम दु़म।

हिब्रू 6:9

द्‌वादीबुङ वा-ल्‍वाकनी, गुकु आरेसाका र्‍वाकु लोवो गानीडला आरेप्‍माम दु़म र्‍वाक्‍साका थो़र मेबोकु। लावो गानी सेल्‍सिनी मा हापा जो़पा ल्‍वामिम ल्‍वानी र्‍वाक्‍साका थो़र बोकु।

हिब्रू 5:12

ओम्‍लोसम्‍म ने गानी वाङमिमिमलाई सीमु चापा दु़म्‍मु बासिक्‍पा बाइडा। लावो आथावो गानीलाई कोङनिमका माम्‍चु़नीकु सिजेमकाम याक्‍के ल्‍वा सीमु बासिक्‍पा बु। गानी ने डोमु मेझापा पोमुथोक डोमु चापा दु़म्‍मु बासिक्‍पा बाइडा, लावो दु़दु़ डुपा चो़च्‍चो़ होप्‍मामङा बुनी।

२ तिमोथी 1:5

गो इमा आच्‍छाङाकाम थो़र मिम्‍पु, मा ङादो मेराम थो़र इमा मिमी लोइस नुङ इमा माम युनिसडा बाइडा। मेराम थो़र गानानुङ वो बु र्‍वाक्‍पा गो लु़ङडोम बु।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

फिलिप्‍पी 1:7

गानी खोत्‍लेकु दुथाम आरेसाका मिम्‍मु जो़पा लु़ङडोम बु, मा गानीलाई आमा नगोडा जु़ल्‍निनी। हेङालोने गो होम्‍लो चसिक्‍पा बुङुलो मा मेचसिथु़म वो जो़पा-सेला थो़बेन्मुनुङ मेरामलाई बोत्तो-थार्तोमडा गानी वो गोनुङङा माम्चु़नीकु दिदाम ल्‍वान्‍निम बु।

१ कोरिन्थी 13:2

गोनुङ माम्‍चु़नीलाम जेपा राप्‍लावा बु, खोत्‍ले थक्‍मा ल्‍वा नुङ नेप्‍ची थेसिथेन्‍मु चापु, मा पोप्‍चङ हेम्मु चापा थो़र बु लावो आगोनो रिखाम मिबु माला गो हाम वो मेएँ।

१ कोरिन्थी 12:8

कोङनिमलाई माम्‍चु़नी-पेललाम नेप्‍चीकु ल्‍वा जेपा, कोङनिमलाई मेरामङा पेललामका नकु ल्‍वा जेपा,

२ कोरिन्‍थी 8:7

गानी थो़रडा, सीसिडा, नेप्‍चीडा, वाङमिमलाई ख्‍लो़मु सो-हन्‍पा नुङ गुकुडलाम इनीमा रिखाम बेसीडा खोत्‍लेडाम जो़पा दु़म्‍तो लक्‍निम बु। आरेसाकाङा वाङमिमलाई बोमु बासिक्‍पा न-थो़मनुङमा खारीडा वो खोत्‍लेडाम जो़पा दु़म्‍नी र्‍वाक्‍पा न बेउ।

२ थेसलोनिकी 1:11

ओराम ल्‍वा नडा मिम्‍साका गुकु हेल्‍लो लोवो सो़म्‍दी बोकुमिम बुकु, माम्‍चु़नीका गानीलाई उनीमा किब्‍दीगोडा हुमु घ्रेट्‌पा दु़म्‍बेनिमिनु़। मेम्‍मा गानी इनीमा नका नुङ थो़रका बेन्‍निम खोत्‍ले खारीमिम उनीमा यु़मलामका दु़म्‍नु़।