रोमी 14:9 - थुलुङ राई

⁹ सिपा नुङ नु़पा खोत्‍ले मु़चु़काम लागि येशू ख्रीष्‍ट सिम्‍डी मा आथावो बम्‍गेम्‍डी। हेङालोने गुमी सिपा नुङ नु़पा खोत्‍लेकाम ङाचो़ दु़म्‍मु लागि मेम बेम्‍डी।

रोमी 14:9 Referans Kwoze

रेम्‍बेट्‌मिडिम ल्‍वा 1:18

नु़पा ने गोङा सो़, गो सिङ्‌डोम बाइडा, लावो रेप्‍नी, गो हेल्‍लो लोवो नु़ङुम बुङु। मेम्‍मा सिमुलाम नुङ सिपा मु़चु़मिम बाखोप खादी ल्‍वाडा बेपा चाबीमिम गोनुङ बु।

लूका 24:26

यु़म-झ्‍वाक्‍सी डार्मु ङादो हाम ख्रीष्‍टका खोत्‍ले उ दु़खा इम्‍मु बासिक्‍पा मेबायावा मा?”

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

२ तिमोथी 4:1

ख्रीष्‍ट येशू हप होङङा दु़म्‍साका योमिलो गुमीका सिपा लोवो नु़पा लोवो खोत्‍लेकाम निया बोमी। मेम्‍मिमका माम्‍चु़नी नुङ ख्रीष्‍टकु ङादोडा गो गानालाई ओर्मिम छो़म बेबेनी:

थु़र्मा 10:42

मु़चु़मिमलाई जो़पा-सेला थो़बेन्‍मुमी, मा सिपा नुङ नु़पामिमकाम नियाबेपा माम्‍चु़नीका थुट्‌मिडिम मु़चु़ येशू ङा सो़ र्‍वाक्‍साका सो़मु गुमीका गुकुलाई र्‍वाम्‍डिम बु।

मत्ती 28:18

येशू मेर्मिमकाडा रोम्‍डिमा र्‍वाम्‍डी, “सुबु नुङ पाह्रीडला खोत्‍ले साखाम माम्‍चु़नीका गोलाई ग्‍वाङ्‌डिमिम बु।

१ पत्रुस 4:5

लावो सिपा नुङ नु़पामिमकु निया बेपा माम्‍चु़नीकु ङादोडा मेर्मिमका सो़मु बासी।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

२ कोरिन्‍थी 5:14

ख्रीष्‍टकु रिखामका गुकुलाई ओराम खारी बेबेत्तिकिम सो़। खोत्‍ले मु़चु़मिमकाम लागि गुमी सिम्‍डी, मेम्‍मिमका गुइ खोत्‍ले गुमीनुङ सिइडिम र्‍वाक्‍साका गुइ चडिम बु।

थु़र्मा 10:36

गानी ओराम ल्‍वा चनिमिम ङा बु, माम्‍चु़नीका न भ्रसिबेट्‌पा जो़पा-सेला सो़प्‍डा येशू ख्रीष्‍टलाई गुकु इस्राएलीमिमकाडा थु़र्मिडी। गुमी ङा खोत्‍ले मु़चु़मिमडला साखाम थो़पा ङाचो़ सो़।

रेम्‍बेट्‌मिडिम ल्‍वा 2:8

“स्‍मुर्ना मण्‍डलीडाम पाह्रीचो़लाई ओराम ल्‍वा र्‍याका: चो़म-द नुङ हुम-द, सिपामा बग्‍गेट्‌पा गुमीका आरे र्‍वामी।

यूहन्‍ना 12:24

आच्‍छाङा गो गानीलाई र्‍वाङु, जेप्‍सेरकु मा क्‍वाडला हुम्‍साका मेसियावा माला मेराम उ त्‍वापङा दु़म। लावो मेराम सिडा माला मेरामका हापा मा सिन्‍बेडु़।

रोमी 10:9

गानी इनीमा त्‍वाकु सिकाङा येशू ङा ङाचो़ र्‍वाक्‍साका सो़नी मा माम्‍चु़नीका गुमीलाई सिमुलाम फम्‍खेट्‌मिडिम र्‍वाक्‍साका इनीमा नगोलामका थो़रलु़नी माला गानी सेल्‍सिनी।

१ थेसलोनिकी 4:14

येशू सिम्‍डी मा आथावो बम्‍गेम्‍डी र्‍वाक्‍पा गुइ थो़रलु़इ। मेम्‍मिमका येशूडा थो़रलु़साका सिपा मु़चु़लाई माम्‍चु़नीका फमिमा येशूनुङ रेन्‍मी र्‍वाक्‍पा थो़रलु़इमिम बु।

१ थेसलोनिकी 5:10

ख्रीष्‍ट योमिलो सिपा बुइ लोवो नु़पा बुइ लोवो गुमीनुङङा गुइ हेल्‍लो लोवो दु़म्‍सिनु़ र्‍वाक्‍साका इकीमा लागि ख्रीष्‍ट सिम्‍डी।