रोमी 14:8 - थुलुङ राई

⁸ गुइ नु़इ लोवो ङाचो़काम लागि ङा नु़इ मा सिइ लोवो ङाचो़काम लागि ङा सिइ। मेम्‍मिमका गुइ सिइ लोवो नु़इ लोवो ङाचो़काम लागिङा सो़।

रोमी 14:8 Referans Kwoze

फिलिप्‍पी 1:20

गो छो़म बोमु मालुमिम नुङ आमा न ओरामङा सो़, हामता वो आमा क्रो़म लु़मु बासिक्‍पा मेदु़म्‍ङु, लावो आमा रुखु छो़म फिन्‍सिक्‍पा दु़म, मेम्‍साका सिङुनु़का बुङुनु़ मेलामका आमा मिरो़मडा हेल्‍लो लोवो दु़म्‍मिम होम्साका ओम्‍लो वो ख्रीष्‍ट डोक्‍पु दु़म्‍मी।

१ थेसलोनिकी 5:10

ख्रीष्‍ट योमिलो सिपा बुइ लोवो नु़पा बुइ लोवो गुमीनुङङा गुइ हेल्‍लो लोवो दु़म्‍सिनु़ र्‍वाक्‍साका इकीमा लागि ख्रीष्‍ट सिम्‍डी।

१ कोरिन्थी 15:23

लावो सिमुलाम बग्‍गेसी आरेसाका पेन्‍तिका दु़म: ख्रीष्‍ट ने ङादो सिट्‌पा मा होङङा माम्‍चु़नीका ख्रीष्‍टलाई खोत्‍लेडाम ङादो सिमुलाम फम्‍डी, मेम्‍मा ख्रीष्‍ट योमिलो ख्रीष्‍टनुङ हेमकेम बाट्‌पा खोत्‍लेलाई माम्‍चु़नीका सिमुलाम फमी।

थु़र्मा 21:13

लावो पावलका र्‍वाक्‍ता, “गानी हेङा आरेसाका ख्राम्‍नीमा आमा न चनिमिम? गो ङाचो़ येशूकाम लागि यरूशलेमडा बन्‍ला सो़म्‍सिमु कोङङा मेएँ, सिमु ङा वो हाम होङ्‍ङा मेलु़ङु।”

रेम्‍बेट्‌मिडिम ल्‍वा 14:13

मेम्‍मा पाह्रीलाम कोङ लो़लामका आरे र्‍वाक्‍ताम गो थो़उतो, “ओराम र्‍याका: आथाडा आनो ङाचो़डा थो़र बु़डु़मका सिपामिम आलाकाम सो़।” माम्‍चु़नी-पेलका र्‍वाम्‍डी, “आच्‍छाङा सो़, मेर्मिमका उनी ब्राम्‍दु़ल्‍वा बेसीडाम ङेम्‍सिमु ल्‍वामी, हेङालोने मेर्मिमका बेम्‍डिम जो़पा खारीकाम पुरस्‍कार ल्‍वामी।”

फिलिप्‍पी 2:17

माम्चु़नीडा इनीमा थो़र नुङ बोनिमिम खारी ने गुमीलाई ग्‍वामा सासेन्मु होप्माम बु। आमा त्वाकु सिसि मेराम सासेन्मुडला अम्‍सिमुङा बासी लोवो गेर्सिक्‍पा बुङु, मा गानी खोत्‍लेनुङ भ्रसिद्‌वाङु।

थु़र्मा 20:24

लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।

फिलिप्‍पी 2:30

हेङालोने ख्रीष्‍टकु खारीकाम लागि गु र्‍वाप्‍डाङा सिडा, मा गानी गोलाई ग्‍वामु मेचाप्‍निवाम ख्‍लो़सीडा खारी बोम्सोमु लागि सिमु बासि लोवो हाम होङ्‍ङा मेलु़यावाम बाइडा।

थु़र्मा 13:36

“दाऊदकु साम बाइडामसम्‍म गुका माम्‍चु़नीकु न होम्‍साका खारीमिम बु़डु़। मेकोतिमा गु सिडा, मा उ ङाउ-खुउमिमकु सु़लु़मगोनो क्‍लु़म्‍मिडी, मा दाऊदकु रो़म झिप्‍स्‍ता।

यूहन्‍ना 21:19

हेसाका सिसाका पत्रुसका माम्‍चु़नीकु यु़म झ्‍वाकु़ मेराम रेम्‍बोमु लागि येशूका आरे र्‍वाम्‍डिम बाइडा। मेम्‍मा गुमीका पत्रुसलाई र्‍वाम्‍डी, “आमा चङचङ लाम्‍दिया।”

लूका 20:38

गुमी सिपा मु़चु़मिमकु माम्‍चु़नी मेएँ। लावो नु़पा मु़चु़मिमकु माम्‍चु़नी सो़। हेङालोने उनीमा लागि खोत्‍ले मु़चु़मिम नु़पा बुमी।”