रोमी 14:19 - थुलुङ राई

¹⁹ मेम्मिमका गुइ न-भ्रसी बेट्‍पा नुङ थो़रलु़पामिमका त्‍वाप-त्‍वापगोडा सो हन्‍बेट्‍पा ल्‍वाडा कोङङा न सोकी।

रोमी 14:19 Referans Kwoze

एफिसी 4:29

वाङमिमलाई मेजो़पा दु़म्‍पा ल्‍वा मेजेनी, लावो थारी घ्रेट्‍पा नुङ नडा लक्‍पा ल्‍वा जेनी। मेराम ल्‍वाका मेर्मिमलाई जो़होमका ख्‍लो़पा दु़म्‍नु़।

रोमी 12:18

चाम्‍निमिमसम्‍म खोत्‍लेनुङ दु़साका बानी।

रोमी 15:2

इकीमा त्‍वाकु साउखोरेलाई जो़पा दु़म्‍नु़ मा मेर्मिमकु थो़रलु़सीडा सोनुङमा दु़म्‍मिनु़ र्‍वाक्‍साका गुइ खोत्‍लेका मेर्मिमलाई गेर्सिबेन्‍मुमि बासी।

हिब्रू 12:14

हेसाका दु़म खोत्‍ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्‍नी। छु़लडाम वाङ मेबाट्‌पा सु़का वो माम्‍चु़नी ल्‍वामु मेचाप्‍सु़।

२ कोरिन्‍थी 13:11

हुम-दडा, वा-ल्‍वाकनी, ब्‍र्‍वासिडी। छो़म जो़पा दु़म्‍साका लाम्‍दिमु न बेनी। गो छो़म र्‍वाङुमिम ल्‍वा थो़नी, कोले नकाम दु़म्‍नी, भ्रसिसाका बानी। मेम्‍मा रिखाम बेपा मा न-भ्रसी ग्‍वाक्‍पा माम्‍चु़नी गानीनुङ दु़म्‍मी।

मर्कूस 9:50

“यो ने जो़पा ङा दु़म, योड्‌डा यो मेलु़ माला ने हामका यो लु़ बेन्‍मु मा? मेम्‍मिमका गानी इनी त्‍वाप-त्‍वापडा ङा यो जु़ल्‍सिट्‌नी, मा खोत्‍लेनुङ इनीमा न-गो भ्रहोम दु़बेट्‌निमा बानी।”

मत्ती 5:9

न-थो़म घ्रो़म्‍बेट्‌पामिम जिनुङमा सो़, हेङालोने मेर्मिम माम्‍चु़नीकु चो़-चु़सु़ र्‍वाला सो़सिमी।

१ पत्रुस 3:11

मेजो़पा खारी बोमुलामका ख्‍लोन्‍सिट्‌नी मा जो़पा खारी बेनी। न-भ्रसिक्‍साका बुमु छो़म माल्‍नी मा मेराम माल्‍निम बानी।

१ कोरिन्थी 14:26

वा-ल्‍वाकनी, गो र्‍वामु माल्‍तोम ल्‍वा ओरामङा सो़। सो़रलोले बोमु गानी कोदेप खोम्‍सिनिलो कोलेका काम्‍सो बु़, कोङमीका सिजेम सीडु़मी, कोङमीका माम्‍चु़नीका रेम्‍बोमिमिम ल्‍वा सो़यु़, कोङमीका थेसिमेथेडिमिम वाङमी ल्‍वालाम जे मा कोङमीका जेम्‍मा ल्‍वाकु दुथाम सो़यु़। ओर्मिम खोत्‍ले ल्‍वाका मण्‍डलीलाई यु़मनुङमा दु़म्‍बेन्‍मु बासी।

१ कोरिन्थी 10:33

हेसाका लोवो गो बेउमिम खारीडा खोत्‍ले मु़चु़लाई गेर्सिबेन्‍मुलाई छो़म ब्राम्‍दु़ल्‍वा बेउ, आ त्‍वाप जो़पा दु़म्‍ङुनु़ र्‍वाक्‍पा न गो मेबेउ, लावो वाङमिम खोत्ले मु़चु़मिमकाम लागि वो जो़पा दु़म्‍नु़, मा मेर्मिम खोत्ले सेल्सिमिनु़ र्‍वाक्‍पा आमा न बु।

२ तिमोथी 2:22

मेम्‍मिमका स्‍वालादुडाम मेजो़पा खारीडाम वाङ बाया, सेपा न-गोका माम्‍चु़नीकाम नङ रपामिमनुङ कोयोङा माम्‍चु़नीकु न होङ्‍ङा बेपा थो़र बोमु, रिखाम बोमु नुङ न-भ्रसिबेन्‍मु न बे।

१ तिमोथी 1:4

मा माके-माकेम हाम ना हामकु सो़म्‍दीमिमडा नुङ पाइमाखामिमडा नेम मेतानी र्‍वाक्‍साका मेर्मिमलाई चङचङया बाबेडामी। मेर्मिमका ने खालबेपा ल्‍वामिम कोङङा कक्‍सु़। मेर्मिम ल्‍वाका माम्‍चु़नीकु खारी बोमु हाम वो मेख्‍लो़यु़, माम्‍चु़नीकु खारी थो़र लु़साका दु़म।

२ कोरिन्‍थी 12:19

गुकु आकी त्‍वापलाई बोमु-थार्मु ओर्मिम खोत्‍ले ल्‍वा बोकुमिम र्‍वाक्‍पा हाम गानी मिम्‍निम बुनी? द्‍वादीबुङ ङोप्‍सो़नी, माम्‍चु़नीकु ङादोडा ख्रीष्‍टकु डु़ल्‍चो़मिम होप्‍माम दु़म्‍साका गुकु जेकु। गानीलाई सोनुङमा दु़म्‍बेन्‍मु लागि गुकु ओर्मिम खोत्‍ले खारी बोकु।

१ कोरिन्थी 7:15

लावो थो़रमेलु़पाका फ्वासिमु न बु़ माला फ्‍वासी लोवो फ्‍वासिनु़। मेराम थारीका थो़रलु़पा मे रिचो़ लोवो वोस्‍चो़ लोवो बादे-बादे मेदु़म। हेङालोने माम्‍चु़नीका गुइलाई न-गो भ्रसिक्‍तो बुमु येसाड्‌डामिम सो़।

१ कोरिन्थी 8:1

ङाटालाई ग्‍वाक्‍मा पोमु-डुमुकु दुथाम गो र्‍वाङु, गुइ खोत्‍लेका च, गुइ खोत्‍लेका नेप्‍ची ल्‍वास्‍तिम बु। नेप्‍चीका गुइ डोक्‍पु लिसिबेसा, लावो रिखामका जो़पा दु़म्‍बेसा।

१ कोरिन्थी 10:23

गानी आरे र्‍वानी, “गुकुलाई बेबेद्‍वाक्‍पा ल्‍वा हाम लोवो बोमु नु़।” लावो खोत्‍ले ल्‍वाका जो़पा मेबेसा। “गुकुलाई बेबेद्‍वाक्‍पा ल्‍वा हाम लोवो बोमु चाम्‍कु।” लावो खोत्‍ले ल्‍वाका जो़पा लाम्‍दीडा मेक्रिसा।

१ कोरिन्थी 14:3

लावो माम्‍चु़नीलाम जेपा मु़चु़मिमका सु़ लोवो मु़चु़मिमनुङ जेमी। गुका मेर्मिमलाई यु़मनुङ बर्बेन्मु, सो हन्‍बेन्‍सामु, मा न बन्‍सामु जेमी।

१ कोरिन्थी 14:4

वाङ सामामिमकु ल्‍वाडा जेपाका उ त्‍वापलाईङा यु़मनुङमा बु़। लावो माम्‍चु़नीलाम जेपा मु़चु़का ने मण्‍डलीलाई यु़मनुङमा बु़।

१ कोरिन्थी 14:5

गानी खोत्‍लेका मे वाङ सामा ल्‍वाडा जेनी र्‍वाक्‍पा न बेउ, लावो मेरामडाम वो माम्‍चु़नीलाम जेनिमिम न बेउ। मण्‍डली यु़मनुङमा दु़म्‍तो लमुकाम लागि वाङ सामा ल्‍वाडा जेम्‍मा ल्‍वाकु दुथाम सो़मु चापा मु़चु़ सु़ वो मेबुमी माला वाङ सामा ल्‍वाडा जेमुडाम ने माम्‍चु़नीलाममिम जेसीङा जो़पा सो़।

एफिसी 4:12

माम्‍चु़नीकु न होम्‍साका खारी बोमु चाप्‍मिनु़ र्‍वाक्‍साका उनीमा त्‍वाकु मु़चु़मिमलाई झो़म्‍सिबेन्‍मु लागि आरेसाका बेम्‍डी, मा ओरामलामका ख्रीष्‍टकु मण्‍डली बर्तो ल।