18 उहेम मु़चु़का आरेसाका ख्रीष्टकु खारी बु़, मेरामका माम्चु़नीलाई गेर्सिबेडु़ मा मु़चु़मिमका वो जो़पा मिम्मी।
हेङालोने गुकु ङाचो़कु मिक्सीलामडा कोङङा मेएँ, मु़चु़मिमकु ङादोडा वो जो़पा खारी बोमुडा चङको-चङको दु़म्कु।
गानी मेजो़पा खारी बेसाका डेम्ला सो़न्सिनिमा इम्नी माला गानी हाम ल्वानिमा? लावो गानी जो़पा खारी बेसाका वो दु़खा ल्वानिमा इम्नी माला माम्चु़नी गानीडाम गेर्सिप्मी।
गानीलाई वो माम्चु़नीका नु़पा लुङ होप्माम दु़म्बेसाका सो़रलोले दु़म्पा नेम बनेबोनिमी। गानी येशू ख्रीष्टलाम माम्चु़नीलाई गेर्सीबेट्पा उनीमा सेपा डु़म्लाचो़ बुनी।
ङाचो़काम ङिम जु़ल्मु र्वाक्पा ल्वा गुकु चक्तोकोमका मु़चु़मिमलाई माम्चु़नीडा थो़र लु़बेन्मु माल्कु। आकीमा दुथाम माम्चु़नीका खोत्ले चमी, मा गानी वो आमा दुथाम जो़होमका चनिमिमङा बु र्वाक्पा आमा न बु।
गानी इनी ननुङमा दु़म्नी, मा मेम्साका ख्रीष्टडा बाट्पा जो़पा इनी बासी-दोसीका इनीमा कोर्थो़लाम मेजो़पा जेपामिमकु उनी मेजो़पा जेसीडा उनी क्रो़म लु़नु़।
कोङ अर्दोमेकाम चो़मिम, चु़सु़मिम बुमी माला मेर्मिमका ङादो उनी त्वाकु नेमगोडाम मु़चु़मिमलाई माम्चु़नीकु सो़रलोले बेसी होम्साका जो़होमका रेप्साका उनी जेर सोम्सामिनु़। मेर्मिमका आरे बोमिमिम माम्चु़नीका द्वामी।
ओराम गुइ सेल्पा माम्चु़नीकु मिक्सीलामडा जो़पा बु, मा ओरामलामका गुमी गेर्सी द्वामी।
ङाचो़का उनीमा मु़चु़मिमलाई ग्वाक्पुमी र्वाक्साका ङादो जेम्डिम पुरस्कार गुमीका ग्वानिमी र्वाक्पा चनिमिमङा बु। ङाचो़ ख्रीष्टकाम खारीङा गानी बोनिम बुनी।
गोलाई चाइदु़म्पाडाम वो हापा ल्वाउतोम बु, गो लिट्पा बुङु। गानी इपाफ्रोडिटसकाडा थु़र्निम ख्लो़सीमिम डार्तो। मेर्मिम ने माम्चु़नीका रमिमिम मा मेराम ने गुमीलाई गेर्सिबेट्पा भ्रपा नेम्पा ग्वा-ग्वा होप्माम बु।
मेम मेबेसाका, खोत्ले खारीडा गुकु आकी त्वापलाई माम्चु़नीकु डु़ल्चो़ र्वाक्साका रेम्बोकु। गुकु दु़खाडा, मेझापाडा नुङ खेमल्यामु वो मेझापा खारीडा वो गुकु छो़म इम्सिसाका बुकु।
गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्चु़नीकु सिजेम वो मेफाल्कु। लावो गुकु आच्छाङाकु सिजेम जो़होमका सीकुमी, मा माम्चु़नीकु ङादोडा गुकु हेप्माम मु़चु़ बुकु रेछा र्वाक्पा ल्वा खोत्ले थो़रलु़इमिम मु़चु़मिमका उनीमा न-गोडा चमु चाम्मी।
हेङालोने माम्चु़नीका ङाचो़ येशूडा येट्मिडिलो उहेम मु़चु़ डु़ल्चो़ बाइडा, मेराम मु़चु़ ङाचो़काम लागि उ दाप होर्सिक्पा दु़स्ताम बु। मेम्साकाङा माम्चु़नीका येट्मिडिलो उहेम मु़चु़ डु़ल्चो़ मेबायावा मेराम ओम्लो ख्रीष्टकु डु़ल्चो़ दु़स्ताम बु।
हेङालोने मेर्मिमका ने ङाचो़कु खारी बेपा मेएँ लावो त्वाकु ख्वाचेपकाम लागि कोङङा बोमी सो़। मेर्मिम ने ड-ड जो़पा लिसीमिमा भ्रपा जेमी मा जो़पा न-गोकाम मु़चु़मिमलाई गोलामका वायम डमी।
वाङमिमकु डु़ल्चो़काम निया बेपा गानी सु़ मा? उमा नेमहपकाङा डु़ल्चो़कु खारी बेसी जो़पा बु डे मेएँ र्वाक्साका निया बोमी। जो़होमका खारी बोमु मेचापा डु़ल्चो़लाई ङाचो़काङा जो़होमका खारी बोमु चापा दु़म्बेन्मी।
इनी सो हन्बेसाका खारी बेनी, भ्रेपा मेदु़म्नी। इनीमा न-गोलामङा सो हन्बेसाका ङाचो़कु खारी बेनिम बानी।
आथा ने गानी छु़लडाम वाङ दु़म्निम बु मा माम्चु़नीकु डु़ल्चो़ दु़म्निम बु। ओरामका गानीलाई सेपा दु़म्बेनी मेम्मा हेल्लो वो मेसिपा त्वारो़म ल्वानी।
मु़चु़ उहेम सामाडाम ङा लोवो माम्चु़नीकु ङिम जु़ल्पा, मा जो़पा खारी बेपा मु़चु़ ङा माम्चु़नीका द्वामी।
उहेमका आमा चापेडुपे बु़, मेराम आमा चङचङ लाम्दिमु बासी, मा गो बान्ते बुङु, आमा डु़ल्चो़ वो मेसिङा दु़म। आमा चापेडुपे बेपा मु़चु़लाई आमा पापका डोक्पु बोमी।
ओराम ने कोङ नेम-हपका उ नेमगोडाम खोत्ले डु़ल्चो़मिमकु त्वा-त्वाहोम ल्वाडा पार्जो़लु़मा उमा नेम लपा मु़चु़लाई चङचङया बाया वो र्वाजो़लमा उमा नेम डिसाका वाङथो़ लमिम होप्माम ङा बु।
मेम्मिमका गुइ मिरो़मडा बुइ लोवो मिरो़मडाम वाङ बुइ लोवो गुमीलाई गेर्सिबेन्मुङा इकीमा न दु़म।
हुम-दडा, वा-ल्वाकनी, जो़पा नुङ कोमुका घ्रेट्पा ल्वामिम इनीमा नडा मिम्नी। मेर्मिम ल्वा: आच्छाङाकाम, डोक्पु मिम्मुका घ्रेट्पा, माम्चु़नीकु मिक्सीलामडा जो़पा, सेपा, द्वादीबुङ, सो़मुका घ्रेट्पा।
थो़रमेबेपा इनी साउखोरेमिमकु थेतेडा चङको-चङको दु़म्साका जो़होमका बानी। गानी मेजो़पा खारी बेन्नी र्वाक्साका मेर्मिमका मेजो़पा ल्वा इनी बुइडला बुम्डिङा लोवो मेर्मिमका जो़पा इनी खारी ल्वामिनु़, मा सु़म्दिसेरकु निया बेप्डा योमिमिमनेम मेर्मिमका माम्चु़नीलाई डोक्पु मिम्मिनु़।