रोमी 14:17 - थुलुङ राई

¹⁷ हेङालोने माम्‍चु़नीकु किब्‍दी र्‍वाक्‍मा पोमु-डुमुकाम लागि मेएँ, लावो माम्‍चु़नी-पेललाम रोक्‍पा जो़पा न-गो, न-भ्रसी, मा सेपा दु़म्‍साका गेर्सी द्‍वाक्‍तो बुमु सो़।

रोमी 14:17 Referans Kwoze

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

मत्ती 6:33

ङादो माम्‍चु़नीकु किब्‍दी माल्‍नी, मा उनी ङादोडा जो़पा खारी बेनी। मेम्‍मा ओर्मिम खोत्‍ले ल्‍वामिम गुमीका गानीलाई ग्‍वानी।

१ कोरिन्थी 4:20

माम्‍चु़नीकु किब्‍दी जेसीडा मेएँ, यु़मडा दु़म।

१ कोरिन्थी 8:8

लावो पोमु-डुमुका गुइलाई माम्‍चु़नीकु ङादोडा लमु घ्रेट्‍पा मेदु़म्‍बेसा। मेपि लोवो गुइलाई मेजो़पा मेदु़म, मा पि लोवो हाम वो जो़पा मेदु़म।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

रोमी 8:6

मिरो़मडाम नसीहोमका दोपा मु़चु़ सिमुलाम ख्‍लकु़। लावो माम्‍चु़नी-पेल होम्‍साका दोपा मु़चु़का ने त्‍वारो़म नुङ नभ्रसी ल्‍वासु़।

१ थेसलोनिकी 2:12

हेङालोने माम्‍चु़नीका घ्रेट्‌पा मिम्‍मिमिम लाम्‍दीडा गानी बानी-दोनी। गुमीका उनीमा किब्‍दी नुङ यु़म-झ्‍वाक्‍सी ग्‍वामु लागि गानीलाई येनिमी।

फिलिप्‍पी 3:9

गो माम्‍चु़नीडा जो़पा दु़म्‍मु ने डु़म्‍ला होम्‍साका दोसाका मेएँ, लावो ख्रीष्‍टडलाम थो़रका जो़पा दु़म्‍ङु। माम्‍चु़नीडा जो़पा दु़म्‍सी ने गुमीलामका रो मा ओराम खारी थो़रलामका दु़म।

१ कोरिन्थी 6:9

रु़चो़मिमका माम्‍चु़नीकु किब्‍दी मेल्‍वामी र्‍वाक्‍पा हाम गानी मेचनी? नेप्‍ची मान्‍थिम मेदु़म्‍नी। सु़नुङ लोवो अम्‍बाल्‍पामिम दु़म्‍नु़का, ङाटा सेव साट्‌पामिम, नाम्‍सु़रु़ बेपामिम, छो़लो़सापमिम, वोस्‍चो़का वोस्‍चो़नुङ अम्‍पामिम,

यूहन्‍ना 3:3

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, लाले दु़म्‍साका मेगक्‍थु़मसम्‍म सु़का वो माम्‍चु़नीकु किब्‍दी ल्‍वामु मेचाप्‍सु़।”

थु़र्मा 13:52

मेकोतिमा एटिन्‍ओखियाडाम खोत्‍ले थो़रलु़पामिम छो़म गेर्सिम्‍डी, मा माम्‍चु़नी-पेलका लु़न्‍सिम्‍डी।

फिलिप्‍पी 4:7

मेम्‍मा खोत्‍ले थेसिथेन्मुडाम वो डोक्‍पु माम्‍चु़नीकु न भ्रसी बेसीका ख्रीष्‍ट येशूडा इनीमा न नुङ गो बोमी-थार्मी।

कलस्‍सी 1:11

माम्चु़नीका गानी आनो मेनो मेदु़म्साका इम्सिक्‍साका बाट्‌पा दु़म्मु लागि उनीमा डोक्‍पु यु़मका गानीलाई सोनुङमा दु़म्‍बेनिमिनु़।

फिलिप्‍पी 4:4

ङाचो़ येशूडा हेल्‍लो लोवो भ्रन्‍सिट्‌नी। आथावो गो र्‍वाङु, भ्रन्‍सिट्‌नी।

यूहन्‍ना 3:5

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, कु नुङ पेललामका मेगक्‍पा सु़ वो माम्‍चु़नीकु किब्‍दीडा हुमु मेचाप्‍सु़।

मत्ती 3:2

“छु़ललाम ख्‍लोन्‍सिट्‌नी, हेङालोने पाह्री-किब्‍दी रोम्‍फामुङा खाप्‍डु़म बु।”

१ पत्रुस 1:8

गुमीलाई गानी ल्‍वान्‍निम मिबु लोवो गुमीलाई रिखाम बोनी। ओम्‍लो गुमीलाई गानी मेल्‍वानी लावो गुमीडा थो़रलु़नी, मा सो़मु मेझापा छो़म डोक्‍पु न-भ्रसी ल्‍वानी।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

फिलिप्‍पी 2:1

ख्रीष्‍ट नुङ कोले दु़म्निमका इनीमा सोहन्‍पा बु। उनीमा रिखामका न बन्‍सिक्‍पा बुनी, माम्‍चु़नी-पेलनुङ हेमकेमडा बुनी, द्‌वामसिमु नुङ नाम्नाम्चो़ लु़निमिमका,

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

१ थेसलोनिकी 1:6

ङाचो़ येशू नुङ आकीमा बेसी बेपा गानी दु़म्‍नी। छो़म इम्‍मु मेझापा दु़खाडा लोवो माम्‍चु़नी-पेलका गेर्सी बेट्‌निमका गानी सिजेम रन्‍नी।

१ कोरिन्थी 1:30

माम्‍चु़नीका गानीलाई येशू ख्रीष्‍टनुङ दु़म्‍बेट्‌निम बु। ख्रीष्‍ट ङा इकीमा लागि माम्‍चु़नीलाममिम नेप्‍ची, लोवो गुइलाई माम्‍चु़नीकु ङादोडा जो़पा मिम्‍पा, गुइलाई उनीमा सेपा मु़चु़ दु़म्‍बेट्‍पा, मा गुइलाई छु़ललामका वाङ बेपा दु़म्‍मिडिम बु।

थु़र्मा 9:31

मेकोतिमा यहूदिया, गालील, सामरियाडाम खोत्‍ले मण्‍डलीडाम मु़चु़मिम उनी न भ्रसिक्‍तो बाम्‍डी। मेर्मिमका माम्‍चु़नीकु ङिम जु़ल्‍मिडी, मा माम्‍चु़नी-पेललामका उनी सो हन्‍डामा बर्तो लम्‍डी।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

लूका 14:15

येशूनुङ ग्रुला पेप्‍डा गन्‍पामिमगोडाम कोले मु़चु़का ओराम ल्‍वा थो़स्‍तु़मा गुमीलाई र्‍वाक्‍ता, “उहेमका माम्‍चु़नीकु किब्‍दीडा ग्रुला पु़ मेराम आलाकाम सो़।”

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।