रोमी 14:15 - थुलुङ राई

¹⁵ गानी पोनिमिम पोमुथोकका थो़रलु़पा वा-ल्‍वाकमिमकु न नो़ माला गानी मेर्मिमलाई रिखाम बोनिमिम मेदु़म। ख्रीष्‍ट उनी त्‍वापङा सिसाका सेल्‍मिडिम मु़चु़लाई इनीमा पेसी-डुसीकु ल्‍वाका पुयु़मेलुबेट्‍नु़।

रोमी 14:15 Referans Kwoze

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

एफिसी 5:2

येशू ख्रीष्‍टका गानीलाई रिखाम बेन्‍निमिमका इनी छु़ललाम वाङ बोमु लागि उनी त्‍वापङा सासेन्‍सिम्‍डी मा माम्‍चु़नीलाई गेर्सीबेट्‌पा भ्रपा मुर्नेम्‍पा धूप होप्‍माम दु़म्‍मिडी। मेम्‍साका गानी वो रिखामडा बानी-दोनी।

१ कोरिन्थी 8:1

ङाटालाई ग्‍वाक्‍मा पोमु-डुमुकु दुथाम गो र्‍वाङु, गुइ खोत्‍लेका च, गुइ खोत्‍लेका नेप्‍ची ल्‍वास्‍तिम बु। नेप्‍चीका गुइ डोक्‍पु लिसिबेसा, लावो रिखामका जो़पा दु़म्‍बेसा।

रोमी 15:2

इकीमा त्‍वाकु साउखोरेलाई जो़पा दु़म्‍नु़ मा मेर्मिमकु थो़रलु़सीडा सोनुङमा दु़म्‍मिनु़ र्‍वाक्‍साका गुइ खोत्‍लेका मेर्मिमलाई गेर्सिबेन्‍मुमि बासी।

रोमी 14:20

पोमुडुमुकाम लागि माम्‍चु़नीकु खारी पुयु़ मेलुबेट्‍नी। खोत्‍लेङा पोमुडुमुमिम सेपा दु़म मा पेसी नु़, लावो कोङनिमलाई माम्‍चु़नीकु लाम्‍दीडा लाम्‍दिमु भोपा पोमुथोक पोमु ने मेजो़पाङा सो़।

१ यूहन्‍ना 2:2

इकीमा छु़लकाम लागि गुमी सासेन्‍सिम्‍डी, इकीमा छु़लकाम लागि कोङङा मेएँ खोत्‍ले सु़म्‍दिसेरकु छु़लकाम लागि गुमी सासेन्‍सिम्‍डी।

१ कोरिन्थी 13:1

गो मु़चु़मिमकु हापा सामाकाम ल्वा नुङ पाह्रीचो़मिमकु ल्‍वा जेङु, लावो आगोनो रिखाम मिबु माला गो ने सेका-सेका येपा पिङमा नुङ घ्रो कोङङा दु़म्‍ङु।

रोमी 13:10

रिखाम बेपाका वाङमिमकाम लागि मेजो़पा मेबु़मी। मेम्‍मिमका रिखाम बोमु ङा डु़म्‍लाका र्‍वाक्‍ताम ल्‍वा बोम्‍सोमु सो़।

२ पत्रुस 2:1

लावो इस्राएलीमिमगोडा लिमा ल्‍वा सीपा मु़चु़मिम बाम्‍डिम होङङा गानीगोडा वो माम्‍चु़नीलाम-जेपा लिसिक्‍पामिम बुमी। मेर्मिमका ताङताहेरथो़ लक्‍पा लिमा सीसिमिम मेचहोमका सीमी, मेर्मिमकाम लागि थि सोक्‍साक्‍पा डोक्‍पु ङाचो़ ख्रीष्‍टलाई वो मेरमी मा दालाङा मेर्मिम पुयु़लुबेन्‍ला सो़म्‍सिमी।