रोमी 14:13 - थुलुङ राई

¹³ मेम्‍मिमका गुइ सु़लाई वो मुमा बेसी मेनु़। गानी त्‍वाकु थो़रलु़पा वा-ल्‍वाकमिमगोडा छु़ल रेट्‍पा नुङ मेर्मिमलाई मेजो़पा बेपा ल्‍वा हेल्‍लो वो मेबेउ र्‍वाक्‍पा न बेनी।

रोमी 14:13 Referans Kwoze

२ कोरिन्‍थी 6:3

आकीमा खारीडा सु़का वो मेजो़पा मुमा मेबेन्‍किमिनु़ र्‍वाक्‍साका गुकु सु़काम वो लाम्‍दीडा खेल तुक्‍पा मेजु़ल्‍कु।

याकूब 4:11

वा-ल्‍वाकनी, वाङमिमकु दुथाम कोर्थो़लाम मेजो़पा मेजेनी। उहेमका उमा ल्‍वाककु कोर्थो़लाम मेजो़पा जेसाका मुमा बेडु़, मेराम माम्‍चु़नीकाम डु़म्‍लाकु कोर्थो़लाम जेमिम दु़म, मा मेरामका डु़म्‍ला मुमा बेडु़। गानी डु़म्‍ला मुमा बेनी माला ने गानी डु़म्‍ला होम्‍साका दोपा मु़चु़ मेदु़म्‍नी, डु़म्‍लाकु निया बेपा रे दु़म्‍नी सो़।

लूका 12:57

“हाम बोमु जो़पा दु़म, मेराम गानी हेङा मुलु़ बोमु मेचाम्‍नी?

मत्ती 7:1

“वाङमिमकु निया मेबेनी, मा माम्‍चु़नीका इनीमा वो निया मेबोमी।

रोमी 16:17

द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।

रोमी 14:10

मेम माला गानी इनीमा त्‍वाकु थो़रलु़पा वा-ल्‍वाकमिमलाई हेङा मुमा बेनिमी? हेङा इनीमा वा-ल्‍वाकलाई मेजो़पा मिम्‍निमिम? गुइ खोत्‍लेङा माम्‍चु़नीकु निया बेपा खोमडा येम्‍सिमु बासी।

लूका 17:2

उहेम मु़चु़का गोडला थो़रलु़पा ओ याक्‍के मु़चु़मिमगोडाम कोलेलाई छु़ल बेबेडु़, मेरामकु लक्‍चाडा खुरुक लुङ चेन्‍मुमा दिरिदिनगोयु़ घ्रोम्‍सोमु ङा मेरामकाम लागि जो़पा दु़म।

रेम्‍बेट्‌मिडिम ल्‍वा 2:14

मेम्‍मा वो इनीमा दुथाम गो मेद्‌वाक्‍पुमिम ल्‍वा किचो़ बु: गानीगोडा बालामकु सीसि होङङा बेपा मु़चु़मिम बुमी। मे बालामका इस्राएलीमिमलाई छु़ल बेबेन्‍मु लागि ङाटाडला सासेट्‌मा पोमु-डुमु मेर्मिमलाई पेबेन्‍मु नुङ नाम्‍सु़रु़ बेबेन्‍मु बालाकलाई सीड्‌डु़म बाइडा।

याकूब 2:4

हाम गानी इनी त्‍वाप-त्‍वापगोडाङा चोमिक्‍सी बेसाका मेजो़पा नका निया बेपा मेदु़म्‍निवा मा?

१ कोरिन्थी 11:13

गानी इनी त्‍वाकाङा मिम्‍सिट्‌नी, बुइ मेख्रेप्‍साका माम्‍चु़नीडा सो़म्‍दी बोमु मेसेमलाई घ्रेडु़ मा?

१ कोरिन्थी 10:32

सु़लाई वो छु़लडा वाममेबेट्‌नी, यहूदी दु़म्‍नु़का, ग्रीक दु़म्‍नु़का माम्‍चु़नीकु मण्‍डली दु़म्‍नु़।

रोमी 14:4

वाङमिमकु डु़ल्‍चो़काम निया बेपा गानी सु़ मा? उमा नेमहपकाङा डु़ल्‍चो़कु खारी बेसी जो़पा बु डे मेएँ र्‍वाक्‍साका निया बोमी। जो़होमका खारी बोमु मेचापा डु़ल्‍चो़लाई ङाचो़काङा जो़होमका खारी बोमु चापा दु़म्‍बेन्‍मी।

मत्ती 18:7

“ओ सु़म्‍दिसेरडाम मु़चु़मिम ने हाउरेमा, हेङालोने मु़चु़मिमलाई छु़ल बेबेट्‌पा ल्वा ने हापाङा बु। आरेप्माम ल्वामिम ने रो ङा, लावो वाङमिमलाई छु़ल बेबेट्‌पा मु़चु़ ने हाउरेमा!

मत्ती 16:23

पत्रुसथो़ ख्‍लोम्‍सिम्‍डी, मा येशूका र्‍वाम्‍डी, “शैतानका बु़मिम होङङा बोमु डिडा। माम्‍चु़नीकु न होङङा बोमु गाना गोलाई भोम्‍मु माल्‍ङिमिम बु। हेङालोने माम्‍चु़नीका मिम्‍मिमिम होङङा गाना मेमिम्‍ना, मु़चु़का मिम्‍मिमिम होङङा मिम्‍ना।”

१ यूहन्‍ना 2:10

उहेमका उ वा-ल्‍वाकलाई रिखाम बु़, गु ओलडा बु मा गुलाई छु़ल बेबेट्‌पा उमाडा हाम वो मेदु़म।

१ तिमोथी 5:14

मेम्‍मिमका स्‍वालामे अर्दोमेमिमलाई आथावो लालीकुन्‍दा बोमु ग्‍वाक्‍साका, चो़मिम कमु, उनी नेम जो़होमका रेम्‍मु सीडामी। मेम्‍साका इकीमा कोर्थो़लाम बक्‍पामिमका इकीमा दुथाम मेजो़पा जेमुलाम मेल्‍वामिनु़ र्‍वाक्‍पा आमा न बु।

फिलिप्‍पी 1:10

मेम्‍साका खोत्‍लेडाम जो़पा हाम बु मेराम थेसिथेन्‍मु चाप्‍नी, मा येशू ख्रीष्‍ट योमिमिम नेमसम्‍म गानी मेजो़पा खारी मेबेपा नुङ मुमा बेन्‍ला सो़सिक्‍पा मेदु़म्‍निनु़।

२ कोरिन्‍थी 5:14

ख्रीष्‍टकु रिखामका गुकुलाई ओराम खारी बेबेत्तिकिम सो़। खोत्‍ले मु़चु़मिमकाम लागि गुमी सिम्‍डी, मेम्‍मिमका गुइ खोत्‍ले गुमीनुङ सिइडिम र्‍वाक्‍साका गुइ चडिम बु।

रोमी 11:9

मेम्‍साकाङा दाऊद हपका वो र्‍वाक्‍ताम बु, “मेर्मिमकु ग्रुला ने पेर नुङ थेपलुङ दु़म्‍नु़। मेर्मिमकु ग्रुलाका मेर्मिमगोडा देन्‍दे रेडु़।

रोमी 14:3

खोलेम थोक पेपाका घ्रेनेम-योचु़म कोङङा पेपा थो़रलु़पालाई मेजो़पा मेमिम्‍नु़। मेम्‍साकाङा मेपेपाका पेपालाई मुमा मेबेट्‍नु़ हेङालोने मे याक्‍के थो़रनुङमा थो़रलु़पामिमलाई वो माम्‍चु़नीका येट्‌मिडिम सो़।