रोमी 14:10 - थुलुङ राई

¹⁰ मेम माला गानी इनीमा त्‍वाकु थो़रलु़पा वा-ल्‍वाकमिमलाई हेङा मुमा बेनिमी? हेङा इनीमा वा-ल्‍वाकलाई मेजो़पा मिम्‍निमिम? गुइ खोत्‍लेङा माम्‍चु़नीकु निया बेपा खोमडा येम्‍सिमु बासी।

रोमी 14:10 Referans Kwoze

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

रोमी 2:16

मु़चु़मिमका थक्‍साका जु़ल्‍मिडिम ल्‍वा ने माम्‍चु़नीका निया बोमिमिम नेम खोत्‍ले मु़चु़मिमगोडा येशू ख्रीष्‍टलाम रेम्‍बोमी। ओर्मिम ल्‍वा गो दो़उतोम जो़पा-सेला होप्‍माम ङा दु़म।

यूहन्‍ना 5:22

मेरामडाम वो कोङमी ल्‍वा, पापका सु़काम वो निया मेबोमी, लावो खोत्‍ले निया बेपा साखाम तारापाचो़लाई ग्‍वाम्‍डिम बु।

थु़र्मा 10:42

मु़चु़मिमलाई जो़पा-सेला थो़बेन्‍मुमी, मा सिपा नुङ नु़पामिमकाम नियाबेपा माम्‍चु़नीका थुट्‌मिडिम मु़चु़ येशू ङा सो़ र्‍वाक्‍साका सो़मु गुमीका गुकुलाई र्‍वाम्‍डिम बु।

थु़र्मा 4:11

गुमी ‘मेराम लुङ ङा सो़, उहेमलाई गानी नेम बनेपामिमका पार्निम बाइडा, मेराम ओम्‍लो नेमकु फारगोयु़म डोक्‍पु सुरलुङ दु़स्‍ताम बु।’

थु़र्मा 17:31

हेङालोने माम्‍चु़नीका उनी त्‍वाका ङा थुट्‌मीडिम येशूलामका सुबुडा बाट्‌पा मु़चु़मिमकाम जो़होमका निया दु़म्‍पा कोङ थारी जु़ल्‍मिडिम बु, मा गुमीलाई सिमुलामका फम्‍डिमा खोत्‍ले मु़चु़मिमलाई ओराम आच्‍छाङा र्‍वाक्‍पा रेम्‍बेम्‍डिम बु।”

लूका 23:11

मेम्‍मा हेरोद हप नुङ उ सिपाहीमिमका येशूलाई डक्‍साका जेम्‍डिमा नाले डाट्‌मिडी। मेम्‍मा गुमीलाई हपकु ये-सेम फबेड्‌डु़मा पिलातसकाडा ङा ख्‍लोक्‍सोड्‌डु़।

मत्ती 7:1

“वाङमिमकु निया मेबेनी, मा माम्‍चु़नीका इनीमा वो निया मेबोमी।

लूका 18:9

त्‍वाप माम्‍चु़नीकु न-गो होप्‍माम बुङु र्‍वाक्‍साका थो़रलु़पा मा वाङमिमलाई हाम ना हामकाम मिम्‍पा कोङ मु़चु़लाई येशूका ओराम सीसि-सो़म्‍दी र्‍वाम्‍डी,