रोमी 13:8 - थुलुङ राई

⁸ रिखाम बेबोमुडाम वाङमिम ल्‍वाडा गानी सु़काम वो जेर मेपेनी। हेङालोने त्‍वाकु साउखोरेलाई रिखाम बोनी माला डु़म्‍लाका हाम र्‍वा मेराम होम्‍साका खोत्‍ले बोनिमिम दु़म।

रोमी 13:8 Referans Kwoze

रोमी 13:10

रिखाम बेपाका वाङमिमकाम लागि मेजो़पा मेबु़मी। मेम्‍मिमका रिखाम बोमु ङा डु़म्‍लाका र्‍वाक्‍ताम ल्‍वा बोम्‍सोमु सो़।

गलाती 5:14

मोशाकु खोत्‍ले डु़म्‍लाका र्‍वाक्‍ताम ल्‍वा कोले ल्‍वाडा रोक्‍थिड्‌डाम बु, “इनी त्‍वापलाई होङङा इनीमा साउखोरेलाई रिखाम बेनी”

मत्ती 7:12

वाङमिमका गानीलाई हेप्‍माम बोमिमिम द्‌वानी, गानी वो मेर्मिमनुङ मेमङा बेनी। मोशाकु डु़म्‍ला नुङ माम्‍चु़नीलाम-जेपामिमकु खोत्‍ले सीसि ओरामङा सो़।

रोमी 13:7

सोमु बासिक्‍पा खोलेम थोक सोक्‍थाट्‍नी– कर सोमु बासिक्‍पालाई कर, कुथेर सोमु बासिक्‍पालाई कुथेर सोक्‍नी। मेम्‍साकाङा डोक्‍पु बोमु बासिक्‍पामिमलाई डोक्‍पु बेनी मा मेर्मिमका र्‍वामिमिम ल्‍वा थो़नी।

याकूब 2:8

माम्‍चु़नीकु सिजेमडाम खोत्‍लेडाम डोक्‍पु डु़म्‍ला “त्‍वाकु साउखोरेलाई त्‍वाप होङङा मिम्‍डा” र्‍वाक्‍पा होम्‍साकाङा बोनी माला ने जो़पाङा बोनी।

कलस्‍सी 3:14

ओर्मिम खोत्‍लेडलाम रिखाम काप्‍तो लक्‍नी। रिखामङा ओर्मिम खोत्‍ले ल्वालाई जो़होमका कोले बेसाका बट्‍पा रिवा सो़।

यूहन्‍ना 13:34

“गानीलाई कोले लाले ल्‍वा बेबेनिनी: रिखाम बेबेनी। गो गानीलाई रिखाम बेन्‍निनिम होम्‍साकाङा गानी वो रिखाम बेबोमु बासी।

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

१ यूहन्‍ना 3:10

ओलामकाङा माम्‍चु़नीकु चो़मिम सु़ मा शैतानकु चो़मिम सु़ र्‍वाक्‍पा छेडी: उहेम मु़चु़का हाम जो़पा बु मेराम मेबु़, मेराम मु़चु़ माम्‍चु़नीकु चो़ मेएँ, मा उमा वा-ल्‍वाकलाई रिखाम मेबेपा मु़चु़ वो माम्‍चु़नीकु चो़ मेएँ।