रोमी 13:7 - थुलुङ राई

⁷ सोमु बासिक्‍पा खोलेम थोक सोक्‍थाट्‍नी– कर सोमु बासिक्‍पालाई कर, कुथेर सोमु बासिक्‍पालाई कुथेर सोक्‍नी। मेम्‍साकाङा डोक्‍पु बोमु बासिक्‍पामिमलाई डोक्‍पु बेनी मा मेर्मिमका र्‍वामिमिम ल्‍वा थो़नी।

रोमी 13:7 Referans Kwoze

लूका 20:25

येशूका मेर्मिमलाई र्‍वाम्‍डी, “मेम माला कैसरकाम कैसरलाई ङा ग्‍वाक्‍नी, मा माम्‍चु़नीकाम ने माम्‍चु़नीलाई ङा ग्‍वाक्‍नी।”

मत्ती 17:25

गुका र्‍वाक्‍ता, “सोमी।” पत्रुस नेमगोनो हुङडा, मा गु जेमु ङादोङा येशूका गुलाई र्‍वाम्‍डी, “सिमोन, इमा नडा हाम बु? सुबुडाम हपमिमका सु़लामका कर फमी, उनी चो़च्‍चो़मिमलामका डे, वाङमिम मु़चु़मिमलामका डे?”

१ तिमोथी 5:17

जो़होमका मण्‍डली क्रिपा एल्‍डरमिमलाई खोत्‍लेका छो़म डोक्‍पु मिम्‍मी। जो़पा-सेला थो़बेट्‌पामिम नुङ सीपामिमलाई ने मेरामडाम वो हापा डोक्‍पु मिम्‍मी।

मत्ती 22:21

मेर्मिमका र्‍वाम्‍डी, “कैसरकाम” गुमीका मेर्मिमलाई र्‍वाम्‍डी, “कैसरकाम कैसरलाई ङा ग्‍वाक्‍नी, मा माम्‍चु़नीकाम माम्‍चु़नीलाई ङा ग्‍वाक्‍नी।”

एफिसी 6:5

गानी डु़ल्‍चो़नी, ख्रीष्‍टका र्‍वामिमिम इनी न-गोलामका थो़निमिम होम्‍साका इनीमा नेमहपलाई छो़म डोक्‍पु मिम्‍साका गुका र्‍वामिम थो़नी।

१ पत्रुस 3:7

वोचु़नी, मेम्‍साकाङा गानी इनीमा नाइमेनुङ दु़साका मा ख्‍लो़या-बाया बेबेसाका बानी। गानी इनी नाइमेलाई डोक्‍पु मिम्‍मु बासी। गानीडाम मेर्मिम मेचापा बुमी। लावो माम्‍चु़नीका गानीलाई निफिलाई कोलेङा आच्‍छाङाकाम त्‍वारो़म ग्‍वाक्‍निम बु। आरे बोनिमा गानी सो़म्‍दी बोनिलो भोपा हाम वो मेदु़म।

१ तिमोथी 6:1

डु़ल्‍चो़ दु़म्‍बेट्‌पाकु जुवाडा बाट्‌पामिम खोत्‍लेका उनीमा नेमहपमिमलाई छो़म डोक्‍पु मिम्‍मिनु़, मेम्‍साका माम्‍चु़नीकु नङ नुङ इकीमा सीसिकु दुथाम मु़चु़मिमका मेजो़पा मेजेमी।

एफिसी 5:33

मेम्‍मिमका गो आथावो र्‍वाङु, खोत्‍ले वोस्‍चो़मिमका त्‍वा-त्‍वाहोम नाइमेलाई त्‍वाप होम्‍साकाङा रिखाम बोमु बासी, मा खोत्‍ले नाइमेमिमका त्‍वा-त्‍वाहोम वोचु़लाई डोक्‍पु मिम्‍मु बासी।

लूका 23:2

मेर्मिमका गुमीलाई आरेसाका मुमा बेत्तो पिलातसनुङ र्‍वाम्‍डी, “ओराम मु़चु़का आकी मु़चु़मिमलाई रोमी सरकारकु कोर्थो़लाम कोस्‍तु़मिम गुकु डार्तोको। ओरामका कैसरलाई कर मेसोक्‍नी र्‍वामा गुकुलाई भोम्‍की, उ त्‍वाप ने ख्रीष्‍ट, हप र्‍वा।”

मर्कूस 12:17

मेकोतिमा येशूका मेर्मिमनुङ र्‍वाम्‍डी, “कैसरकाम खोत्‍ले कैसरलाई ङा ग्‍वाक्‍नी, मा माम्‍चु़नीकाम खोत्‍ले माम्‍चु़नीलाई ङा ग्‍वाक्‍नी।” ओराम ल्‍वा थो़म्डिमा मेर्मिम ङाङाया दु़म्‍मिडी।

१ तिमोथी 5:13

मेम कोङङा मेबोमी, मेर्मिम भ्रेपा दु़म्‍मिमा मु़चु़कु नेम-नेम लमी। मेम्‍मा मु़चु़कु ल्‍वा बेपा, वाङमिमकु खारीडा ल्‍वा फिक्‍पा, जेसी मेनु़पा ल्‍वा जेसाका नेमतापा दु़म्‍मी।

लूका 20:22

गुकु रोमी हप कैसरलाई कर सोक्‍सी नु़ डे मेनु़ डे?”

रोमी 12:10

त्‍वाकु वा-ल्‍वाक होम्‍साका रिखाम बेबेनी, त्‍वापडाम वो वाङमिमलाई हापा डोक्‍पु मिम्‍नी।

रोमी 13:6

मेम्मिमका वो गानी कर सोमु बासी। हेङालोने साखामचो़मिम माम्‍चु़नीकाम लागि खारी बेपा मु़चु़ दु़म्‍साका उनीमा खारी बोमिमिम बुमी।