रोमी 13:13 - थुलुङ राई

¹³ मेम्‍मिमका ओलडा बोमु घ्रेट्‍पा बेसाका खारी बिइ, एलेङगी बेपा, डु़सेवा, मेजो़पा न-गोका दोपा, नाम्‍सु़रु़, क्‍वाल्‍बा, नाचु़र बेसी मेनु़।

रोमी 13:13 Referans Kwoze

गलाती 5:21

नो़ मेनु़मु, डु़सेवा दु़म्‍मु, नसीहोम बोम्‍बाल्‍मु मा आरेप्‍मामङा वाङमिम खारी बोमु। आरेप्‍माम खारी बेपाका ने माम्‍चु़नीकु किब्‍दीगोडा हुमु मेल्‍वासु़। मेम्‍मिमका गानी चङचङया बानी र्‍वाक्‍साका ङादो वो र्‍वाङ्‍डोम बाइडा, मा ओम्‍लो वो र्‍वाक्‍तोङा बेउ।

एफिसी 5:18

डु़का सेट्‍पा मेदु़म्‍नी, हेङालोने मेरामका इनी त्‍वापलाई पुयु़ लुबेनी, लावो हेल्‍लो लोवो माम्‍चु़नी-पेलका लु़न्‍सिट्‌पा दु़म्‍नी।

१ थेसलोनिकी 4:12

मेम्‍साका थो़रमेलु़पा मु़चु़मिमका इनीमा बेसी-पेसी जो़पा मिम्‍मी, मा गानी वाङमिमनुङ बिमु वो मेबासी।

१ यूहन्‍ना 2:6

उहेमका गुमीडा बुङु र्‍वा गु येशू बाम्‍डिम-दोम्‍डिम होम्‍साका बुमु-दोमु बासी।

एफिसी 5:15

मेम्‍मिमका हेसाका बुमु दोमु बासी चङचङया बानी, नेप्‍ची मान्‍थिम होम्‍साका मेएँ नेप्‍चीनुङमा दु़म्‍साका बानी-दोनी।

१ थेसलोनिकी 2:12

हेङालोने माम्‍चु़नीका घ्रेट्‌पा मिम्‍मिमिम लाम्‍दीडा गानी बानी-दोनी। गुमीका उनीमा किब्‍दी नुङ यु़म-झ्‍वाक्‍सी ग्‍वामु लागि गानीलाई येनिमी।

लूका 21:34

“गानी चङचङया बानी, भ्रपा-भ्रपा पेत्तो नुङ डु़का सेसाका मा इनी मिरो़मकाम लागि मिम्‍ताम-सो़र्ताम बेपा मेदु़म्‍नी। मेम बेन्‍नी माला ने हादीबारामिम पेरडा हुमिमिम होङङा निया दु़म्‍पा थारी कोचोत्ति गानीडला रो।

१ थेसलोनिकी 5:17

हेल्‍लो लोवो सो़म्‍दी बेनिम बानी।

फिलिप्‍पी 1:27

हा-हाम दु़म लोवो मेराम हाम वो मेएँ, लावो इनी बासी-दोसी ख्रीष्‍टकु जो़पा-सेला घ्रेट्‌पा दु़म्‍नु़। मेम्‍मा गो इनीमाडा रोङु मा क्रो़म्‍निनी लोवो गो मेरोक्‍साका इनीमा दुथाम थो़उ कोङङा लोवो, गानी कोले न-गोकाम दु़म्साका भाल-आथो़ न मेहिनी, जो़पा-सेलाडलाम थो़रकाम लागि कोले नकाम दु़म्साका क्‍वाल्‍बा बेत्तोङा बोनी,

यहूदा 1:23

मु़चु़मिमलाई नियाकु मुड्‌डाम ख्‍लुक्‍साका सेल्‍नी। मु़चु़मिमडला न-थो़म रेम्‍बेनी, लावो छो़म चङको-चङकोका मेम बेनी। मेर्मिमकु छु़लका घ्राम्‍लु़पा दु़म्‍मुडाम वाङ बानी।

२ यूहन्‍ना 1:4

माम्‍चु़नी पापका बेबेसाड्‌डामिम होङङा कोङनिम इनीमा चो़मिम आच्‍छाङाकाम ल्‍वाडा लाम्‍दित्तोङा बोमिमिम डार्तोमी मा गो छो़म गेर्सी द्‌वाङडोम बु।

याकूब 4:5

माम्‍चु़नीकु सिजेमका “गुइलाई ख्‍लो़मु माम्‍चु़नीका उनी पेल थु़र्मिडी। गुमीका गुइ माम्‍चु़नीडाम फ्‍वासिडिनु़ र्‍वाक्‍पा न मेबोमी” र्‍वाक्‍पा गानी हाम होङङा वो मेलु़नी?

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

फिलिप्‍पी 2:3

त्‍वाप कोङङा जो़पा दु़म्‍मु माल्‍पा मा डोक्‍पु लिसिक्‍पा नका हाम वो मेबेनी। लावो इनी त्‍वाप-त्‍वाप गोडा याक्‍के दु़म्‍नी मा वाङमिमलाई इनी त्‍वापडाम जो़पा लु़नी।

एफिसी 5:8

ङादो गानी तुकुम्‍चिमगोडा बान्‍नी, लावो आथा ने ङाचो़ येशूलाममिम ओलडा रोक्‍निम बु। मेम्मिमका आथाडा आनो गानी ओलचो़ होम्‍साका बानी दोनी।

एफिसी 4:17

मेम्‍मिमका ङाचो़कु नङडा गो गानीलाई छो़म र्‍वाङु, इनी बासी-दोसी माम्‍चु़नीलाई मेछेपा होप्‍माम मेदु़म्‍नु़। मेर्मिमकु मिम्‍सी ने हाम ना हामकाम दु़म।

एफिसी 4:1

मेम्मिमका ङाचो़ येशू ख्रीष्‍टकु खारी बेउतोमका झ्‍यालखानडा चसिक्‍पा गो पावलका गानीलाई छो़म र्‍वाङु, माम्‍चु़नीका गानीलाई उनीमा हेप्‍माम मु़चु़ दु़म्‍मुकाम लागि येट्‌निम बु मेराम होम्‍साका दोनी बानी।

गलाती 5:19

मु़चु़मिमकु नगोडाम मेजो़पा को-कोक्‍सी ने ओर्मिमङा सो़– नाम्‍सु़रु़ बोमु, मेसेपा नका बुमु-दोमु, वाङमिमकु नाइमेनुङ अम्‍मु,

थु़र्मा 2:15

गानी मिम्‍निमिम होङ्‍ङा ओर्मिम छो़म डु़का सेड्‌डु़मिम मिबु, हेङालोने ओम्‍लो मालो नेमछेमुकु गु (९) कोङङा जेस्‍ताम बु।

लूका 16:19

“कोले खाप्‍चीचो़ बाइडा। मेरामका हापा थिकाम बैजनी रङकाम हुम-ये नुङ ये-सेम फस्‍थाल्‍ला, मा पेत्तो-डुत्तो एलेङगी बेत्तो हेल्‍लो लोवो बाइथाल्‍ला।

लूका 1:6

मेर्चिप निफि ङा माम्‍चु़नीकु न-गो होप्‍माम बाच्‍ची, मिप्रङमाका बेबेट्‌मिडिम खोत्‍ले खारी नुङ डु़म्‍ला जो़होमका बेपा मु़चु़ बाच्‍ची।

१ कोरिन्थी 3:3

गानी आथावो ओ सु़म्‍दिसेरडाम मु़चु़ होप्‍मामङा बुनी। गानी नाचु़र बेबोनी मा छोक्‍चो बेबोनी माला हाम गानी सु़म्‍दिसेरडाम मु़चु़मिम होप्‍माम मेदु़म्‍निवा मा?