रोमी 13:11 - थुलुङ राई

¹¹ रेप्‍नी, ओम्‍लो हेप्‍माम थारी रोक्‍तोङा बु़ र्‍वाक्‍साका गानी वो चनिम ङा बु। ङिमालाम ङोसिक्‍पा थारी दु़स्‍ताम बु, हेङालोने गुइ ङादो थो़रलुइडिम थारीडाम वो सेल्‍सिक्‍पा थारी फार्डाङा रोक्‍ताम बु।

रोमी 13:11 Referans Kwoze

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

एफिसी 5:14

मेम्‍मा बान्‍ते ओल झ्‍वा, मेरामका खोत्‍ले ल्‍वा दो़बेडु़। मेम्‍मिमका आरे र्‍वाक्‍मा बु, “अम्‍चेट्‌पामिम ङोन्‍सिट्‌नी, मा सिमुलाम बग्‍गेट्‍नी, मा ख्रीष्‍टका उनीमा ओल गानीडला झ्‍वाबेन्‍मी।”

१ कोरिन्थी 15:34

न छ्‌याक्‍नी मा छु़ल बोमु डिट्‌नी। गो इनी क्रो़मलु़बेन्‍मु लागि र्‍वाङु, गानीगोडा याङका माम्‍चु़नी छेट्‌मिडिमङा मिबु।

रेम्‍बेट्‌मिडिम ल्‍वा 22:20

ओर्मिम ल्‍वामिम र्‍वाक्‍पाका आरे र्‍वामी, “आच्‍छाङा, गो योमुङा खापुमिम बु।” आमेन, ङाचो़ येशू योक्‍नीका।

लूका 21:28

मेम्‍मिमका ओर्मिम ल्‍वा दु़म्‍मु चो़म्‍डु़मेडे गानी मेङिनी। मेकोतिमा बक्‍निमा गेले रेप्‍नी, हेङालोने गानी सेल्‍सिट्‌पा थारी रोक्‍फाड्‌डाम दु़म।”

रेम्‍बेट्‌मिडिम ल्‍वा 22:12

“रेप्‍नी, गो येशू योमुङा खापुमिम बु। पुरस्‍कार आमाडा बु मा मु़चु़का बु़डु़म खारी होङङा गो ग्‍वाक्‍पु।

१ कोरिन्थी 10:11

मेर्मिम मु़चु़डला हा-हाम दु़स्‍ताम मेर्मिम खोत्ले चङचङया बाबेट्‍पा ल्‍वामिम सो़। मेर्मिम ल्‍वालामका गुइलाई चङचङया बाबेन्‍मु लागि र्‍याक्‍मा बाइडा, हेङालोने गुइ सु़म्‍दिसेरकु हुक्‍पा थारीडा रोम्‍थिमु खाप्‍डिम बु,

मत्ती 16:3

नेमसोसोका धामु ख्‍याक्‍पा नुङ खासेका ड्‌याक्‍पा ल्‍वानिमा र्‍वानी, ‘आनेप व यो रेछा।’ धामु रेप्‍साका हाम दु़म रेछा र्‍वाक्‍पा चनी। लावो थारीकु दुथाम गानी मेचनी?

याकूब 5:8

मेम्‍साकाङा गानी वो इम्‍सिक्‍साका बानी मा इनी न-गो बन्‍थाट्‌नी। हेङालोने येशू योमु खाप्‍मिमिम बु।

२ पत्रुस 3:9

ङाचो़का याचे जेम्‍डिमडा गुमी छु़मी र्‍वाक्‍पा याङ-याङकु थेसिथेसी होङङा ङाचो़ मेछु़मी। सु़ वो पुयु़मेलुमिनु़, लावो खोत्‍लेका मेजो़पा खारी बोमु डिन्‍मिनु़मा गुमीडा ख्‍लोम्‍सिमिनु़ र्‍वाक्‍साका गुमीका गानीलाई इम्‍साका लम्‍थामी।

२ पत्रुस 3:11

खोत्‍ले आरेसाकाङा पुयु़लुमी। मेम्‍मिमका गानी हेप्‍माम मु़चु़ दु़म्‍मु बासी? गानी सेपा दु़म्‍साका माम्‍चु़नीकु लाम्‍दीडा लाम्‍दिमु बासी।

१ यूहन्‍ना 2:18

आमा चो़च्‍चो़मिम होप्‍माम मु़चु़नी, हुक्‍पा थारी ओरामङा सो़। ख्रीष्‍टकु कोर्थो़लाम बक्‍पा मु़चु़ रोक्‍तोङा लेडु़ र्‍वाक्‍पा गानी थो़न्‍निम होङङा ओम्‍लो वो ख्रीष्‍टकु कोर्थो़लाम बक्‍पा हापा मु़चु़मिम रोम्‍डिम बु। मेम्‍मिमका ओराम थारी हुक्‍पा थारी र्‍वाक्‍पा गुइ च।

रेम्‍बेट्‌मिडिम ल्‍वा 1:3

ओम्‍लो नुङ दिफु दु़म्‍पा ल्‍वाकु दुथाम जेम्‍मा ओराम सिजेम उहेम मु़चु़का डाडु़ मेरामलाई माम्‍चु़नीका जि-वा ग्‍वामी। मेम्‍मा ओराम सिजेम सु़का थो़सु़ मा ओराम सिजेमका र्‍वामिम होङङा बु़, मेरामलाई गुमीका जि-वा ग्‍वामी, हेङालोने ओर्मिम खोत्‍ले दु़म्‍पा थारी रोम्‍फामु खाप्‍डु़म बु।

रेम्‍बेट्‌मिडिम ल्‍वा 22:10

मेम्‍मा गुका आरे बेङ्‌डी, “ओराम खाजेमडा बाट्‌पा माम्‍चु़नीलाम जेम्‍मा सिजेममिमडला छाप मेओप्‍डा, हेङालोने थारी रोक्‍फाड्‌डाम बु।