रोमी 12:9 - थुलुङ राई

⁹ मु़चु़कु मिक्‍सीलामडा रेम्‍बेपा रिखाम मेएँ लावो आच्‍छाङाकाम बेपा दु़म्‍नी। मेजो़पा ल्‍वा ङेट्‌निमा जो़पा ल्‍वा बेनिम बानी।

रोमी 12:9 Referans Kwoze

१ पत्रुस 4:8

खोत्‍लेडाम डोक्‍पु ल्‍वा, छो़म रिखाम बेबेनी। हेङालोने हापा सेर्पा छु़लमिमलाई रिखामका ङ्‌याकु़।

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

१ थेसलोनिकी 5:21

गानी हाम थो़न्‍नी मेराम छाम्‍नी। मेम्‍मा जो़पा हाम बु मेराम रनी।

हिब्रू 12:14

हेसाका दु़म खोत्‍ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्‍नी। छु़लडाम वाङ मेबाट्‌पा सु़का वो माम्‍चु़नी ल्‍वामु मेचाप्‍सु़।

२ कोरिन्‍थी 8:8

गानी बोमुङा बासी र्‍वाक्‍साका गो र्‍वाङडोम मेएँ, लावो वाङमिमकाम ख्‍लो़पा सो-हन्‍सीनुङ थो़प्‍साका इनीमा रिखाम वो आच्‍छाङा डे मेएँ र्‍वाक्‍साका रेम्‍मु लागि गो आरे र्‍वाङडोम सो़।

१ थेसलोनिकी 5:15

रेप्‍नी, सु़का वो मेजो़पा बेपालाई मेजो़पा मेबु़नु़, लावो त्‍वाप-त्‍वापडा नुङ खोत्‍ले मु़चु़लाई हेल्‍लो लोवो जो़पा बोमु माल्‍पा दु़म्‍नी र्‍वाक्‍साका ओराम ल्‍वा इनीमा नडा जु़ल्‍नी।

२ कोरिन्‍थी 6:6

गुकु मेख्‍लो़ट्‌पा दु़म्‍साका, थेसीथेट्‍पा नेप्‍चीका, इम्‍सी नुङ न-थो़म रेम्‍बेसीडा, माम्‍चु़नी-पेलडा, आच्‍छाङाकाम रिखामका,

हिब्रू 1:9

गानी मु़चु़मिमका जो़पा खारी बोमु द्‌वानी मा मेजो़पा खारी बोमु मेद्‌वानी। मेम्‍मिमका माम्‍चु़नी, इनी माम्‍चु़नीका गानीलाई इनी ङोप्‍सो़मिमडाम हापा डोक्‍पु मिम्‍साका गेर्सिबेट्‌नी।”

१ थेसलोनिकी 2:3

गानीलाई गुकु थो़बेत्तोकोम ल्‍वा ने लिमा ल्‍वा मेबायावा। मेजो़पा ननुङमा वो मेबायावा मा सु़लाई लु-फेले बेपा आकीमा न मिबु।

थु़र्मा 11:23

बारनाबास एन्‍टिओखिया शहरडा रोक्‍फाड्‌डालो मेसिन्‍डाम मु़चु़मिमलाई माम्‍चु़नीका उनी दिदाम ग्‍वाम्‍डिम ल्‍वास्‍तु़मा गु गेर्सी द्‌वाक्‍ता। गुका मेर्मिम खोत्‍लेलाई माम्‍चु़नीडा न-गोलामका ङा थो़रलु़मुमबुमु उनी सो हन्‍बेसाड्‌डु़मी।

यूहन्‍ना 12:6

गुका आरे र्‍वाक्‍ताम ने उनी हाम वो मेबाट्‌पा मु़चु़मिमलाई ख्‍लो़पा नका र्‍वाक्‍ताम मेएँ गु खुचु़वा बाइडामका र्‍वाक्‍ताम। खउलुङकु फाजी गुका कुर्थाल्‍लु़मा मेलामका खुयु़थाल्‍लु़।

मत्ती 26:49

येशूकाडा यहूदा लस्‍ल्‍याड्‌डा, मा र्‍वाक्‍ता, “ए सीपा, सेव!” मेम्‍मा गुमीलाई चुप्‍पा बु़डु़।

याकूब 3:17

लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।