रोमी 12:6 - थुलुङ राई

⁶ माम्‍चु़नीका उनीमा दिदामका गुइलाई ग्‍वाक्‍साडामिम वाङ वाङ राप्‍लावालाम उनीमा खारी बिइ। माम्‍चु़नीलाम जेमुचापा त्‍वाकु थो़रलु़सीडा गुमीलाम जेसी।

रोमी 12:6 Referans Kwoze

१ कोरिन्थी 7:7

खोत्‍ले मु़चु़मिम गो होङङा त्‍वापङा बुमिनु़ र्‍वाक्‍पा न बेउ। लावो खोत्‍ले मु़चु़का माम्‍चु़नीलाम त्‍वा-त्‍वाहोम राप्‍लावा ल्‍वाम्‍डिम बु, कोलेका को खालकाम कोङमीका वाङखालकाम।

रोमी 12:3

माम्‍चु़नीका ग्‍वाङ्‌डिमिम दिदामलामका गो गानीलाई र्‍वाक्‍तोङा बेउ, त्‍वापलाई डोक्‍पु मेमिम्सिट्‍नी लावो माम्‍चु़नीका गानी खोत्‍लेलाई ग्‍वाक्‍निमिम थो़र होम्‍साका इनी त्‍वाप हेप्‍माम बुनी मेराम होम्‍साका कोङङा मिम्‍सिट्‍नी।

रोमी 1:11

माम्‍चु़नी-पेललाममिम जि गानीनुङ दो़साका ख्रीष्‍टडा हापा सोनुङमा दु़म्‍बेन्‍मु चापुनु़ र्‍वाक्‍साका गो गानीनुङ घ्रो़म्‍मु न बेउतोम बु।

१ कोरिन्थी 13:2

गोनुङ माम्‍चु़नीलाम जेपा राप्‍लावा बु, खोत्‍ले थक्‍मा ल्‍वा नुङ नेप्‍ची थेसिथेन्‍मु चापु, मा पोप्‍चङ हेम्मु चापा थो़र बु लावो आगोनो रिखाम मिबु माला गो हाम वो मेएँ।

एफिसी 4:11

गुमीकाङा याङलाई थु़र्मा दु़म्‍बेट्‌मिडी, याङ माम्‍चु़नीलाम जेपा, याङलाई जो़पा-सेला दो़पा, याङ मण्‍डली रेपा मा याङ मण्‍डलीडा सीपा दु़म्‍बेट्‌मिडी।

१ कोरिन्थी 14:1

रिखामकु लाम्‍दी खाट्‌नी मा माम्‍चु़नी पेलकु राप्‍लावा ल्‍वापा छो़म न बेनी। मेरामडाम वो हापा माम्‍चु़नीलाम जेपा राप्‍लावा ल्‍वामु छो़म न सोक्‍नी।

२ कोरिन्‍थी 8:12

इनीमा छो़म ग्‍वा-ग्‍वाद्‌वाक्‍पा न बु माला गानीनुङ हाम बु मेरामङा ग्‍वानिलो माम्‍चु़नी गेर्सी द्‌वामी। मु़चु़नुङ मेबाट्‌पा ने ग्‍वामु र्‍वाक्‍पा गुमीका न मेबोमी।

१ थेसलोनिकी 5:20

माम्‍चु़नीलाममिम-जेसीलाई सेम्‍ला मेबेट्‌नी।

१ कोरिन्थी 14:29

माम्‍चु़नीलाम जेपामिम नले, सुलेका कोङङा जेमिनु़, मा वाङमिमका ने मेर्मिमका जेमिमिम ल्‍वा जो़होमका छाम्‍मिनु़।

थु़र्मा 15:32

यहूदा नुङ सिलास उची त्‍वापङा वो माम्‍चु़नीलाम-जेपा बाच्‍चिमका थो़रलु़पामिमलाई हापा सिजेमलामका सीट्‌चिमिमा उनी सो हन्‍बेसाक्‍चिमी।

थु़र्मा 2:17

‘हुक्‍पाथारी बिलि आरेप्‍माम दु़म र्‍वाक्‍साका माम्‍चु़नीका र्‍वामी, गो खोत्‍ले मु़चु़मिमडला आमा पेल थु़रु़, इनी जाउमो तारापाचो़मिमका माम्‍चु़नीलाम-जेमी, स्‍वाला इनी चो़मिमका मिक्‍सीलाम ल्‍वामी, इनी ङाउमिमका ङिमा म्‍वामी।

फिलिप्‍पी 3:15

थो़रलु़सीडा गुइ डोक्‍पुमिम खोत्‍ले ने ओर्मिमकु दुथाम आरेसाका न जु़ल्‍मु बासी। कोङनिम ल्‍वाडा गानी वाङङा मिम्‍निम बु माला माम्‍चु़नीका गानीलाई जो़होमका थेसिथेन्‍बेनिमी।

एफिसी 3:5

ओराम ल्‍वा ङादोम मु़चु़मिम सु़लाई वो चबेट्‌मा मेबायावा, लावो ओम्‍लो माम्‍चु़नीका उनीमा पेललामका ओराम ल्‍वा उनीमा सेपा थु़र्मामिम नुङ माम्‍चु़नीलाम जेपामिमलाई रेम्‍बेट्‌मिडिम बु।

थु़र्मा 13:1

एन्‍टिओखियाडाम मण्‍डलीडा कोङनिम माम्‍चु़नीलाम-जेपामिम नुङ सीपा मु़चु़मिम बाम्‍डी। मेर्मिम, बारनाबास, केकेम र्‍वाक्‍मा शिमियोन, कुरेनीडाम लुकियस, हेरोद हपकु ल्‍वाक बनेबेम्‍डिमा डु़ल्‍मिडिम मनेन नुङ शाऊल बाम्‍डी।

लूका 11:49

माम्‍चु़नीकु नेप्‍चीका वो इनी दुथाम आरे र्‍वाक्‍ताम बाइडा, ‘गोलाम जेपामिम नुङ थु़र्मामिमलाई गो मेर्मिमकाडा थु़रु़मी। मेर्मिमका कोङनिमलाई सेन्‍मी, मा कोङनिमकु थो़मतेर्सामी।’

मत्ती 23:34

मेम्‍मिमका इनीमाडा माम्‍चु़नीलाम-जेपामिम, नेप्‍चीनुङमा मु़चु़मिम, मा सीपा मु़चु़मिम गो थु़रुमी। मेर्मिमगोडाम कोङनिमलाई गानी सेनिमा क्रूसडा चेनी, मा याङलाई इनी घ्रो़म्‍दीनेममिमबाडे कोक्‍तेकु रिबाका याल्‍नी। मेम्‍मा शहरलामका शहरथो़ खानिमी।

१ कोरिन्थी 14:24

लावो खोत्‍लेका माम्‍चु़नीलाम जेमिमिम बुमिलो कोङनिम थो़र मेलु़पा मु़चु़ लोवो होप्‍माम ल्‍वा थेसिमेथेट्‍पा हाम वो थेसिमेथेट्‌पा मु़चु़ लोवो मेगोडा रोक्‍ता माला खोत्‍लेलामका उ छु़लकु दुथाम चबेला सो़सी मा खोत्‍ले मु़चु़मिमलामका छाम्‍ला सो़सी।

थु़र्मा 21:9

मेरामकाम लालीकुन्‍दा मेबेथिङा बाट्‌पा ब्‍लले जाउमोचो़मिम बाम्‍डी, मेर्मिमका माम्‍चु़नीलाम जेम्‍थाल्‍मिडी।

१ कोरिन्थी 3:5

अपोल्‍लोस सु़ मा? मा पावल सु़ मा? गुचुकु ने माम्‍चु़नीकु डु़ल्‍चो़ कोङङा, उहेमलामका गानी थो़र लु़नी। ङाचो़का बेबेच्‍चिकिमिम आची खारी गुचुकु बेच्‍चोकोम सो़।

१ कोरिन्थी 12:18

लावो माम्‍चु़नीका उनी न होम्‍साका मिरो़मडा खोत्‍ले भाग घ्रो़म्‍बेसाका जु़ल्‍मिडिम बु।

२ पत्रुस 1:20

खोत्‍लेडाम ङादो ओराम ल्‍वा गानी थेसिथेन्‍मु बासी: माम्‍चु़नीकु सिजेमडाम माम्‍चु़नीलाम जेसी उहेम वो माम्‍चु़नीलाम-जेपामिम उनी त्‍वाका र्‍वाम्‍डिम मेएँ।

मत्ती 25:22

“नले सो़नाकु खउलुङ ल्‍वापा डु़ल्‍चो़ वो रोक्‍तामा र्‍वाक्‍ता, ‘ङाचो़, गानी गोलाई नले सो़नाकु खउलुङ ग्‍वाङ्‌डिनिम बाइडा। रेप्‍नी, गो नलेङा हापा खउलुङ डु़प्‍तोम बु।’