रोमी 12:5 - थुलुङ राई

⁵ मेम्‍साका ङा गुइ हापा बुइ लोवो गुइ ख्रीष्‍टकाम कोलेङा मिरो़म सो़ मा गुइ खोत्‍लेङा कोले कोङमीकु अंग सो़।

रोमी 12:5 Referans Kwoze

१ कोरिन्थी 12:20

अंगमिम हापा बुमी लोवो मिरो़म ने कोलेङा।

१ कोरिन्थी 10:17

गुइ सेर्पा लोवो खोत्‍लेका कोलेङा सो़बेम दो़स्‍तीमा पिइडिमका गुइ खोत्‍ले कोलेङा मिरो़म र्‍वाक्‍पा रेम्‍बु़।

एफिसी 4:25

मेम्‍मिमका लिमा जेमु डिट्‌नी मा कोलेका कोङमीनुङ आच्‍छाङाकाम ल्‍वा जेनी, हेङालोने गुइ खोत्‍ले ख्रीष्‍टकु मिरो़मडाम अंगमिम सो़।

कलस्‍सी 2:19

मेराम मु़चु़ ने गुलाई थो़पा बुइ ख्रीष्‍ट नुङ मेदु़म्साका वाङ दु़म। ख्रीष्‍ट ने मिरो़मकु बुइ बुमी। गुमीका मिरो़मलाई डु़ल्मी। मेम्साका मिरो़मकु सेर नुङ सोरिप घ्रो़मबेसाका खोत्ले मिरो़म माम्चु़नीकु न होम्साका बर्तो लमी।

एफिसी 5:30

हेङालोने गुइ ख्रीष्‍टकु मिरो़मडाम अंगमिम सो़।

कलस्‍सी 1:24

इनीमा लागि गो दु़खा ल्‍वाउमिमडा गो भ्रसिक्‍पा बुङु। उनीमा मिरो़म मण्‍डलीकाम लागि आथावो बाट्‌पाम बाट्‌पा ख्रीष्‍टकु दु़खा गो इम्‍सोक्‍पु।

एफिसी 1:23

मा मण्‍डली ने ख्रीष्‍टकु रो़म, गुमीडा बाट्‍पा खोत्‍ले ल्‍वा थो़र लु़पामिमनुङ बु, मा गुमीका खोत्‍लेम थोक खोत्‍लेथो़ उनी त्‍वाकाङा थो़मी।

१ कोरिन्थी 10:33

हेसाका लोवो गो बेउमिम खारीडा खोत्‍ले मु़चु़लाई गेर्सिबेन्‍मुलाई छो़म ब्राम्‍दु़ल्‍वा बेउ, आ त्‍वाप जो़पा दु़म्‍ङुनु़ र्‍वाक्‍पा न गो मेबेउ, लावो वाङमिम खोत्ले मु़चु़मिमकाम लागि वो जो़पा दु़म्‍नु़, मा मेर्मिम खोत्ले सेल्सिमिनु़ र्‍वाक्‍पा आमा न बु।

रोमी 12:4

इकीमा मिरो़मडा हापा अंगमिम बुमी लोवो मेर्मिमकु खारी खोत्‍लेकाम कोलेङा मिबु, लावो खोत्‍लेकाम वाङ वाङ बु।

एफिसी 5:23

हेङालोने ख्रीष्‍ट मण्‍डलीकु बुइ दु़म्‍मिडिम होप्‍मामङा वोचु़ वो उमा मोचु़कु बुइ सो़। मण्डली ने ख्रीष्‍टकु मिरो़म, मा मेराम सेल्‍पा ने गुमी सो़।

यूहन्‍ना 17:11

“गो सु़म्‍दिसेरडा मेबुङु, लावो मेर्मिम सु़म्‍दिसेरडा बुमी, मा गो ने इनीमाडा गेत्तोङा बेउ। सेपा पाआ, गानी गोलाई ग्‍वाङ्‌डिनिम इनीमा नङकु यु़मका मेर्मिमलाई बोनी-थार्निमी, मा गानी नुङ गो कोङसो़ बुचिमिम होङ्‍ङा मेर्मिम वो कोङसो़ दु़म्‍मिनु़।

१ कोरिन्थी 6:15

इनीमा मिरो़म ख्रीष्‍टकु मिरो़मगोडाम अंगमिम र्‍वाक्‍पा हाम गानी मेचनी? हाम गो ख्रीष्‍टकु मिरो़मडाम अंगमिमलाई छो़लो़माकु मिरो़मडाम अंग दु़म्‍बेन्‍मु? मेम ने मेदु़म्‍नु़।

एफिसी 4:12

माम्‍चु़नीकु न होम्‍साका खारी बोमु चाप्‍मिनु़ र्‍वाक्‍साका उनीमा त्‍वाकु मु़चु़मिमलाई झो़म्‍सिबेन्‍मु लागि आरेसाका बेम्‍डी, मा ओरामलामका ख्रीष्‍टकु मण्‍डली बर्तो ल।