रोमी 12:3 - थुलुङ राई

³ माम्‍चु़नीका ग्‍वाङ्‌डिमिम दिदामलामका गो गानीलाई र्‍वाक्‍तोङा बेउ, त्‍वापलाई डोक्‍पु मेमिम्सिट्‍नी लावो माम्‍चु़नीका गानी खोत्‍लेलाई ग्‍वाक्‍निमिम थो़र होम्‍साका इनी त्‍वाप हेप्‍माम बुनी मेराम होम्‍साका कोङङा मिम्‍सिट्‍नी।

रोमी 12:3 Referans Kwoze

गलाती 6:3

कोङनिम मु़चु़का उ त्‍वाप डोक्‍पु मेएँ लोवो उ त्‍वापलाई डोक्‍पु मिम्‍डु़ माला गुका उ त्‍वाका त्‍वापलाई ङा लु-फेले बु़मिम दु़म।

१ पत्रुस 5:5

मेम्‍साकाङा स्‍वालानी, गानी ङावामिमकु साखामगोयु़ बानी। गानी खोत्‍ले त्‍वाप-त्‍वापडा ख्‍लो़या-बाया बेबोमु छो़म याक्‍के दु़म्‍नी। “डोक्‍पु लिसिक्‍पा मु़चु़कु कोर्थो़लाम माम्‍चु़नी बमी, लावो याक्‍के दु़म्‍पामिमडला न-थो़म रेम्‍बोमी।”

रोमी 12:16

त्‍वाप-त्‍वापगोडा दु़साका बानी, इनी त्‍वापङा डोक्‍पु मेलिसिट्‍नी लावो खोत्‍लेनुङ याक्‍के दु़म्‍साका बानी मा त्‍वापङा हापा थेट्‍पा मेलिसिट्‍नी।

१ पत्रुस 5:8

इनी त्‍वापलाई जो़होमका जु़ल्‍नी, मा चङचङया बानी। इनी स्‍वाक्‍चिमो शैतानका सु़लाई डारुमा क्‍लिडोक्‍पु र्‍वाक्‍साका क्रुक्‍बाल्‍पा धेन्‍द्रा होङङा लाम्‍दिबाल।

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

याकूब 4:6

लावो आरेप्‍माम मेजो़पा नमिमकु कोर्थो़लाम बमु गुमीका गुइलाई छो़म दिदामका सासामी, मेराम माम्‍चु़नीकु सिजेमका आरे र्‍वा: “माम्‍चु़नी डोक्‍पु लिसिक्‍पामिमकु कोर्थो़लाम बमी, लावो याक्‍के दु़म्‍पामिमलाई दिदामका सान्‍मी।”

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

१ कोरिन्थी 7:17

माम्‍चु़नीका येट्‌निमिलो ङादो गानी खोत्लेङा हेप्‍माम बासीडा बान्‍नी मा ङाचो़ येशूका गानीलाई हामकाम लागि थु़ट्‌निमिमिम बु, मेम्साका ङा गानी बानिम बानी। खोत्‍ले मण्‍डलीका बोमु बासिक्‍पा आमा सीसि वो ओराम ङा सो़।

तीतस 2:12

मेराम दिदामका गुइलाई माम्‍चु़नीकु नङ मेकोसिक्‍पा ल्‍वामिम नुङ सु़म्‍दिसेरडाम मेजो़पा नमिम डिन्‍मु, मा त्‍वापलाई जो़होमका जु़ल्‍मु चापा, जो़पा दु़म्‍पा, मा माम्‍चु़नीकु लाम्‍दीडा लाम्‍दिसाका बुमु सीसा-चेसा।

तीतस 2:2

ङावा मु़चु़मिमलाई मिम्‍साका खारी बेपा, डोक्‍पु मिम्‍मुका घ्रेट्‌पा, त्‍वापलाई जो़होमका जु़ल्‍पा दु़म्‍मु सीडामी। माम्‍चु़नीडा मेर्मिमका छो़म डोक्‍पु थो़र बोमिनु़, मा रिखामनुङमा नुङ इम्‍मु चापा दु़म्‍मिनु़।

२ कोरिन्‍थी 12:7

माम्‍चु़नीका गोलाई रेम्‍बेट्‌ङिडिमिम हेल्‍लो वो मेल्‍वाम्‍मा ल्‍वाका गो डोक्‍पु मेलिसिङुनु़ र्‍वाक्‍साका माम्‍चु़नीका आमा मिरो़मडा चु़ ग्‍वाङ्‌डिमी। ओराम शैतानकु सेलाचो़ बाइडा, ओरामका छो़म आमा थो़मतेर्सु़ मा गोलाई डोक्‍पु लिसिमु मेग्‍वाङी।

रोमी 11:20

मेराम ने आच्‍छाङा सो़, यहूदीमिमका माम्‍चु़नीडा थो़र मेबेमिवामकाङा ग्रेम फल्‍साका घ्रोक्‍मा होङङा मेर्मिम घ्रोला सो़सिम्‍डी। गानी थो़र बेन्‍निमका ङा मेसिन्‍डा बुनी। ओराम ल्‍वाकु दुथाम गानी इनी नो़ डोक्‍पु मेबेनी, लावो माम्‍चु़नीकु ङिम जु़ल्‍नी।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

१ पत्रुस 1:13

मेम्‍मिमका इनीमा न-गोडा झो़म्‍सिट्‌नी, त्‍वाका त्‍वापलाई जो़होमका जु़ल्‍नी, येशू ख्रीष्‍ट रेम्‍बेम्‍सिप्‍मिलो गानी ल्‍वामु खाम्‍निमिम दिदाम छो़म ल्‍वापा न बेनी।

तीतस 2:4

मे ङामी मेसेममिमका स्‍वालामे मेसेममिमलाई उनी वोचु़ नुङ चो़च्‍चो़मिमलाई रिखाम बोमु,

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

यूहन्‍ना 3:34

उहेमलाई माम्‍चु़नीका थु़र्मिडी गुमीका माम्‍चु़नीकु सिजेम जेमी। हेङालोने माम्‍चु़नीका थो़म्‍मुङा मेझापा पेल गुमीलाई ग्‍वामी।

एफिसी 4:16

गुमीलामकाङा मिरो़मडाम खोत्‍ले अंगमिम गुमीडाङा दु़म्‍साका त्‍वाप-त्‍वापडा जो़होमका हाम्‍सिम्‍डिम बु। खोत्‍ले अंगमिमका त्‍वा-त्‍वाहोम खारी बोमिलो रिखामलामका सोनुङमा दु़म मा मिरो़म बर्तो ल।

लूका 18:11

मे फरिसी येम्‍स्‍तामा आरे र्‍वाक्‍तो सो़म्‍दी बु़डु़, ‘माम्‍चु़नी, गो गानीलाई आलासो़ र्‍वाङु, हेङालोने गो वाङमिम मु़चु़मिम होप्‍माम खुचु़वा मेबुङु, मु़चु़मिमलाई मेजो़पा मेबेउमी, मा नाम्‍सु़रु़ मेबेउ। मेम्‍मा ओराम कर फक्‍पा मु़चु़ होप्‍माम वो गो मेबुङु।

तीतस 2:6

मेम्‍साकाङा स्‍वाला मु़चु़मिम वो त्‍वापलाई जो़होमका जु़ल्‍पा दु़म्‍मु लागि उनी सो हन्‍बेसाडामी।

१ तिमोथी 2:15

लावो मेसेममिमका घ्रेट्‌पा दु़म्‍साका थो़र, रिखाम, नुङ माम्‍चु़नीकु न होङङा खारी बेत्तो बाम्‍डी माला चो़च्‍चो़ गमिम थारीका मेर्मिम सेल्‍सिमी।

१ तिमोथी 2:9

मेम्‍साकाङा मेसेममिमका वो फसिसि नु़पा नुङ घ्रेट्‌पा ये फम्‍सिमिनु़, सेम हापा बनेमेबेसाका सो़ना, दिरिल्‍य नुङ हापा थिकाम ये फसिक्‍साका मेएँ,

१ तिमोथी 1:14

इकीमा ङाचो़ ने हाङकोम न-थो़मनुङमा नुङ दिदामचो़! गुमीका ख्रीष्‍ट येशूलामका रोक्‍पा थो़र नुङ रिखाम छो़म ग्‍वाङ्‌डिमी।

एफिसी 3:4

गो र्‍याक्‍तोम ल्‍वा गानी डाट्‌नी माला ख्रीष्‍टकु दुथाम सु़का वो मेचक्‍मिवाम ल्‍वा आच्‍छाङा गो चक्‍पु र्‍वाक्‍साका गानी थेसिथेनी।

२ कोरिन्‍थी 12:13

गोलाई वाङमिम मण्‍डलीमिमका ख्‍लो़मु लागि ग्‍वाङ्‌डिमिम खउलुङ गो रउतो, लावो गानीनुङ ख्‍लो़ला मेसो़सिक्‍ङुवा। खउलुङ मेरउवा। गानीनुङ ओराम ल्‍वाडाम वाङमिम मेजो़पा बासी-दोसी हाम बेउतो मा? ओराम गो ख्‍लो़त्तोम ङा र्‍वाक्‍पा गानी मिम्‍नी माला गोलाई पाचो ग्‍वाङनिनी!

१ कोरिन्थी 3:10

माम्‍चु़नीका गोलाई दिदाम ग्‍वाङडिमिमका नेम बनेबेसी थेट्‌पा मु़चु़ होम्‍साका फार गत्तो मा कोङनिमका मेरामडला नेम बनेबु़। लावो मेरामडला बनेबेत्तो लक्‍पाका हेसाका बनेबोमु बासिक्‍पा मेराम ल्वाडा चङचङया बुमु बासी।

रोमी 11:25

वा-ल्‍वाकनी, थक्‍साका जु़ल्‍मा कोले ल्‍वा गानी चन्‍जो़ल्‍नी र्‍वाक्‍पा आमा न बु। मेराम ल्‍वा गानी चक्‍नी माला गानी इनी त्‍वाकाम लागि डोक्‍पु मेलिन्‍सिनी। मेराम थक्‍मा ल्‍वा आरेप्‍माम बु, रोमु बासिक्‍पा कोति वाङसामामिम ख्रीष्‍टडा मेरोक्‍थु़मसम्‍म इस्राएलीमिमकु न-गो लुङ होप्‍माम दु़म।

३ यूहन्‍ना 1:9

मण्‍डलीलाई गो कोङनिम ल्‍वा र्‍याक्‍तोम बाइडा। लावो ङाउ दु़म्‍मु माल्‍पा डियोत्रिफसका गुकुनुङ हाम वो बोमु मेद्‌वाकु़।

कलस्‍सी 2:13

कोबिलि गानी सिन्‍निम बाइडा, हेङालोने गानी माम्‍चु़नीकु मु़चु़ मेबानिवा मा छु़ल बेपा मु़चु़ बान्‍नी, लावो माम्‍चु़नीका ख्रीष्‍टनुङङा फक्‍निमी। माम्चु़नीका खोत्‍ले इकीमा छु़ल हेप्‍साड्‌डामी।

कलस्‍सी 1:29

ख्रीष्‍टका गोगोडा ग्‍वाङ्‍डिमिम डोक्‍पु यु़मलामका गो ओरामकाम लागि छो़म ब्राम्‍दु़ल्‍वा बेउ।

एफिसी 3:2

इनीमा लागि ङा गो माम्‍चु़नीकाम न-थो़मकु खारी बेपा खुन्‍चु़म ल्‍वाउतोम बु र्‍वाक्‍पा गानी थो़न्‍निमङा बु।

२ कोरिन्‍थी 10:13

माम्‍चु़नीका बेबेतिकिमिमडाम होनोवाम ल्‍वाडा गुकु डोक्‍पु मेलिसिन्‍कु। माम्‍चु़नीका गुकुलाई इनीमाडा रोक्‍साका ओराम खारी बेबेतिकिमिम बु, गुकु ओराम खारीकु दुथाम कोङङा डोक्‍पु लिसिन्‍कु।

फिलिप्‍पी 2:13

हेङालोने गानी गुमीलाई गेर्सिबेट्‌पा खारी बोमु चापा नुङ बोमु माल्‍पा दु़म्‍बेन्‍मु लागि माम्‍चु़नीकाङा गानीगोडा खारी बेत्तोङा लेन्‍मी।