रोमी 12:2 - थुलुङ राई

² सु़म्‍दिसेरडाम मु़चु़मिम होप्‍माम दु़म्‍मु मेमाल्‍नी, लावो इनी त्‍वाकु नगोलाम ख्‍लोसिट्‌निमा जो़पा दु़म्‍तो लक्‍नी। मेप्‍माम दु़म्‍मु चाप्‍नी माला, माम्‍चु़नीकु जो़पा नुङ गेर्सी द्‍वाक्‍पा ल्‍वा, मा माम्‍चु़नीकु न हेप्‍माम बु, मेराम होप्‍माम दु़म्‍मु बासिक्‍पा ल्‍वा हाम बु र्‍वाक्‍साका गानी इनी न-गोडा छाम्‍मु चापा दु़म्‍नी।

रोमी 12:2 Referans Kwoze

१ पत्रुस 1:14

माम्‍चु़नीका र्‍वामिमिम थो़पा चो़च्‍चो़मिम होङङा गानी बोमु-दोमु बासी। ङादो बिलि आच्‍छाङाकाम ल्‍वा मेचक्‍साका इनी नकु कोकोक्‍सीका मेजो़पा बेन्‍निम होङङा मेबेनी।

२ कोरिन्‍थी 5:17

मेम्‍मिमका कोङनिम मु़चु़ ख्रीष्‍टडा बु माला मेराम लाले दु़स्‍ताम मु़चु़ सो़। मेम्‍मा ङादोम त्‍वारो़म दाम्‍स्‍ताम बु, रेप्‍नी, लाले त्‍वारो़म चो़म्‍सिड्‍डाम बु।

कलस्‍सी 3:10

मा गानी लाले मु़चु़ दु़म्‍निम बु। माम्‍चु़नीका गानीलाई लाले मु़चु़ बनेबोमी, मा गुमीका उनी त्‍वाप होप्‍मामङा गानीलाई बनेबोनिम बुनी, मेम्‍साका गानी गुमीलाई आच्‍छाङा छेनिमी।

एफिसी 5:17

मेम्‍मिमका नेप्‍ची मान्‍थिम मेदु़म्‍नी, लावो माम्‍चु़नीका गानी हाम बोमिनु़ र्‍वाक्‍पा न बोमी मेराम थेसिथेन्‍मु माल्‍नी।

१ पत्रुस 4:2

मेम्‍मा आथाडा आनो गु सु़म्‍दिसेरडाम मेजो़पा उ न होम्‍साका मेदो, लावो माम्‍चु़नीकु न होम्‍साका दो।

रोमी 12:1

आमा द्‍वादीबुङ वा-ल्‍वाकनी, माम्‍चु़नीका गानीलाई रिखाम बोनिमी। मेम्‍मिमका गानी इनी सिपा मिरो़मलाई सेपा नुङ माम्‍चु़नीडा ग्‍वामु घ्रेट्‍पा बेसाका इनीमा त्‍वारो़म गुमीडा ग्‍वाक्‍नी र्‍वाक्‍साका गो छो़म र्‍वाङु। इनीमा न-गोका बोमु बासिक्‍पा आच्‍छाङाकाम सो़रलोले वो ओराम ङा सो़।

यूहन्‍ना 15:19

गानी सु़म्‍दिसेरकु मु़चु़ दु़म्‍निवाम माला मेर्मिमका गानीलाई त्‍वाकु मु़चु़ मिम्‍निवामा रिखाम बेनिवा। लावो गानी ने सु़म्‍दिसेरकु मु़चु़ मेएँ। गानीलाई सु़म्‍दिसेरलामका गो छेट्‌निनी मेम्‍मिमका गानीलाई सु़म्‍दिसेरडाम मु़चु़मिमका मेद्‌वानिमी।

रोमी 13:14

मेम बोमु डिसाका जो़पा ये फम्‍सिक्‍मा होम्‍साका येशू ख्रीष्‍टकु जो़पा बासीदोसीडा लाम्‍दीइ। त्‍वाकु छु़लनुङमा मिरो़मडाम नसीहोमका मेदोसी।

तीतस 3:5

मा गुइ बिइडिम जो़पा खारीका ने मेएँ, माम्‍चु़नीकु न-थो़मका सेल्‍साड्‌डामी। गुमीका इकीमा छु़लमिम हेप्‍साड्‌डामी, मेम्‍मा उनीमा पेलका लाले त्‍वारो़म ग्‍वाक्‍साका लाले मु़चु़ दु़म्‍बेसाड्‌डामी।

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

यूहन्‍ना 17:14

गो मेर्मिमलाई इनीमा सिजेम ग्‍वाक्‍तोमी, मा सु़म्‍दिसेरडाम मु़चु़मिमका मेर्मिमलाई मेद्‌वाक्‍मिवा, हेङालोने गो सु़म्‍दिसेरकाम मेएँ, मेप्‍माङा मेर्मिम वो सु़म्‍दिसेरकाम मेएँ।

२ पत्रुस 1:4

मेलामका छो़म डोक्‍पु नुङ हापा थिकाम उनी याचेजेसीमिम गुइलाई ग्‍वाक्‍साड्‌डामिम बु। मेम्‍मा मेरामलामका गानी माम्‍चु़नी हेप्‍माम बुमी मेप्‍मामङा दु़म्‍नी मा मेजो़पा नका बेबेद्‌वाक्‍पा सु़म्‍दिसेरडाम मेजो़पा बेसीलामका प्लु़सिमु चाम्‍नी।

याकूब 1:27

माम्‍चु़नीकु ङादोडा जो़पा नुङ सेपा उनीमा सो़रलोले बेसी ने ओराम सो़: रेचो़कुपा नुङ अर्दोमेमिमलाई उनी दु़खा थारीका रेमु, मा सु़म्‍दिसेरडाम मेजो़पा ल्‍वामिमडाम त्‍वाप वाङ बुमु।

१ यूहन्‍ना 3:13

आमा वा-ल्‍वाकनी, सु़म्‍दिसेरका गानीलाई मेद्‌वानिमी माला ङाङाया मेदु़म्‍नी।

१ थेसलोनिकी 4:3

गानी सेपा दु़म्‍नी र्‍वाक्‍पा माम्‍चु़नीकु न बु। मेम्‍मिमका खोत्‍ले नाम्‍सु़रु़ बोमुडाम वाङ बानी।

१ यूहन्‍ना 5:19

गुइ माम्‍चु़नीकु चो़च्‍चो़मिम मा ओराम खोत्‍ले सु़म्‍दिसेर शैतानकु ल्‍वाडा बु र्‍वाक्‍पा च।

एफिसी 1:18

मेम्‍मा इनीमा नगोडा माम्‍चु़नीकु ओल झ्‍वाबेसाका, माम्‍चु़नीका गानीलाई हाम ग्‍वामु लागि येट्‌निमिम, मा उनीमा मु़चु़मिमलाई ग्‍वानिनी र्‍वाम्‍डिम डोक्‍पु जि-वामिम,

२ पत्रुस 2:20

मेर्मिमका इकी ङाचो़ नुङ गुइलाई सेल्‍पा येशू ख्रीष्‍टलाई छेसाका वो सु़म्‍दिसेरडाम मेजो़पालाम स्‍वामी। मेम्‍मा आथावो मेरामथो़ङा दु़म्‍मिमा मेरामकु डु़ल्‍चो़ दु़म्‍मी माला ङादो बाम्‍डिमडाम वो छो़म मेजो़पा दु़म्‍मी।

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

गलाती 1:4

छु़ल बेत्तोङा बेपा ओराम सु़म्‍दिसेरलामका सेल्‍मु लागि गुमी इकीमा माम्‍चु़नी पापकु न होम्‍साका उनी त्‍वापङा सासेन्‍सिम्‍डी।

१ कोरिन्थी 3:19

हेङालोने ओराम सु़म्‍दिसेरकु नेप्‍ची माम्‍चु़नीकु ङादोडा नेप्‍ची मान्थिम ल्‍वा सो़। माम्‍चु़नीकु सिजेमका वो र्‍वा, “माम्‍चु़नीका मे नेप्‍चीनुङमा मु़चु़मिमकु बाछेन्‍दा लिसीडा चु़म्‍मी।”

रोमी 7:22

आमा न-गो ने माम्‍चु़नीलाममिम डु़म्‍लाडा गेर्सी द्‍वा।

यूहन्‍ना 7:7

गानीलाई मेद्‌वाक्‍पा मु़चु़ सु़म्‍दिसेरडा सु़वो मेबुमी। लावो सु़म्‍दिसेरडाम मु़चु़मिमका गोलाई ने मेद्‌वाङिमी, हेङालोने मेर्मिमकु खारी बेसी मेजो़पा बु र्‍वाक्‍साका गो सो़उ।

रेम्‍बेट्‌मिडिम ल्‍वा 13:8

मेम्‍मा सेट्‌मिडिम भेन्‍दाचो़कु त्‍वारो़मकु खाजेमडा सु़म्‍दिसेर प्रङ्‌सिमु ङादोङा नङ मेर्‍यासिट्‍पामिम खोत्‍लेका मे हादीबारालाई सेव सान्‍मी।

१ पत्रुस 2:3

ङाचो़ न-थो़मनुङमा बुमी र्‍वाक्‍पा गानी ल्‍वामु दु़म्‍निम बु।

रोमी 7:12

मेमङा लोवो डु़म्‍ला सेपा बु, मा डु़म्‍लाका र्‍वाक्‍ताम ल्‍वामिम सेपा नुङ जो़पा बु।

कलस्‍सी 4:12

गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

१ पत्रुस 1:18

इनी बेप-पापलाम रोक्‍पा हाम ना हामकु ल्‍वाडाम सो़ना, मत्तो होप्‍माम म्‍वापामा लक्‍पाका गानीलाई भ्रेसाका फ्‍वाक्‍मा मेएँ र्‍वाक्‍पा गानी चनिमिम बु।

यूहन्‍ना 14:30

गानीनुङ जेमु थारी हापा गोनुङ मिबु, हेङालोने ओराम सु़म्‍दिसेरडाम साखामचो़ रोक्‍तोङा लेडु़। मेरामका गोलाई हाम वो बोमु ने मेचाम्‍ङी।

रोमी 7:14

डु़म्‍ला ने माम्‍चु़नी-पेलका ग्‍वाक्‍साड्‍डामिम जो़पा ल्‍वा र्‍वाक्‍साका गुइ चडिम बु। लावो गो ने आमा न-गो होम्‍साका दोपा छु़लका र्‍वामिम थो़पा मा डु़ल्‍चो़ होङङा छु़लडा भ्रेन्‍सिङडोम मु़चु़ सो़।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

मत्ती 13:22

चु़दुगोनो झुक्‍पा भ्रल मेरामङा सो़, उहेमका माम्‍चु़नीकु सिजेम थो़सु़, लावो हाम पेपा-फसिक्‍पा र्‍वाक्‍साका मिम्‍ताम-सो़र्ताम नुङ खाप्‍चीचो़ दु़म्‍मु मालु़मिमका माम्‍चु़नीकु सिजेमथो़ न मेसोकु़। मेम्‍मा सिजेमका र्‍वामिम होप्‍माम दु़म्‍मु मेचाप्‍सु़।

मर्कूस 4:19

लावो पोमु-डुमुकु मिम्‍ताम-सो़र्ताम, खाप्‍ची द्‌वाम, नुङ वाङमिम खोत्‍लेङा डार्पा न उनी नगोनो हुमा मेरामका सिजेम हुप्डु़, मेकोतिमा मेरामका मा फिमु मेग्‍वाकु़।

कलस्‍सी 1:9

मेम्‍मिमका इनीमा दुथाम थो़त्तोकोलो आथाम इनीमा लागि सो़म्‍दी बोकुमिमङा बुकु। गानी माम्‍चु़नीकु नलाई थेसिथेन्मुकाम लागि उनीमा पेललामका खोत्‍ले नेप्‍ची नुङ थेसिथेट्‌पा न लिट्‌पा बेसाका माम्‍चु़नीका ग्‍वानिमिनु़ र्‍वाक्‍साका गुमीनुङ सो़म्‍दी बोकुम बुकु।