रोमी 12:19 - थुलुङ राई

¹⁹ द्‍वादीबुङ वा-ल्‍वाकनी, गानीलाई मेजो़पा बेपामिमडला गानी वो मेजो़पा मेबेनी, मेर्मिम माम्‍चु़नीकु ल्‍वाड्‍डा ङा जु़ल्‍नी। हेङालोने माम्‍चु़नीकु सिजेमडा र्‍याक्‍मा बु, “निया बेपा खारी आमा सो़। गो ङा मेरामकु फुलु़ सोक्‍पु।”

रोमी 12:19 Referans Kwoze

हिब्रू 10:30

हेङालोने “गो फुलु़ सोक्‍पु, हाम बेम्‍डिम बु मेमङा बेउमी” र्‍वाक्‍पा गुमीलाई गुइ छेडी। मेम्‍मा गुमीका आरे वो र्‍वामी, “मिप्रङमाका उनीमा मु़चु़मिमकु निया बोमी।”

रोमी 12:17

कोङनिमका गानीलाई मेजो़पा बेन्‍नी र्‍वाक्‍साका मेरामलाई वो मेजो़पा मेबेनी। खोत्‍ले मु़चु़मिमका डोक्‍पु मिम्‍मिडिम ल्‍वाडा कोङङा न सोक्‍नी।

१ थेसलोनिकी 4:6

सु़का वो आरेसाका लु-फेले बेसाका थो़रलु़पा वा-ल्‍वाकलाई मेजो़पा मेबु़नु़। गानीलाई गुकु ङादोङा र्‍वाक्‍तोकोम नुङ ङिमसाट्‌मा होम्‍साकाङा आरेप्‍माम खारी बेपालाई ङाचो़ येशूका देन्‍दे ग्‍वामी

रोमी 12:14

गानीलाई दु़खा ग्‍वाक्‍पामिमलाई जि ग्‍वाक्‍नी, लावो वाइतो मेबेट्‍नी।

मत्ती 5:39

लावो गो गानीलाई र्‍वाङु, गानीलाई मेजो़पा बेपा मु़चु़डला छोक्‍चो मेहाट्‌नी। कोङनिमका इनी जो़पलाममिम फोसु़डा याल्‍नी माला कोङमीलाममिम फोसु़डा वो देन्‍साट्‌नी।

रोमी 13:4

हेङालोने मेर्मिम ने इनीमा लागि जो़पा खारी बेपा माम्‍चु़नीकु डु़ल्‍चो़मिम सो़। लावो गानी मेजो़पा खारी बोनी माला ने ङिनी, हेङालोने मेर्मिमका मेडेङा कातु़रु़ मेबिम्‍सिमी। मेर्मिम ने मेजो़पा खारी बेपामिमडला देन्‍दे रेट्‍पा माम्‍चु़नीकु डु़ल्‍चो़मिम सो़।

एफिसी 4:27

मा शैतानलाई खारी बोमु मेग्‍वाक्‍नी।

२ तिमोथी 4:14

वाता डु़पा अलेक्‍जेन्‍डरका गोलाई छो़म मेजो़पा बेङ्‌डिम बु, माम्‍चु़नीका उमा खारी होम्‍साका मेरामलाई देन्‍दे ग्‍वामी।