18 चाम्निमिमसम्म खोत्लेनुङ दु़साका बानी।
हेसाका दु़म खोत्ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्नी। छु़लडाम वाङ मेबाट्पा सु़का वो माम्चु़नी ल्वामु मेचाप्सु़।
मेम्मिमका गुइ न-भ्रसी बेट्पा नुङ थो़रलु़पामिमका त्वाप-त्वापगोडा सो हन्बेट्पा ल्वाडा कोङङा न सोकी।
न-थो़म घ्रो़म्बेट्पामिम जिनुङमा सो़, हेङालोने मेर्मिम माम्चु़नीकु चो़-चु़सु़ र्वाला सो़सिमी।
हुम-दडा, वा-ल्वाकनी, ब्र्वासिडी। छो़म जो़पा दु़म्साका लाम्दिमु न बेनी। गो छो़म र्वाङुमिम ल्वा थो़नी, कोले नकाम दु़म्नी, भ्रसिसाका बानी। मेम्मा रिखाम बेपा मा न-भ्रसी ग्वाक्पा माम्चु़नी गानीनुङ दु़म्मी।
लावो माम्चु़नी-पेलका ने गुइलाई आरेप्माम दु़म्बेसामी– रिखाम बेपा, न-थो़म भ्रसिक्पा, न-गो भ्रसिक्पा, इम्सिमु चापा, न-थो़मनुङमा, खोत्लेकाम लागि जो़पा मिम्पा, थो़र लु़इमिम,
“यो ने जो़पा ङा दु़म, योड्डा यो मेलु़ माला ने हामका यो लु़ बेन्मु मा? मेम्मिमका गानी इनी त्वाप-त्वापडा ङा यो जु़ल्सिट्नी, मा खोत्लेनुङ इनीमा न-गो भ्रहोम दु़बेट्निमा बानी।”
मेजो़पा खारी बोमुलामका ख्लोन्सिट्नी मा जो़पा खारी बेनी। न-भ्रसिक्साका बुमु छो़म माल्नी मा मेराम माल्निम बानी।
मेम्मिमका स्वालादुडाम मेजो़पा खारीडाम वाङ बाया, सेपा न-गोका माम्चु़नीकाम नङ रपामिमनुङ कोयोङा माम्चु़नीकु न होङ्ङा बेपा थो़र बोमु, रिखाम बोमु नुङ न-भ्रसिबेन्मु न बे।
हेङालोने माम्चु़नीकु किब्दी र्वाक्मा पोमु-डुमुकाम लागि मेएँ, लावो माम्चु़नी-पेललाम रोक्पा जो़पा न-गो, न-भ्रसी, मा सेपा दु़म्साका गेर्सी द्वाक्तो बुमु सो़।
मेर्मिमका खारी बेम्डिमका रिखाम बेसाका मेर्मिमलाई छो़म डोक्पु बेनी। खोत्ले मु़चु़नुङ दु़साका बानी।
माम्चु़नी-पेललामका गानीलाई दु़बेट्निमिम बु, हेल्लो लोवो न-गो भ्रसिक्तो ओराम दु़सीगोडा बुमुम बुमु माल्नी।
याक्के दु़म्पामिम जिनुङमा सो़, हेङालोने सुबु मेर्मिमकाम दु़म।
लावो थो़रमेलु़पाका फ्वासिमु न बु़ माला फ्वासी लोवो फ्वासिनु़। मेराम थारीका थो़रलु़पा मे रिचो़ लोवो वोस्चो़ लोवो बादे-बादे मेदु़म। हेङालोने माम्चु़नीका गुइलाई न-गो भ्रसिक्तो बुमु येसाड्डामिम सो़।
सासेन्मु इनी ग्वा-ग्वा सासेन्खोप फार्डाङा पार्जो़ल्नी। मेम्मा लक्साका मेराम मु़चु़नुङ इनीमा न-थो़म घ्रो़म्बेट्नी। मेकोतिमा रोक्नीमा माम्चु़नीलाई इनीमा ग्वा-ग्वा ग्वाक्नी।
मेम्मिमका गानी रोमडा बाट्पामिमलाई वो जो़पा-सेला थो़बेन्मु छो़म आमा न बु।
