रोमी 12:17 - थुलुङ राई

¹⁷ कोङनिमका गानीलाई मेजो़पा बेन्‍नी र्‍वाक्‍साका मेरामलाई वो मेजो़पा मेबेनी। खोत्‍ले मु़चु़मिमका डोक्‍पु मिम्‍मिडिम ल्‍वाडा कोङङा न सोक्‍नी।

रोमी 12:17 Referans Kwoze

१ थेसलोनिकी 5:15

रेप्‍नी, सु़का वो मेजो़पा बेपालाई मेजो़पा मेबु़नु़, लावो त्‍वाप-त्‍वापडा नुङ खोत्‍ले मु़चु़लाई हेल्‍लो लोवो जो़पा बोमु माल्‍पा दु़म्‍नी र्‍वाक्‍साका ओराम ल्‍वा इनीमा नडा जु़ल्‍नी।

मत्ती 5:39

लावो गो गानीलाई र्‍वाङु, गानीलाई मेजो़पा बेपा मु़चु़डला छोक्‍चो मेहाट्‌नी। कोङनिमका इनी जो़पलाममिम फोसु़डा याल्‍नी माला कोङमीलाममिम फोसु़डा वो देन्‍साट्‌नी।

१ पत्रुस 3:9

मेजो़पा बेपालाई मेजो़पा मेबेनी मा डक्‍साका जेपालाई डक्‍साका मेजेनी, लावो मेर्मिमलाई जि-वा ग्‍वाक्‍नी। हेङालोने माम्‍चु़नीका गानीलाई जि-वा ग्‍वामु लागिङा येट्‌निम सो़, मेम्‍साका गानी जि-वा ल्‍वानी।

रोमी 12:19

द्‍वादीबुङ वा-ल्‍वाकनी, गानीलाई मेजो़पा बेपामिमडला गानी वो मेजो़पा मेबेनी, मेर्मिम माम्‍चु़नीकु ल्‍वाड्‍डा ङा जु़ल्‍नी। हेङालोने माम्‍चु़नीकु सिजेमडा र्‍याक्‍मा बु, “निया बेपा खारी आमा सो़। गो ङा मेरामकु फुलु़ सोक्‍पु।”

१ पत्रुस 3:16

गानी इनी ननुङमा दु़म्‍नी, मा मेम्‍साका ख्रीष्‍टडा बाट्‌पा जो़पा इनी बासी-दोसीका इनीमा कोर्थो़लाम मेजो़पा जेपामिमकु उनी मेजो़पा जेसीडा उनी क्रो़म लु़नु़।

१ थेसलोनिकी 5:22

मेजो़पा खोत्‍ले ल्‍वाडाम वाङ बानी।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

कलस्‍सी 4:5

येशूडा थो़र मेबेपा मु़चु़मिमनुङ बुनी-दोनिलो चङको-चङको बान्‍सिट्‌नी। खोत्‍ले जो़पा थारीका ख्रीष्‍टकु दुथाम मेर्मिमनुङ सो़मु झो़म्‍जो़ल्‍सिट्‌नी।

रोमी 14:16

मेम्‍मिमका गानी जो़पा लु़न्‍निम ल्‍वालाई वाङमिमका मेजो़पा र्‍वामु मेल्‍वामिनु़।

१ तिमोथी 5:14

मेम्‍मिमका स्‍वालामे अर्दोमेमिमलाई आथावो लालीकुन्‍दा बोमु ग्‍वाक्‍साका, चो़मिम कमु, उनी नेम जो़होमका रेम्‍मु सीडामी। मेम्‍साका इकीमा कोर्थो़लाम बक्‍पामिमका इकीमा दुथाम मेजो़पा जेमुलाम मेल्‍वामिनु़ र्‍वाक्‍पा आमा न बु।

१ थेसलोनिकी 4:12

मेम्‍साका थो़रमेलु़पा मु़चु़मिमका इनीमा बेसी-पेसी जो़पा मिम्‍मी, मा गानी वाङमिमनुङ बिमु वो मेबासी।

मत्ती 5:24

सासेन्‍मु इनी ग्‍वा-ग्‍वा सासेन्‍खोप फार्डाङा पार्जो़ल्‍नी। मेम्‍मा लक्‍साका मेराम मु़चु़नुङ इनीमा न-थो़म घ्रो़म्‍बेट्‌नी। मेकोतिमा रोक्‍नीमा माम्‍चु़नीलाई इनीमा ग्‍वा-ग्‍वा ग्‍वाक्‍नी।