14 गानीलाई दु़खा ग्वाक्पामिमलाई जि ग्वाक्नी, लावो वाइतो मेबेट्नी।
मेजो़पा बेपालाई मेजो़पा मेबेनी मा डक्साका जेपालाई डक्साका मेजेनी, लावो मेर्मिमलाई जि-वा ग्वाक्नी। हेङालोने माम्चु़नीका गानीलाई जि-वा ग्वामु लागिङा येट्निम सो़, मेम्साका गानी जि-वा ल्वानी।
लावो गो गानीलाई र्वाङु, इनी स्वाक्चिमोलाई रिखाम बेनी, मा इनी थो़मतेर्साक्पामिमकाम लागि सो़म्दी बेनी,
रेप्नी, सु़का वो मेजो़पा बेपालाई मेजो़पा मेबु़नु़, लावो त्वाप-त्वापडा नुङ खोत्ले मु़चु़लाई हेल्लो लोवो जो़पा बोमु माल्पा दु़म्नी र्वाक्साका ओराम ल्वा इनीमा नडा जु़ल्नी।
मेजो़पा ल्वाका गानीलाई घ्ल्वामु मेचाप्सु़नु़, लावो मेजो़पा ल्वालाई जो़पा ल्वाका घ्ल्वानी।
सु़का गानीलाई वाइतो बेनी मेर्मिमलाई जि ग्वाक्निमी, सु़का गानीलाई मेजो़पा बोनी, मेर्मिमकाम लागि सो़म्दी बेनी।
कोले सिलामकाङा नङ कोमु नुङ वाइतो बेन्मु ल्वा लु? आमा वा-ल्वाकनी, आरेप्माम ने दु़म्सिमेनु़।
येशूका र्वाम्डी, “माम्चु़नी, ओर्मिम मु़चु़लाई पाचो ग्वाक्निमी, हेङालोने मेर्मिमका हाम बेत्तोङा लेन्मी मेराम मेचमी।” मेम्मा सिपाहीमिमका चिठ्ठा ओप्साका येशूकु ये-सेम दो़म्डी।
मेकोतिलो ङा गुका क्रचु़खुम बु़ल्याड्डु़मा डोक्पु लो़लामका येस्ता, “येशू, ओर्मिमका हाम बेम्डी, मेरामकु देन्दे मेग्वाक्निमी।” आकोति र्वाक्तामा उ साम लस्ता।