रोमी 12:13 - थुलुङ राई

¹³ ङाचो़ येशू ख्रीष्‍टकु सेपा मु़चु़मिमकु खेरेलाडा ख्‍लो़नी, नेमडा रोक्‍पा बोच्‍चो़मिमकु चापे-डुपे बेनी।

रोमी 12:13 Referans Kwoze

हिब्रू 13:16

वाङमिमलाई जो़होम बोमु नुङ इनी त्‍वाकु चाप्‍सी ख्‍लो़मु मेप्‍ल्‍वानी। हेङालोने आरेप्‍माम ग्‍वा-ग्‍वाका माम्‍चु़नी गेर्सी द्‌वामी।

२ कोरिन्‍थी 9:12

ओराम इनीमा ख्‍लो़पा खारीका माम्‍चु़नीकु मु़चु़मिमकाम खेरेलाडा ख्‍लो़यु़मिम कोङङा मेएँ लावो माम्‍चु़नीलाई आलासो़ ग्‍वाक्‍पा न ओरामका हापा रेडु़।

१ यूहन्‍ना 3:17

कोङनिम मु़चु़नुङ सु़म्‍दिसेरडाम खाप्‍चीमिम बु मा थो़र लु़पा वा-ल्‍वाक खेरेला दु़म्‍पा ल्‍वासु़, मा वो मे वा-ल्‍वाकडला उ थो़म मेभ्रो़ माला माम्‍चु़नीकु रिखाम हेसाका गुगोडा दु़म मा?

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।

१ पत्रुस 4:9

सु़म्‍बुर्मा मेकिसाका कोलेका कोलेकाम चापे-डुपे बेबेनी।

गलाती 6:10

मेम्‍मिमका जो़पा खारी बोमु ल्‍वासी मेडे गुइ खोत्‍लेकाम लागि जो़पा बेत्तो लक्‍सी, खोत्‍लेडाम ङादो येशू ख्रीष्‍टडा थो़रलु़पा वा-ल्‍वाकमिमलाई जो़पा बिइ।

हिब्रू 13:2

इनीमाडा रोक्‍पा वाङथो़म मु़चु़मिमकु चापे-डुपे बोमु मेप्‍ल्‍वानी, हेङालोने मेम बेसाकाङा याङ मु़चु़मिमका मेचक्‍साका पाह्रीचो़मिमकु चापे-डुपे बेम्‍डी।

१ तिमोथी 3:2

मेम्‍मिमका बिशप दु़म्‍मु माल्‍पा ने सु़का वो मुमा बेन्‍मु मेचापा, कोलेङा नाइमे बाट्‌पा, इम्‍सिक्‍पा, मा त्‍वापलाई जो़होमका जु़ल्‍पा, खोत्‍लेका जो़पा मिम्‍मिमिम, बोच्‍चो़कु चापे-डुपे बेपा मा जो़होमका सीमु चापा दु़म्‍मिनु़।

१ तिमोथी 5:10

मेकोतिमा गुका जो़पा खारी बेसीडा उमा नङ दोस्‍ताम दु़म्‍मु बासी। चो़मिम बर्बेड्‌डु़मिम, वाङथो़लाम रोक्‍पामिमकाम चापे-डुपे बु़साड्‌डु़मिम, माम्‍चु़नीकु चो़मिमकाम खेल सो़ल्‍साड्‌डु़मिम, दु़खा ल्‍वापामिमलाई ख्‍लो़यु़डु़मिम, मा आरेप्‍मामङा जो़पा खारी बोमु छो़म द्‌वाक्‍पा दु़म्‍मु बासी।

मत्ती 25:35

हेङालोने गो क्रु़म सिपा बाङडो, गानी पोमु ग्‍वाङ्‌डिनी। कोरा सिपा बाङडो, डुमु ग्‍वाङ्‌डिनी। वाङथो़लाम रोक्‍पा बाङडो, इनीमा नेमडा येट्‌ङिडिनी।

फिलेमोन 1:7

आमा ल्‍वाक, थो़रलु़पामिमलाई बेन्‍नाम इमा रिखामका गोलाई छो़म भ्रसिबेट्‌ङिडी, मा आमा सो हन्‍डा, हेङालोने माम्‍चु़नीकु मु़चु़मिमलाई गाना गेर्सी बेट्‌नामिम बु।

तीतस 1:8

लावो बोच्‍चो़कु चापे-डुपे बेपा, जो़पा खारी बोमु द्‌वाक्‍पा, मिम्‍साका खारी बेपा, सु़डला वो चोमिक्‍सी मेबेसाका निया बेपा, न-गो सेपा मा त्‍वाका त्‍वापलाई जो़होमका जु़ल्‍मु चापा दु़म्‍मु बासी।

२ कोरिन्‍थी 9:1

यरूशलेमडा बाट्‌पा माम्‍चु़नीकु मु़चु़मिमलाई ग्‍वामु ग्‍वा-ग्‍वाकु दुथाम गो गानीलाई र्‍यामुम बुमु मेबासी।

थु़र्मा 10:4

कर्नेलियसका पाह्रीचो़थो़ रेप्‍डु़म-रेप्‍डु़म ङा बु़डु़। गु छो़म ङिड्‍डामा र्‍वाक्‍ता, “गानी हाम र्‍वामु माल्‍नी ङाचो़?” पाह्रीचो़का र्‍वाक्‍ता, “माम्‍चु़नीका इमा सो़म्‍दी थो़म्डिम बु। गाना उनी हाम वो मेबाट्‌पा मु़चु़मिमलाई खाप्‍ची ग्‍वाक्‍नामिम गुमीका ल्‍वाम्‍डिम बु, मा गुमीका गानालाई मिम्‍थानामिमिम बु।

थु़र्मा 4:35

मेकोतिमा थु़र्मामिमलाई ग्‍वाम्‍थाल्‍मिडी, मा सु़-सु़लाई हा-हामकाम खेरेला दु़स्‍थाल्‍ला मेराम होम्‍साका मेर्मिमलाई ग्‍वाम्‍थाल्‍मिडी।

१ कोरिन्थी 16:15

वा-ल्‍वाकनी, गानी ओराम ल्‍वा चनी, स्‍तिफनासकु नेमडाममिम अखैयाडा खोत्‍लेडाम ङादो थो़रलु़पा मु़चु़मिम सो़। मेर्मिमका माम्‍चु़नीकु मु़चु़मिमकाम चापे-डुपे बोमुडा खोत्‍ले उनी न-गोङा ग्‍वाम्‍डिम बु। गो गानीलाई छो़म र्‍वाङु,

रोमी 12:8

मु़चु़मिमकु सो हन्‍बेट्‍पा राप्‍लावा ल्‍वापाका सो हन्‍बेट्‍नु़, खेरेला दु़म्‍पा मु़चु़मिमलाई ख्‍लो़मु राप्‍लावा ल्‍वापाका न-गोलामका ख्‍लो़यु़नु़, मण्‍डलीडाम ङाचो़ दु़म्‍मु राप्‍लावा ल्‍वापामिमका न-गोलामका ङाचो़कु खारी बु़नु़, न-थो़म रेम्‍बोमु राप्‍लावा ल्‍वापाका गेर्सी द्‍वाक्‍साका न-थो़म रेम्‍बु़नु़।

तीतस 3:14

गुइ थो़रलु़पामिम खोत्‍लेका जो़पा खारी बोमु माल्‍पा दु़म्‍मु बासी। मेम्‍साका खेरेला दु़म्‍पा मु़चु़मिमलाई ख्‍लो़मुमि बासी। मेम्‍मा गुइ हाम ना हामकाम मेदु़म्‍सी।

३ यूहन्‍ना 1:5

द्‌वादीबुङ ङोप्‍सो़, थो़र लु़पा वा-ल्‍वाकमिमलाई, मेर्मिम मेछेनामिवामङा बाम्‍डी लोवो मेर्मिमलाई रेम्मुडा गाना थो़रलु़इमिम बुना।