रोमी 12:12 - थुलुङ राई

¹² गानी इनी नगोडा हाम-हुम लन्‍थानिमिम ल्‍वाडा गेर्सी द्‍वाक्‍नी, दु़खा थारीडा इम्‍सिसाका बानी मा हेल्‍लो लोवो सो़म्‍दी बेनिम बानी।

रोमी 12:12 Referans Kwoze

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

हिब्रू 10:36

गानी हाम वो मेर्‍वाक्‍साका इम्‍मु बासी, मेम्‍साका माम्‍चु़नीकु न होङङा गानी बोनी मा गुमीका हाम ग्‍वानिनी र्‍वाक्‍साका याचे जेम्‍डिम बाइडा मेराम ल्‍वा ल्‍वानी।

१ पत्रुस 4:13

लावो ख्रीष्‍टका होङङा गानी वो दु़खा ल्‍वानिलो इनी न भ्रसिनु़। मेम्‍मा उनी यु़म-झ्‍वाक्‍सीडा गुमी रेम्‍बेम्‍सिमिलो गानी छो़म गेर्सी द्‌वाक्‍नी।

याकूब 5:7

मेम्‍मिमका वा-ल्‍वाकनी, ङाचो़ येशू मेयोक्‍थु़मसम्‍म इम्‍सिक्‍साका बानी। रेप्‍नी, हेसाका मा-के सिन्‍बेट्‌पा खारीचो़का वो उमा येडाम हापा नु़पा मा-के ल्‍वामु लागि मा-के ख्‍लिमु ङादो नुङ मेराम मा-केकु बुङदो ङादो व योक्‍पा थारी उ पाउ मेसोसाका छो़म लथाडु़।

हिब्रू 6:15

अब्राहामका इम्‍सिसाका लथाड्‌डु़। मेम्‍मा माम्‍चु़नीका याचे जेम्‍डिम जि ल्‍वास्‍तु़।

हिब्रू 6:12

गानी भ्रेपा मेदु़म्‍नी, लावो माम्‍चु़नीका याचे जेम्‍डिम ल्‍वाडा थो़रलु़पा मा इम्‍सिसाका लथाट्‌मिडिम होप्‍माम गानी वो दु़म्‍नी र्‍वाक्‍पा आकीमा न बु।

फिलिप्‍पी 4:4

ङाचो़ येशूडा हेल्‍लो लोवो भ्रन्‍सिट्‌नी। आथावो गो र्‍वाङु, भ्रन्‍सिट्‌नी।

हिब्रू 12:1

उनी थो़र रेम्‍बेपा आरेप्‍माम सेर्पा मु़चु़ इकीमा होनोलाम-आथो़लाम बुमी। मेम्‍मिमका गुइलाई भोपा खोत्‍ले ल्‍वा नुङ हाम वो लु़मेलेसाकाङा आम्‍पा छु़ल पार्तो गुइलाई रेम्‍बेट्‌मा ओन्‍सीथो़ हाम वो मेर्‍वाक्‍साका इम्‍तो ओन्‍डी।

कलस्‍सी 4:2

चङचङया बासाका नुङ माम्‍चु़नीडला आला-तोमानुङमा दु़म्‍साका सो़म्‍दी बेनिमङा बानी।

२ थेसलोनिकी 3:5

ङाचो़का इनीमा न-गोलाई माम्‍चु़नीकु रिखाम नुङ ख्रीष्‍टकु इम्‍सीथो़ क्रिमिनु़।

१ थेसलोनिकी 5:8

लावो गुइ ने नेम्‍फुम मु़चु़ सो़, मेम्‍मिमका त्‍वापलाई जो़होमका जु़ली, येशूडा थो़रलु़मुम बुमु मा वाङमिमलाई रिखाम बोमुम बुमु लागि बोपा-थार्पा धक्‍चीख्रेम फम्‍सिमु बासी। मेम्‍मा येशूका सेल्‍सामी र्‍वाक्‍पा नाका बोपा-थार्पा खुचु़खुम खुम्‍सिमु बासी।

थु़र्मा 1:14

येशूकु माम मरियम, येशूकु ल्‍वाकमिम नुङ वाङमी मेसेममिम खोत्‍ले कोले नकाम दु़म्‍साका हेल्‍लो लोवो सो़म्‍दी बेम्‍थाल्‍मिडी।

१ तिमोथी 6:11

लावो गाना माम्‍चु़नीकु लाम्‍दीडा लाम्‍दिपा मु़चु़, ओर्मिम खोत्‍ले ल्‍वामिम ङेडा, मा माम्‍चु़नीकु न होङङा बे, उनीमा सो़रलोले बे, थो़र, रिखाम, इम्‍सी नुङ याक्‍के दु़म्‍सीडा लाम्‍दिमु चापा दु़प्‍सा।

हिब्रू 10:32

आच्‍छाङाकाम सिजेमलामका गानीडा ओल दो़स्‍ताम मे ङादोम नेममिम मिम्‍नी, मेकोतिलो गानी हापा दु़खा ल्‍वान्‍नी लोवो थो़रलु़न्‍निमङा बान्‍नी।

कलस्‍सी 4:12

गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

कलस्‍सी 1:11

माम्चु़नीका गानी आनो मेनो मेदु़म्साका इम्सिक्‍साका बाट्‌पा दु़म्मु लागि उनीमा डोक्‍पु यु़मका गानीलाई सोनुङमा दु़म्‍बेनिमिनु़।

हिब्रू 5:7

येशू सु़म्‍दिडा बाम्‍डिलो ख्राप्‍तो येत्तो प्‍ल आल्‍साका त्‍वाप सिमुलाम सेल्‍मु चापा माम्‍चु़नी नुङ छो़म र्‍वाम्‍डी मा सो़म्‍दी बेम्‍डी। मेम्‍मा माम्‍चु़नीका उनीमा सो़म्‍दी थो़म्‍डी, हेङालोने येशू याक्‍के दु़म्‍साका माम्‍चु़नीलाई डोक्‍पु मिम्‍मिडिम बाइडा।

रेम्‍बेट्‌मिडिम ल्‍वा 13:10

चला सो़म्‍सिमुङा बासिट्‌पा मु़चु़ चला सो़सी। कातु़रु़का सेन्‍सिमु बासिट्‌पा मु़चु़ कातु़रु़का सेन्‍ला सो़सी। मेम्‍मिमका माम्‍चु़नीकु सेपा मु़चु़मिमका उनी थो़मतेर्सीडा हाम वो मेर्‍वाक्‍साका इम्‍मु बासी मा थो़रलु़इमिम दु़म्‍मुम बुमु बासी।

२ पत्रुस 1:6

इनी न छेबेसीडला त्‍वापलाई जो़होमका जु़ल्‍सी, मा त्‍वापलाई जो़होमका जु़ल्‍सीडला इम्‍सिसी, इनी इम्‍सिसीडला माम्‍चु़नीकु लाम्‍दीडा लाम्‍दीसी,

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

२ थेसलोनिकी 1:4

मेम्‍मिमका खोत्‍ले इनीमा थो़मतेर्सी नुङ छो़म दु़खा ल्‍वान्‍निलो इम्‍निम नुङ थो़रलु़न्‍निमकु दुथाम आकी नो़ डोक्‍पु बेत्तो माम्‍चु़नीकु वाङमिम मण्‍डलीनुङ सो़कु।

१ कोरिन्थी 13:13

थो़र, हाम-हुम ल्‍वापा न, नुङ रिखाम ओर्मिम सुले हेल्‍लो लोवो दु़म्‍मिम बुमी। लावो ओर्मिमगोडा खोत्‍लेडाम डोक्‍पु ने रिखाम सो़।

रोमी 15:4

ङादो र्‍याक्‍मा सिजेमडाम ल्‍वा इकीमा सीसिकाम लागि र्‍वाक्‍साका र्‍याक्‍मा बाइडा। मेराम सिजेमका गुइलाई इम्‍मु चापा दु़म्‍बेसाका माम्‍चु़नीका याचे जेम्‍डिम ल्‍वा रोथिनु़ र्‍वाक्‍पा न, नुङ सो हन्‍पा दु़म्‍बेसा।

लूका 21:19

गानी गोडला थो़र लु़निम बुनिमिमका ङा त्‍वारो़म डार्नी।

लूका 8:15

लावो जो़पा क्‍वाडला झुक्‍पा भ्रल ने मेर्मिम ङा सो़, उहेमका सिजेम थो़मिमा नड्‍डा जु़ल्‍थामी, मा मेराम होम्‍साका दोमी। मेम्‍मा इम्‍साका लन्‍थामिमा हापा मा सिन्‍बेन्‍मी।

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

कलस्‍सी 1:27

मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।

रोमी 8:25

लावो गुइ मेल्‍वासिवाम ल्‍वा डार्पा न बिइ माला गुइ मेराम ल्‍वामु लागि इम्‍सिक्‍साका नगोडा लथाडी।

तीतस 3:7

मेम्‍साका उनीमा दिदामका उनीमा न-गो होप्‍माम दु़म्‍साका हेल्‍लो वो मेसिपा त्‍वारो़म ल्‍वामु न बेपा उनीमा चो़मिम दु़म्‍सिनु़।

२ तिमोथी 3:10

आथा ने गाना आमा सीसि, आमा दोसी, गो बोमु मालुमिम ल्‍वा, आमा थो़र, आमा इम्‍सी, आमा रिखाम, मा आमा न कोलेङा बु र्‍वाक्‍पा चनामिमङा बु।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

फिलिप्‍पी 3:1

हुम-दडा, आमा वा-ल्‍वाकनी, ङाचो़ येशूडा गेर्सी द्‌वाक्‍नी। गो ङादो र्‍याक्‍तोम ल्‍वा आथावो गानीलाई र्‍यामु गो मेघ्रु़म्‍ङु, मा मेराम ल्‍वा ने गानीलाई बोपा-थार्पा सो़।

२ कोरिन्‍थी 12:8

गो ओराम हेम्‍सिनु़ र्‍वाक्‍साका ङाचो़नुङ सु खेप गो छो़म र्‍वाङडो।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

थु़र्मा 12:5

पत्रुस झ्‍यालखानडा चम्‍डिलो मण्‍डलीका उमा लागि माम्‍चु़नीनुङ छो़म सो़म्‍दी बेम्‍डिम बाम्‍डी।

थु़र्मा 6:4

मेकोतिमा गुकु ने सो़म्‍दी नुङ सिजेमकु लाले-पाङके ङा बोमुम बुमु बासी।”

थु़र्मा 2:42

मे थो़रलु़पामिम थु़र्मामिमकु सीसिडा, सामा घ्रो़म्‍सीडा, येशूकु ग्रुलाडा नुङ सो़म्‍दी बेप्‍डा कोयो दु़म्‍थाल्‍मिडी।

लूका 10:20

मेमङा लावो मुनाङपेलमिमका गानी र्‍वानिमिम थो़मी र्‍वाक्‍साका गानी मेगेर्सिट्‌नी। लावो इनीमा नङ पाह्रीला र्‍यास्ताम बु र्‍वाक्‍साका गेर्सिट्‌नी।”

मत्ती 5:12

इनी न-भ्रसिबेट्‌निमा छो़म गेर्सिद्‌वानी, हेङालोने पाह्रीला गानी डोक्‍पु पुरस्‍कार ल्‍वानी। माकेम माम्‍चु़नीलाम-जेपामिमलाई वो मेर्मिमका आरेसाकाङा उनी थो़मतेर्साम्‍डिम बाइडा।