11 इनी सो हन्बेसाका खारी बेनी, भ्रेपा मेदु़म्नी। इनीमा न-गोलामङा सो हन्बेसाका ङाचो़कु खारी बेनिम बानी।
गुका ङाचो़काम लाम्दीकु दुथाम जो़होमका थेड्डु़म बाइडा, मा गुका थेड्डु़म येशूकु दुथाममिम ल्वा वाङमिमलाई वो उ सो हन्तो जो़होमका सीथाल्लु़मी। लावो यूहन्नाका सीड्डु़मिम कु-रु़दु़मकु दुथाम कोङङा गुका चडु़म बाइडा।
खोत्लेडाम डोक्पु ल्वा, छो़म रिखाम बेबेनी। हेङालोने हापा सेर्पा छु़लमिमलाई रिखामका ङ्याकु़।
मेम्मिमका मेरुसिक्पा किब्दी गुइ डार्स्तिमका आला-तोमानुङमा दु़प्सी मा माम्चु़नीकु ङिम जु़ल्तो नुङ गुमीलाई डोक्पु मिम्तो गुमीलाई गेर्सिबेट्पा सो़रलोले बिइ,
खुपाका आथाडा आनो खुमु डिट्नु़ मा त्वाकाङा ब्राम्दु़ल्वा बु़नु़। मेम्मा खेरेला दु़म्पामिमलाई ग्वामु चाप्सु़नु़।
आच्छाङाकाम ल्वा होङङा बेसाका गानी इनी त्वापलाई छेको-छेको दु़म्बेट्निम बु। मेम्मिमका थो़र लु़पा इनीमा वा-ल्वाकलाई आच्छाङाका रिखाम बेनी, मा इनी त्वाप-त्वापडा न-गोलामकाङा छो़म रिखाम बेबेनी।
यहूदीमिमका आमा दुथाम मेजो़पा मुलु़ बेम्डिम थारीका वो गो याक्के दु़म्साका ख्राप्तो माम्चु़नीकु खारी ङा बेउतोम बाङडो।
मेजो़पा खारी बेपा मु़चु़ हापाङा छात्तो लमी, मा रिखाम बेबोमु डिन्बेत्तो लमी।
मेम कोङङा मेबोमी, मेर्मिम भ्रेपा दु़म्मिमा मु़चु़कु नेम-नेम लमी। मेम्मा मु़चु़कु ल्वा बेपा, वाङमिमकु खारीडा ल्वा फिक्पा, जेसी मेनु़पा ल्वा जेसाका नेमतापा दु़म्मी।
लावो इमा दुथाम गो मेद्वाक्पुमिम ओराम ल्वा बु: गाना ङादोम होम्साका गोलाई रिखाम बोमु डिट्नाम बु।
नेमहपनी, गानी इनीमा डु़ल्चो़मिमलाई जो़होम-नु़होम बेनी। मेम्मा मिम्नी, इनीमा वो नेमहप पाह्रीला बुमी।
हेङालोने माम्चु़नीका ङाचो़ येशूडा येट्मिडिलो उहेम मु़चु़ डु़ल्चो़ बाइडा, मेराम मु़चु़ ङाचो़काम लागि उ दाप होर्सिक्पा दु़स्ताम बु। मेम्साकाङा माम्चु़नीका येट्मिडिलो उहेम मु़चु़ डु़ल्चो़ मेबायावा मेराम ओम्लो ख्रीष्टकु डु़ल्चो़ दु़स्ताम बु।
“मे नेमहपका र्वाक्ता, ‘गाना रु़चो़ नुङ भ्रेपा डु़ल्चो़, मेख्लिउवाम मा-के गो रु़पु, मा मेफोट्पुवाम मा-के गो खोपु र्वाक्साका गाना चनाम बाइडा,
मेम्मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्वाका बेन्निम छु़लकु दुथाम सो़बेनिमा सो़म्दी बेनी, मेम्मा गानी सनी। माम्चु़नीकु न होम्साका दोपा मु़चु़कु सो़म्दीका छो़म डोक्पु खारी बु़।