10 त्वाकु वा-ल्वाक होम्साका रिखाम बेबेनी, त्वापडाम वो वाङमिमलाई हापा डोक्पु मिम्नी।
त्वाप कोङङा जो़पा दु़म्मु माल्पा मा डोक्पु लिसिक्पा नका हाम वो मेबेनी। लावो इनी त्वाप-त्वाप गोडा याक्के दु़म्नी मा वाङमिमलाई इनी त्वापडाम जो़पा लु़नी।
गानी इनी त्वाप-त्वापगोडा वा-ल्वाक होप्माम दु़म्निमका रिखाम बेबेनिम बानी।
द्वादीबुङ ङोप्सो़नी, माम्चु़नीका गुइलाई छो़म रिखाम बेसाड्डामिमका गुइ वो कोलेका कोलेलाई रिखाम बेबोमु बासी।
आच्छाङाकाम ल्वा होङङा बेसाका गानी इनी त्वापलाई छेको-छेको दु़म्बेट्निम बु। मेम्मिमका थो़र लु़पा इनीमा वा-ल्वाकलाई आच्छाङाका रिखाम बेनी, मा इनी त्वाप-त्वापडा न-गोलामकाङा छो़म रिखाम बेबेनी।
खोत्ले मु़चु़मिमलाई डोक्पु मिम्नी। थो़रलु़पा वा-ल्वाकमिमलाई रिखाम बेनी। माम्चु़नीकु ङिम जु़ल्नी, हपलाई डोक्पु मिम्नी।
लावो थो़रलु़पामिमलाई रिखाम बोमुकु दुथाम गानीलाई गुकु र्यामुम बुमु मेबासी। हेङालोने रिखाम बेबेनी र्वाक्साका माम्चु़नीलाम इनी त्वाकाङा सीन्सिट्निम बु।
वा-ल्वाकनी, माम्चु़नीका गानीलाई डु़ल्चो़लाम वाङ दु़म्मु लागि येट्निमिम सो़। ओराम वाङदु़म्सी ने इनीमा मिरो़मडाम मेजो़पा न-गो होम्साका मेदोनु़, लावो रिखामका इनी त्वाप-त्वापडा ख्लो़या-बाया बेबेनी।
लावो माम्चु़नी-पेलका ने गुइलाई आरेप्माम दु़म्बेसामी– रिखाम बेपा, न-थो़म भ्रसिक्पा, न-गो भ्रसिक्पा, इम्सिमु चापा, न-थो़मनुङमा, खोत्लेकाम लागि जो़पा मिम्पा, थो़र लु़इमिम,
कोङनिम मु़चु़का “माम्चु़नीलाई गो रिखाम बेउ” र्वा लावो थो़र लु़पा वा-ल्वाकलाई मेद्वाकु़मी माला मेराम मु़चु़ लिमाचो़। हेङालोने मिक्सीका ल्वासिमिम मु़चु़मिमलाई रिखाम मेबी माला मिक्सीका मेल्वासिमिम माम्चु़नीलाई हेसाका रिखाम बि मा?
माम्चु़नीकु लाम्दीडा लाम्दीसीडला वा-ल्वाकडा न-थो़म बेबेसी, वा-ल्वाकडा न-थो़म बेबेसीडला रिखाम काप्तो लक्नी।
मेम्साकाङा स्वालानी, गानी ङावामिमकु साखामगोयु़ बानी। गानी खोत्ले त्वाप-त्वापडा ख्लो़या-बाया बेबोमु छो़म याक्के दु़म्नी। “डोक्पु लिसिक्पा मु़चु़कु कोर्थो़लाम माम्चु़नी बमी, लावो याक्के दु़म्पामिमडला न-थो़म रेम्बोमी।”
गो गानीलाई र्वाङुमिम ल्वा ओरामङा सो़: रिखाम बेबेनी।
सोमु बासिक्पा खोलेम थोक सोक्थाट्नी– कर सोमु बासिक्पालाई कर, कुथेर सोमु बासिक्पालाई कुथेर सोक्नी। मेम्साकाङा डोक्पु बोमु बासिक्पामिमलाई डोक्पु बेनी मा मेर्मिमका र्वामिमिम ल्वा थो़नी।
थो़रलु़पामिम खोत्ले कोले न-गोकाम दु़म्मिडिम बाइडा, मा मेर्मिमगोडा सु़का वो उनी त्वाकु खाप्चीमिम ओराम आमा मेर्वाम्थाल्मिवा, लावो मेर्मिमनुङ हा-हाम बाट्पा खोत्लेङा खोत्लेका दो़साका मोम्थाल्मिडी।
लावो गानी मेम्साका येनिमिलो याक्के मु़चु़ गन्खोपडा गन्नी, मा गानीलाई येट्पा मु़चु़ रोमा र्वा, ‘ङोप्सो़, ङादोनो डोक्पु मु़चु़ गन्खोपडा गन्नीका।’ मेकोतिलो खोत्ले बोच्चो़मिमकु ङादोडा इनीमा नो़-कल जु़ल्सी।
गानीगोडा ने मेप्माम मेदु़म। गानीगोडा उहेमका डोक्पु दु़म्मु न बु़, मेरामका डु़ल्चो़का होङङा इनीमा चापे-डुपे बोमु बासी।
वा-ल्वाकनी, इनीमा लागि गुकु हेल्लो लोवो माम्चु़नीलाई आलासो़ ग्वामुङा बासी। ओराम जो़पा दु़म, हेङालोने ख्रीष्टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।
हेङालोने ख्रीष्ट येशूडलाम इनीमा थो़र नुङ माम्चु़नीकु खोत्ले मु़चु़मिमडलाम इनीमा रिखामकु दुथाम गुकु थो़त्तोकोम बु।
गुइ ख्रीष्ट येशूडा थो़रलु़पामिमकाम लागि ने कोक्ते खिरिरि क्रिप्डी लोवो मेक्रिप्डी लोवो मेराम हाम वो मेएँ। लावो कोलेङा डोक्पु ल्वा बु, मेराम ने रिखामनुङमा दु़म्साका खारी बेपा थो़र सो़।
मेम्साका मेर्मिम खोत्ले कोङसो़ दु़म्मिनु़, पाआ, हेसाका गानी गोगोडा बुनी, मा गो गानीडा बुङु। मेर्मिम इकीमाडा दु़म्मिनु़, मेम्साका गानी गोलाई थु़र्ङिडिनिम र्वाक्पा सु़म्दिसेरका थो़र बु़नु़।