Biblia Todo Logo
Bib sou entènèt

- Piblisite -




रोमी 12:1 - थुलुङ राई

1 आमा द्‍वादीबुङ वा-ल्‍वाकनी, माम्‍चु़नीका गानीलाई रिखाम बोनिमी। मेम्‍मिमका गानी इनी सिपा मिरो़मलाई सेपा नुङ माम्‍चु़नीडा ग्‍वामु घ्रेट्‍पा बेसाका इनीमा त्‍वारो़म गुमीडा ग्‍वाक्‍नी र्‍वाक्‍साका गो छो़म र्‍वाङु। इनीमा न-गोका बोमु बासिक्‍पा आच्‍छाङाकाम सो़रलोले वो ओराम ङा सो़।

Gade chapit la Kopi




रोमी 12:1
49 Referans Kwoze  

गानीलाई वो माम्‍चु़नीका नु़पा लुङ होप्‍माम दु़म्‍बेसाका सो़रलोले दु़म्‍पा नेम बनेबोनिमी। गानी येशू ख्रीष्‍टलाम माम्‍चु़नीलाई गेर्सीबेट्‌पा उनीमा सेपा डु़म्‍लाचो़ बुनी।


त्‍वाकु मिरो़मडाम अंगमिमलाई मेजो़पा खारी बेबेसाका छु़लकु ल्‍वाड्‍डा मेग्‍वाक्‍नी। लावो सिमुलाम बक्‍साका त्‍वारो़म ल्‍वापा मु़चु़मिम होङङा इनीमा खोत्‍ले त्‍वारो़म माम्‍चु़नीडा जु़ल्‍नी मा त्‍वाकु अंगमिमलाई जो़पा खारी बोमु लागि गुमीलाई ग्‍वाक्‍नी।


इनीमा सु़म्‍दिसेरडाम बासी दोसीडा दोनिमिमका गो गानी थेसिथेट्‍पा बेसाका नेमहप नुङ डु़ल्‍चो़कु दुथाममिम ल्‍वा रेम्‍बेसाका जेत्तोङा बेउ। कोखेप मेजो़पा नका छो़म डोक्‍पु छु़ल नुङ मेजो़पा खारी बोमु गानी इनीमा त्‍वारो़म डु़ल्‍चो़ होम्‍साकाङा ग्‍वाक्‍निम बाइडा। आथा ने सेपा दु़म्‍मु लागि इनीमा त्‍वारो़म माम्‍चु़नीकु जो़पा खारी बेपा डु़ल्‍चो़ होङङा दु़म्‍बेट्‍नी।


सु़म्‍दिसेरडाम मु़चु़मिम होप्‍माम दु़म्‍मु मेमाल्‍नी, लावो इनी त्‍वाकु नगोलाम ख्‍लोसिट्‌निमा जो़पा दु़म्‍तो लक्‍नी। मेप्‍माम दु़म्‍मु चाप्‍नी माला, माम्‍चु़नीकु जो़पा नुङ गेर्सी द्‍वाक्‍पा ल्‍वा, मा माम्‍चु़नीकु न हेप्‍माम बु, मेराम होप्‍माम दु़म्‍मु बासिक्‍पा ल्‍वा हाम बु र्‍वाक्‍साका गानी इनी न-गोडा छाम्‍मु चापा दु़म्‍नी।


मेम्मिमका ङाचो़ येशू ख्रीष्‍टकु खारी बेउतोमका झ्‍यालखानडा चसिक्‍पा गो पावलका गानीलाई छो़म र्‍वाङु, माम्‍चु़नीका गानीलाई उनीमा हेप्‍माम मु़चु़ दु़म्‍मुकाम लागि येट्‌निम बु मेराम होम्‍साका दोनी बानी।


गानी उहेमकु ल्‍वा थो़निमा मेराम होम्‍साका बोनी माला मेरामकु डु़ल्‍चो़ दु़म्‍नी। छु़लकु डु़ल्‍चो़ दु़म्‍निमा मेरामकु ल्‍वा थो़नी माला गानी सिनी, लावो माम्‍चु़नीका र्‍वामिमिम थो़नी माला गानी उनीमा ङादोडा जो़पा न-गोकाम दु़म्‍नी।


मेम्‍मिमका हेल्‍लो वो आकीमा पाउ मेसो। आकीमा मिरो़म यु़प्‍तो ल लोवो आकीमा त्वारो़मकु पेल ने हेल्‍लो लोवो लाले दु़म्तो ल।


हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।


मेम्‍मिमका गुकु ख्रीष्‍टकाम सेलाचो़ सो़, मा माम्‍चु़नीका गुकुलामका र्‍वामिमिम-र्‍वामिमिमङा बुमी। ख्रीष्‍टलामका गुकु गानीलाई छो़म र्‍वाकु: माम्‍चु़नीनुङ इनीमा न-थो़म घ्रो़म्‍बेट्‌नी।


माम्‍चु़नी हेप्‍माम ल्‍वाका गेर्सिमी मेप्‍माम खारी बोमु माल्‍नी।


माम्चु़नीडा इनीमा थो़र नुङ बोनिमिम खारी ने गुमीलाई ग्‍वामा सासेन्मु होप्माम बु। आमा त्वाकु सिसि मेराम सासेन्मुडला अम्‍सिमुङा बासी लोवो गेर्सिक्‍पा बुङु, मा गानी खोत्‍लेनुङ भ्रसिद्‌वाङु।


वा-ल्‍वाकनी, इकी ङाचो़ येशू ख्रीष्‍टकु नङडा गो गानीलाई छो़म र्‍वाङु, गानी खोत्‍ले इनी त्‍वाप-त्‍वापडा दु़साका बानी, मा गो-फ मेदु़म्‍नी। मेम्‍मा इनी नडा नुङ इनी मिम्‍सीडा कोलेङा नकाम दु़म्‍नी।


डे माम्‍चु़नीका गानीडला न-थो़म रेम्‍बेसाका इनीमा छु़ललाम ख्‍लोनिमी र्‍वाक्‍पा मेचनिमा, हाम उनीमा न-थो़म, इम्‍सीलाई हाम ना हामकाम मिम्‍नी?


गानी मेजो़पा खारी बेसाका डेम्‍ला सो़न्‍सिनिमा इम्‍नी माला गानी हाम ल्‍वानिमा? लावो गानी जो़पा खारी बेसाका वो दु़खा ल्‍वानिमा इम्‍नी माला माम्‍चु़नी गानीडाम गेर्सिप्‍मी।


गोलाई चाइदु़म्‍पाडाम वो हापा ल्‍वाउतोम बु, गो लिट्‌पा बुङु। गानी इपाफ्रोडिटसकाडा थु़र्निम ख्‍लो़सीमिम डार्तो। मेर्मिम ने माम्‍चु़नीका रमिमिम मा मेराम ने गुमीलाई गेर्सिबेट्‌पा भ्रपा नेम्‍पा ग्‍वा-ग्‍वा होप्‍माम बु।


माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।


द्‍वादीबुङ वा-ल्‍वाकनी, ङाचो़ येशू ख्रीष्‍ट नुङ माम्‍चु़नी-पेललाममिम रिखामका आमा दु़खा थारीका गोलाई ख्‍लो़ङिमिनु़ र्‍वाक्‍साका आमा लागि माम्‍चु़नीनुङ हेल्‍लो लोवो छो़म सो़म्‍दी बेङ्‍साङनी र्‍वाक्‍साका गानीनुङ र्‍वाङु।


वाङसामाकाम लागि माम्‍चु़नीकु डु़म्‍लाचो़का बोमु बासिक्‍पा होम्‍साका खारी बोमु लागि गुमीका गोलाई ओराम दिदाम ग्‍वाङडिमिम सो़। मेम्मिमका माम्‍चु़नी-पेललाम सेपा दु़म्‍साका माम्‍चु़नीडा सासेन्‍सिमु घ्रेट्‍पा दु़म्‍मिनु़।


गो छो़म बोमु मालुमिम नुङ आमा न ओरामङा सो़, हामता वो आमा क्रो़म लु़मु बासिक्‍पा मेदु़म्‍ङु, लावो आमा रुखु छो़म फिन्‍सिक्‍पा दु़म, मेम्‍साका सिङुनु़का बुङुनु़ मेलामका आमा मिरो़मडा हेल्‍लो लोवो दु़म्‍मिम होम्साका ओम्‍लो वो ख्रीष्‍ट डोक्‍पु दु़म्‍मी।


ओराम गुइ सेल्‍पा माम्‍चु़नीकु मिक्‍सीलामडा जो़पा बु, मा ओरामलामका गुमी गेर्सी द्‌वामी।


वा-ल्‍वाकनी, इनीमा थेतेडा छो़म ब्राम्‍दु़ल्‍वा बेपा, सीपा मा ङाचो़ येशूडा क्रिपा मु़चु़लाई डोक्‍पु बेनी र्‍वाक्‍साका गानीलाई गुकु छो़म र्‍वाकु।


मेम्‍मिमका गो गानालाई र्‍वाङु, ओराम मेसेमकाम हापा छु़लमिम हेम्‍सिड्‌डाम बु, मा ओराम मेसेमका गोलाई हापा रिखाम बोङी। लावो उहेमकु छु़ल कि-कि कोङङा हेम्‍सी, मेरामका कि-कि कोङङा रिखाम बु़।”


वा-ल्‍वाकनी, सोहन्‍बेट्‌पा आमा सिजेमडा छो़म न सोक्‍नी र्‍वाङु, हेङालोने गानीलाई र्‍याक्‍तोम ल्‍वा हापा दु़पा मिबु।


कोङ अर्दोमेकाम चो़मिम, चु़सु़मिम बुमी माला मेर्मिमका ङादो उनी त्‍वाकु नेमगोडाम मु़चु़मिमलाई माम्‍चु़नीकु सो़रलोले बेसी होम्‍साका जो़होमका रेप्‍साका उनी जेर सोम्‍सामिनु़। मेर्मिमका आरे बोमिमिम माम्‍चु़नीका द्‌वामी।


खोत्‍ले माकेडोनियाडाम थो़रलु़पामिम खोत्‍लेलाई गानी आच्‍छाङा रिखाम बोनी। वा-ल्‍वाकनी, मेमकाङा आथावो हापा रिखाम बेत्तो लनी र्‍वाकु।


मेम्‍मा गुइडला छो़म डोक्‍पु यु़म नुङ गुमीनुङ बाट्‍पा यु़म-झ्‍वाक्‍सी रेम्‍बोमु न बेम्‍डी। गुइ उनीमा न-थो़म रेम्‍बेपा सोजाम दु़स्‍ती।


माम्‍चु़नीकु उनी दिदामलाम ओराम खारी गुकुलाई ग्‍वाक्‍तिकिमिमका आकी पाउ मेसो।


गो पावल, ख्रीष्‍टकु याक्‍के दु़म्‍सीलाम नुङ मेक्रोक्‍पा दु़म्‍सीलाम गो गानीलाई छो़म र्‍वाङु। गानीनुङ बुङुलो याक्‍के दु़म्‍ङु ए, लावो गानीडाम होनोवा बुङुलो मेङिपा दु़म्‍ङु ए र्‍वाक्‍पा ल्‍वा गानीगोडा बोमी ए।


गुची रिखाम बेबोचिमिमका गो याक्‍के दु़म्‍साका गानालाई छो़म र्‍वाङु, गो ङावा पावल ख्रीष्‍ट येशूकाम लागि ओम्‍लो चतासिक्‍पा,


ओराम चसिखोपगोडा गो ओनेसिमसलाई येशू ख्रीष्‍टडा थो़र लु़बेत्तोमका गु आमा तारापाचो़ होप्‍पाम दु़स्‍ताम बु। मेम्‍मिमका गुडला न-थो़म रेम्‍बे र्‍वाक्‍साका छो़म र्‍वाङु।


Swiv nou:

Piblisite


Piblisite