रोमी 11:7 - थुलुङ राई

⁷ मेम माला मेर्मिमलाई हाम दु़स्‍ता मा? खोत्‍ले इस्राएलीमिमका उनी त्‍वाकु नका माल्‍मिडिम ल्‍वा मेडार्मिवा। लावो माम्‍चु़नीका थुट्‌मिडिम इस्राएलीमिमका कोङङा मेराम ल्‍वा डार्मिडी। वाङमिम खोत्‍ले इस्राएलीमिम लुङ होप्‍माम न-गोनुङमा दु़म्‍मिडी।

रोमी 11:7 Referans Kwoze

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

रोमी 9:18

मेम्‍मिमका माम्‍चु़नीका सु़डला न-थो़म रेम्‍बोमु न बोमी मेरामडला ङा न-थो़म रेम्‍बोमी मा गुमीका उहेम मु़चु़कु न-गो लुङ होप्‍माम दु़म्‍बेन्‍मु न बोमी मेरामलाई मेम ङा बोमी।

रोमी 11:25

वा-ल्‍वाकनी, थक्‍साका जु़ल्‍मा कोले ल्‍वा गानी चन्‍जो़ल्‍नी र्‍वाक्‍पा आमा न बु। मेराम ल्‍वा गानी चक्‍नी माला गानी इनी त्‍वाकाम लागि डोक्‍पु मेलिन्‍सिनी। मेराम थक्‍मा ल्‍वा आरेप्‍माम बु, रोमु बासिक्‍पा कोति वाङसामामिम ख्रीष्‍टडा मेरोक्‍थु़मसम्‍म इस्राएलीमिमकु न-गो लुङ होप्‍माम दु़म।

रोमी 11:5

आरेसाका दिदामलामका थुसिम्‍डिम कोङनिम इस्राएली ओम्‍लो वो बुमी।

एफिसी 1:4

माम्‍चु़नीकु मिक्‍सीलामडा गुइ छु़ल मान्‍थिम नुङ हाम वो मेख्‍लो़ट्‌पा दु़म्‍सिनु़ र्‍वाक्‍साका सु़म्‍दिसेर प्रङमु ङादोङा गुमीका गुइलाई ख्रीष्‍टडा छेसाड्‌डामी। गुमीका गुइलाई रिखाम बेसाड्‍डामिमका,

२ कोरिन्‍थी 3:14

मेराम थारीका इस्राएलडाम मु़चु़मिमकाम थेसीथेट्‍पा न हुप्‍मा बाइडा। आथाल-दिका वो माम्‍चु़नीकु ङादोम सो़रख्रेप्‍सी डान्‍मिलो मेर्मिमका थेसिमेथेन्‍मी। मेर्मिमका ख्रीष्‍टडा थो़र लु़साका कोङङा उनीमा नडा हुप्‍मा ल्‍वा पार्सी मा थेसिथेन्‍मु चाम्‍मी।

रोमी 9:23

मेम्‍मा गुइडला छो़म डोक्‍पु यु़म नुङ गुमीनुङ बाट्‍पा यु़म-झ्‍वाक्‍सी रेम्‍बोमु न बेम्‍डी। गुइ उनीमा न-थो़म रेम्‍बेपा सोजाम दु़स्‍ती।

फिलिप्‍पी 1:18

लावो ओराम ने हाम मा? खोत्‍लेडाम डोक्‍पु ल्‍वा ने ओरामङा सो़, मेजो़पा नका दु़म्‍नु़का आच्‍छाङाकाम नका, हेसाका लोवो मेर्मिमका ख्रीष्‍टकु दुथाम थो़बेन्‍मिमिम बुमी। ओरामकाङा गो भ्रसिद्‍वाङु।

१ कोरिन्थी 10:19

गो हाम र्‍वाक्‍तोङा बेउमिम? ङाटालाई ग्‍वाक्‍मा पोमुथोकमिमङा हाम डोक्‍पु ल्‍वा मा? लोवो ङाटा ङा हाम डोक्‍पु ल्‍वा?

रोमी 10:3

हेङालोने माम्‍चु़नीलाम रोक्‍पा जो़पा नकु दुथाम मेथेसाका मेर्मिमका त्‍वाकु न-गो होम्‍साका जो़पा दु़म्‍मु माल्‍मी। मेम्‍साका मेर्मिम माम्‍चु़नीकु जो़पा न-गोडाम साखामगोडा मेदु़म्‍मिवा।

रोमी 6:15

हाम गुइ डु़म्‍लाकु साखाम गोडा मेबुइ, लावो दिदामकु साखामगोडा बुइ र्‍वाक्‍साका गुइ छु़ल बोमु? आरेप्‍माम ने हेल्‍लो वो मेएँ।

रोमी 3:9

मेम माला गुइ यहूदीमिम वाङमिमडाम जो़पा बुइ मा? मेम ने मेएँ, हेङालोने यहूदी नुङ वाङसामा खोत्‍लेङा छु़लका हुप्‍डु़मिम बु र्‍वाक्‍साका ङादोङा गो रेम्‍बोमु दु़म्‍तोम बु।

यूहन्‍ना 12:40

“गुमीका मेर्मिमकु मिक्‍सी ड्‌याम्‍साम्‍डिम बु, मा मेर्मिमकु न-गो लुङ होप्‍माम बनेबेम्‍साम्‍डिम बु। मेएँ माला ने मेर्मिमका उनी मिक्‍सीका ल्‍वामी मा न-गोका थेसिथेन्‍मी, मा आमाडा ख्‍लोसिमिमा समी।”

लूका 13:24

“माम्‍चु़नीकु किब्‍दीगोडा हुपा कतिभापा लाम्‍चोकोलाम मेचाप्‍तो हुनी, हेङालोने हापा मु़चु़मिमका मेगोनो हुमु माल्‍मी, लावो हुमु मेचाम्‍मी।

१ पत्रुस 1:2

ङादो आथाममिम उनी मुलु़ होम्‍साका माम्‍चु़नी पापका गानीलाई उनी त्‍वाकु मु़चु़ दु़म्‍मु छेट्‌निमी। येशू ख्रीष्‍टकु सिसिका कोसाका सेपा दु़म्‍साका गुमीका र्‍वामिमिम गानी थो़नी र्‍वाक्‍साका गुमीका गानीलाई उनी पेलका उनीमा बनेबेन्‍नी। माम्‍चु़नीका गानीलाई दिदाम नुङ न-भ्रसी छो़म हापा ग्‍वानिमिनु़।

हिब्रू 12:17

गानी चनी, मेराम जि-वा ल्‍वामु गुका न बु़डु़ लोवो मेल्‍वासु़वा। गुका उ प्‍ल आल्‍तो मेराम माल्‍लु़ लोवो गुका बु़ल्‍याड्‌डु़म ल्‍वा ख्‍लोमु थारी मेल्‍वासु़वा।

मर्कूस 6:52

हेङालोने मेर्मिमका सो़बेमकु दुथाम हाम वो थेसिथेट्‌मिडिम मेबायावा। लावो मेर्मिमकु नगो लुङ होप्‍माम दु़स्‍ताम बाइडा।

एफिसी 4:18

मेर्मिमकु न-गो तुकुम्‍चिमका हुप्‍डु़म बु मा माम्‍चु़नीका ग्‍वाम्‍डिम त्‍वारो़मलामका मेर्मिम होनोवा बुमी, हेङालोने मेर्मिमका उनीमा न-गो लुङ होप्‍माम बनेबोमिमा माम्‍चु़नीका ग्‍वाम्‍डिम ल्‍वा थेसिमेथेन्‍मी।