रोमी 11:36 - थुलुङ राई

³⁶ हेङालोने खोत्‍लेम थोक गुमीकाङा प्रङ्‌मिडिम, गुमीलामङा बाट्‍पाम बाट्‍पा मा उनीमा लागि ङा सो़। हेल्‍लो लोवो उनीमा यु़म झ्‍वानु़। आमेन।

रोमी 11:36 Referans Kwoze

१ कोरिन्थी 8:6

लोवो इकीमा लागि ने कोलेङा माम्‍चु़नी पाप बुमी। गुमीका खोत्‍ले प्रङ्‌मिडी, उनीमा लागि गुइ बुइमिम। इकीमा लागि कोलेङा ङाचो़, येशू ख्रीष्‍ट सो़, गुमीलामकाङा माम्‍चु़नीका खोत्‍ले प्रङ्‌मिडी, मा गुमीलामकाङा गुइ बुइमिम।

हिब्रू 2:10

माम्‍चु़नीका खोत्‍लेम थोक बनेबेम्‍डी मा खोत्‍लेम थोक उनीमा यु़म झ्‍वाक्‍सीकाम लागि ङा बनेबेम्‍डी। गुमीका उनीमा यु़म झ्‍वाक्‍सी दो़मुकाम लागि हापा तारापाचो़ रेन्‍मु न बेम्‍डी। मेम्‍मिमका माम्‍चु़नीका उनीमा मुलु़ होम्‍साका खोत्‍लेलाई सेल्‍पा ङाचो़ ख्रीष्‍टलाई रेट्‌मिडी, उहेमका दु़खामिम इम्‍साका मु़चु़मिमलाई सेल्‍सिथो़ क्रियु़डिमी।

१ तिमोथी 1:17

हेल्‍लो लोवो साखाम थो़पाम बाट्‌पा हप, हाम्‍सी वो मेसिपा, मा मिक्‍सीका ल्‍वामु मेझापा कोले कोङङा माम्‍चु़नीकाम हेल्‍लो लोवो उनीमा नङ कोसिनु़, मा उनीमा यु़म-झ्वानु़! आमेन।

रोमी 16:27

खोत्‍लेम थोक थेट्‍पा चक्‍पा माम्‍चु़नीकाम येशू ख्रीष्‍टलाम हेल्‍लो लोवो यु़म-झ्‍वानु़म बुनु़। आमेन।

यहूदा 1:25

गुमी कोलेङा गुइलाई सेल्‍पा इकी माम्‍चु़नीकु यु़म-झ्‍वाक्‍सी, डोक्‍पु दु़प्‍सी, यु़म नुङ साखाम इकीमा ङाचो़ येशू ख्रीष्‍टलामका खोत्‍ले पुस्‍ता ङादो नुङ हेल्‍लो लोवो दु़म्‍नु़म बुनु़! आमेन।

थु़र्मा 17:28

हेङालोने, ‘गुइ गुमीडा बुइ, गुमीडा दोसी, मा गुमीडा दु़प्‍सी।’ गानीगोडाम इनी कुरुवाचो़मिमका वो आरे र्‍वाम्‍डिम बु, ‘गुइ उनीमाङा चो़-चु़सु़मिम सो़।’

रेम्‍बेट्‌मिडिम ल्‍वा 21:6

गुमीका गोनुङ र्‍वाम्‍डी, “खोत्‍ले बोम्‍सोमु दु़स्‍ता। अल्‍फा नुङ ओमेगा, खोत्‍ले चो़म्‍सी बेट्‌पा नुङ हुक्‍सोक्‍पा गोङा। सु़ कोरा सि गो मेराम मु़चु़लाई त्‍वारो़म ग्‍वाक्‍पा कु पुन्‍खोपलामका पुट्‌पा कु मेडेङा थो़पु।

२ पत्रुस 3:18

लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।

२ तिमोथी 4:18

ङाचो़का गोलाई खोत्‍ले मेजो़पा ल्‍वालामका गेङिमी, मा गुमीका उनीमा पाह्रीलाम किब्‍दीकाम लागि गोलाई बोङिमी-थार्ङिमी। हेल्‍लो लोवो उनीमा यु़म झ्‍वानु़म बुनु़! आमेन।

१ कोरिन्थी 11:12

हेङालोने मेसेम वोस्‍चो़लामका दु़स्‍ता, मेम्‍साकाङा वोस्‍चो़ वो मेसेमलामका ग। लावो खोत्‍ले माम्‍चु़नीलामका दु़म।

१ पत्रुस 5:11

खोत्‍ले यु़म हेल्‍लो लोवो उनीमाङा दु़म्‍नु़म बुनु़। आमेन।

फिलिप्‍पी 4:20

इकीमा माम्‍चु़नी नुङ पापकाम नङ हेल्‍लो लोवो डोक्‍पु दु़म्‍नु़म बुनु़। आमेन।

एफिसी 3:21

येशू ख्रीष्‍टलाम मण्‍डलीडा खोत्‍लेका हेल्‍लो लोवो कोमिनु़। आमेन।

गलाती 1:5

हेल्‍लो लोवो माम्‍चु़नीकु यु़म झ्‍वानु़म बुनु़। आमेन।

रेम्‍बेट्‌मिडिम ल्‍वा 19:1

आकोतिमा पाह्रीला हापा सेर्पामिमका येपा होप्‍माम लो़लाम थो़उतो, मेर्मिमका आरे र्‍वाम्‍डी: “हल्‍लेलूयाह! गुइलाई सेल्‍पा माम्‍चु़नी, गुमी खोत्‍लेकु डला बुमी, मा गुमी यु़मनुङमा बुमी,

रेम्‍बेट्‌मिडिम ल्‍वा 7:10

मेर्मिमका डोक्‍पु लो़लामका आरे र्‍वाम्‍डिमा येम्‍डी: “हप गन्‍खोपडा गन्‍पा माम्‍चु़नी नुङ भेन्‍दाचो़का सेल्‍सामी।”

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

लूका 19:38

“मिप्रङमाकु नङडा योक्‍पा हप आलाकाम सो़। माम्‍चु़नी नुङ मु़चु़कु न-गो भ्रसिनु़ मा पाह्रीला माम्‍चु़नीकु यु़म-झ्‍वानु़।”

१ तिमोथी 6:16

माम्‍चु़नी कोङङा हाम्‍सी वो मेसिमी, सु़ वो फार्डा लमु मेझापा ओलडा बाट्‌पा गुमी, सु़का वो मेल्‍वामिवाम गुमी, ल्‍वामु मेचाम्‍मिमिम। खोत्‍लेका उनीमा नङ कोमिनु़, हेल्‍लो लोवो उनीमा यु़म दु़महोम बु। आमेन।

लूका 2:14

“खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”

मत्ती 6:13

मेजो़पा ल्‍वालाम न-छाम्‍सिमु मेग्‍वाक्‍किनी, लावो मेजो़पा मुनाङलामका सेल्‍किनी। [हेङालोने किब्‍दी, यु़म नुङ यु़म-झ्‍वाक्‍सी, हेल्‍लो लोवो इनीमाङा सो़। आमेन]’

रेम्‍बेट्‌मिडिम ल्‍वा 7:12

“आमेन! इकीमा माम्‍चु़नीकाम हेल्‍लो लोवो नङ कोसिनु़, यु़म झ्‍वानु़, नेप्‍चीनुङमा दु़म्‍नु़, आलासो़ दु़म्‍नु़, गुमीङा डोक्‍पु दु़म्‍मिनु़म बुमिनु़, उनीमा यु़म दु़म्‍नु़म बु़नु़ मा सो दु़म्‍नु़म बु़नु़। आमेन!”