रोमी 11:20 - थुलुङ राई

²⁰ मेराम ने आच्‍छाङा सो़, यहूदीमिमका माम्‍चु़नीडा थो़र मेबेमिवामकाङा ग्रेम फल्‍साका घ्रोक्‍मा होङङा मेर्मिम घ्रोला सो़सिम्‍डी। गानी थो़र बेन्‍निमका ङा मेसिन्‍डा बुनी। ओराम ल्‍वाकु दुथाम गानी इनी नो़ डोक्‍पु मेबेनी, लावो माम्‍चु़नीकु ङिम जु़ल्‍नी।

रोमी 11:20 Referans Kwoze

रोमी 12:16

त्‍वाप-त्‍वापगोडा दु़साका बानी, इनी त्‍वापङा डोक्‍पु मेलिसिट्‍नी लावो खोत्‍लेनुङ याक्‍के दु़म्‍साका बानी मा त्‍वापङा हापा थेट्‍पा मेलिसिट्‍नी।

२ कोरिन्‍थी 1:24

इनीमा थो़रलु़सीडला गुकु साखाम थो़मु लागि मेएँ, लावो इनीमा न भ्रम्‍सिमु लागि गानीनुङ खारी बोमु न बोकु, हेङालोने इनीमा थो़र छो़म सोनुङमा बु।

१ कोरिन्थी 10:12

गानी जो़होमका येम्‍सिक्‍पा बुङु र्‍वाक्‍पा मिम्‍नी माला चङचङया बानी, मेएँ माला ने तामु वो चाम्‍नी।

१ पत्रुस 1:17

माम्‍चु़नीडा गानी सो़म्‍दी बोनिलो गुमीलाई पाप र्‍वानी, गुमीका निया वो बोमी। गुमीका चोमिक्‍सी मेबेसाका मेर्मिमका बेम्‍डिम खारी होम्‍साका खोत्‍ले मु़चु़मिमकु निया बोमी। मेम्‍मिमका ओराम सुबुडा वाङथो़लाम रोक्‍पा होङङा बुनिलो माम्‍चु़नीलाई डोक्‍पु मिम्‍साका उनीमा ङिम जु़ल्‍निमा बानी।

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

हिब्रू 3:12

थो़रलु़पा वा-ल्‍वाक नी, चङचङया बानी, गानीगोडाम कोङनिमनुङ बाट्‌पा मेजो़पा न-गो मा थो़र मेलु़सीका गानीलाई हेल्‍लो लोवो दु़म्‍पाम बाट्‌पा माम्‍चु़नीडाम होनोवा मेदु़म्‍बेट्‌नु़।

१ तिमोथी 6:17

ओराम सु़म्‍दिसेरडाम खाप्‍चीचो़मिमलाई डोक्‍पु मेलिम्‍सिमु बेमी, घरिकोङ ल्‍वापा खाप्‍चीडा मेएँ, लावो गुइलाई लिट्‌पा बेसाका खोत्‍ले मोमु ग्‍वाक्‍पा माम्‍चु़नीलाम ल्‍वापा न मेर्मिमका बोमिनु़।

कलस्‍सी 2:7

धु़प्‍पा फ्रु़प क्रोक्‍पा धक्‍सा होप्‍माम नुङ गुमीडला बनेबेम्‍मा नेम होप्‍माम गुमीडलाम इनीमा थो़र आनो मेनो मेदु़म्साका सीपा मु़चु़मिमका गानीलाई सीट्‌निमिम होङङा छो़म आच्‍छाङा लु़त्तो लमु बासी। मेम्‍मा आला-तोमानुङमा दु़म्‍मुम बुमु बासी।

रोमी 11:18

मेर्मिम ग्रेमकु ङादोडा डोक्‍पु मेलिसिट्‍नी। डोक्‍पु लिसिनी माला ओराम ल्‍वा मिम्‍नी सो़, फ्रु़पलाई झेट्‍पा गानी मेएँ, लावो फ्रु़पका गानीलाई झेट्‌निम बु।

२ कोरिन्‍थी 10:5

मु़चु़मिमका माम्‍चु़नीलाई छेमुडाम वाङ बेपा खोत्‍ले डोक्‍पु लिसिक्‍पा ल्‍वालाई गुकु ओराम गिजो-वाजोका पुयु़लुकु़। मेर्मिमकु नगोडा बाट्‍पा खोत्‍ले मेजो़पा ल्‍वामिम ओराम गिजो-वाजोलामका गुकु आकीमा साखामगोडा जु़ल्‍कु मा ख्रीष्‍टका र्‍वामिमिम होङङा मेर्मिमलाई बेबेन्‍कुमी।

रेम्‍बेट्‌मिडिम ल्‍वा 18:7

मेराम शहरका हाङको डोक्‍पु लिसिड्‌डा मा एलेङगी बु़डु़ मेकोतिङा दु़खा ग्‍वाक्‍नी, मेभ्रसी बेट्‌नी। मेरामका उमा नडा आरे र्‍वाक्‍साका डोक्‍पु लिसी, ‘गो हपमे होङङा गन्‍तासिङु, गो अर्दोमे मेएँ, मा गो हेल्‍लो वो मेख्राम्‍ङु-मेदुङु।’

रेम्‍बेट्‌मिडिम ल्‍वा 3:17

‘गो खाप्‍चीचो़ बुङु, गोनुङ हापा खाप्‍ची बु मा गोलाई हाम वो मेबासी’ र्‍वाक्‍साका गाना र्‍वाना। लावो गाना इमा न-गो नो़पा, नाम्नाम्चो़ लु़इमिम, हाम वो मेबाट्‌पा, मिक्‍सीका मेल्‍वापा मा खालिन्‍ते बुनामिम मेचना।

१ पत्रुस 5:12

थो़रलु़इमिम लु़ङडोम ल्‍वाक सिलासलामका ओराम कति दु़पा सेलाखाजेम गानीलाई र्‍याक्‍तोङा लेट्‌पु। इनीमा सो हन्‍बेन्‍मु नुङ ओराम माम्‍चु़नीकु आच्‍छाङाम दिदाम सो़ र्‍वाक्‍पा गानीनुङ सो़मु र्‍याक्‍तोङा बेउ। ओरामडा गानी दु़म्‍निम बानी।

१ पत्रुस 5:9

छो़म थो़रलु़पा दु़म्‍निम बानिमा शैतानकु कोर्थो़लाम बक्‍नी, हेङालोने खोत्‍ले सु़म्‍दिसेरडा बाट्‌पा थो़रलु़पा वा-ल्‍वाकमिमका वो आरेप्‍मामङा दु़खा ल्‍वामिम बुमी।

याकूब 4:6

लावो आरेप्‍माम मेजो़पा नमिमकु कोर्थो़लाम बमु गुमीका गुइलाई छो़म दिदामका सासामी, मेराम माम्‍चु़नीकु सिजेमका आरे र्‍वा: “माम्‍चु़नी डोक्‍पु लिसिक्‍पामिमकु कोर्थो़लाम बमी, लावो याक्‍के दु़म्‍पामिमलाई दिदामका सान्‍मी।”

याकूब 2:19

माम्‍चु़नी कोले कोङङा बुमी र्‍वाक्‍साका गानी थो़र लु़नी, मेराम जो़पाङा सो़। मुनाङपेलमिमका वो मेराम थो़रलु़मी, मा उनी ङिमुका रुडु़मी।

हिब्रू 4:11

मेम्‍मिमका गुइ माम्‍चु़नीकु ङेसिक्‍पा खोमगोनो हुमु माली। माकेम मु़चु़मिम होम्‍साका थो़र मेलु़साका मे ङेसिक्‍पा खोमगोनो हुमु मेचापा मेदु़म्‍सी।

हिब्रू 4:6

आथावो कोङ कोङ मु़चु़मिम बुमी मेर्मिम ने उनीमा ङेसिक्‍पा खोमगोनो हुमु ल्‍वामी। लावो माके जो़पा-सेला थो़पामिम ने र्‍वाकिमिम मेथो़पा दु़म्‍मिडिमका माम्‍चु़नीकु ङेसिक्‍पा खोमगोनो हुमु मेल्‍वामिवा।

हिब्रू 3:19

मेम्‍मिमका गुइ चडिम बु, मेर्मिमका माम्‍चु़नीडा थो़र मेलु़मिवामकाङा ङेसिक्‍पा खोमडा हुमु मेल्‍वामिवा।

२ थेसलोनिकी 2:4

माम्‍चु़नीकु कोर्थो़लाम नुङ मु़चु़मिमका सो़रलोले बोमिमिम ङाटाकु कोर्थो़लाम मेराम ब। मेम्‍साका गु उ त्‍वाप ने माम्‍चु़नीकु सो़रनेम गोडा डोक्‍पु लिसिमा गन, मा माम्‍चु़नी गोङा र्‍वा।

रोमी 3:3

लावो मेर्मिमगोडाम कोङनिमका माम्‍चु़नीकु सिजेमडा थो़र मेलु़मिवा र्‍वाक्‍साका हाम माम्‍चु़नी वो थो़र मेलु़इमिम बुमी मा?

थु़र्मा 18:6

लावो मेर्मिमका पावलकु ल्‍वा मेथो़मिवामा उ कोर्थो़लाम बम्‍डी। मेकोतिमा गुका उ येड्‌डाम फुर्कु थेप्‍तो आरे बु़डु़मी, “खोत्‍ले इनीमा मेजो़पा खारीमिम इनीमा बुइडला ङा बुसिनु़, गो देन्‍दे मेल्‍वाउनु़। आथाडा आरे गो वाङसामामिमकाडा लङु सो़।”

लूका 18:14

“गो गानीलाई र्‍वाङु, मे फरिसी मेएँ, कर फक्‍पा मु़चु़ माम्‍चु़नीकु न-गो होप्‍माम दु़स्‍तामा उ नेम ख्‍लोस्‍ता। हेङालोने उहेम मु़चु़का उ त्‍वापलाई डोक्‍पु मिम्‍सी मेरामलाई माम्‍चु़नीका याक्‍के दु़म्‍बेन्‍मी, मा उ त्‍वाप याक्‍के दु़म्‍पा मु़चु़ ने माम्‍चु़नीका डोक्‍पु दु़म्‍बेन्‍मी।”

१ कोरिन्थी 16:13

चङचङया बानी, छो़म थो़रनुङमा दु़म्‍नी, डोक्‍पु थो़म्‍बोकनुङमा दु़म्‍नी मा छो़म सोनुङमा दु़म्‍नी।

रोमी 11:21

हेङालोने माम्‍चु़नीका जो़पा जैतूनकु ग्रेम ने फल्‍मिडी माला गानीलाई वो मेडिनिमी।

रोमी 12:3

माम्‍चु़नीका ग्‍वाङ्‌डिमिम दिदामलामका गो गानीलाई र्‍वाक्‍तोङा बेउ, त्‍वापलाई डोक्‍पु मेमिम्सिट्‍नी लावो माम्‍चु़नीका गानी खोत्‍लेलाई ग्‍वाक्‍निमिम थो़र होम्‍साका इनी त्‍वाप हेप्‍माम बुनी मेराम होम्‍साका कोङङा मिम्‍सिट्‍नी।

१ कोरिन्थी 15:1

वा-ल्‍वाकनी, गो गानीलाई थो़बेट्‌निनिम जो़पा-सेला मिम्‍बेन्‍मु आमा न बु, उहेम गानी रन्‍नी मा मेरामडाङा बुनिम बुनी।