रोमी 11:14 - थुलुङ राई

¹⁴ आरेप्‍माम जो़पा-सेला दो़पा खारीडा आमा त्‍वाकु यहूदी सामागोडाममिमका नाचु़र बोमिनु़ मा मेर्मिमगोडाम कोङनिमलाई माम्‍चु़नीडा ख्‍लोमु चापुनु़।

रोमी 11:14 Referans Kwoze

१ कोरिन्थी 7:16

थो़रलु़पा नाइमेनी, हाम गानी मेचनी, गानी थो़रडा बुनिमिमका इनीमा वोचु़मिम वो थो़रडा रोमु चाम्मी डे? मेम्‍साकाङा थो़रलु़पा वोचु़नी हाम गानी मेचनी, गानी थो़रडा बुनिमिमका इनीमा नाइमेमिम वो थो़रडा रोमु चाम्मी डे?

१ तिमोथी 4:16

त्‍वाकु दुथाम नुङ त्‍वाकु सीसिकु दुथाम चङचङया बाया। ओर्मिम ल्‍वा बोनाम बुना माला गाना इ त्‍वाप नुङ इमा ल्‍वा थो़पामिम खोत्‍लेङा सेल्‍सिनी।

तीतस 3:5

मा गुइ बिइडिम जो़पा खारीका ने मेएँ, माम्‍चु़नीकु न-थो़मका सेल्‍साड्‌डामी। गुमीका इकीमा छु़लमिम हेप्‍साड्‌डामी, मेम्‍मा उनीमा पेलका लाले त्‍वारो़म ग्‍वाक्‍साका लाले मु़चु़ दु़म्‍बेसाड्‌डामी।

२ तिमोथी 2:10

माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।

१ तिमोथी 2:4

माम्‍चु़नीका खोत्‍ले मु़चु़मिम सेल्‍सिमिनु़, मा आच्‍छाङाकाम ल्‍वा थेसिथेन्‍मिनु़ र्‍वाक्‍पा न बोमी।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

रोमी 11:11

मेम्‍मिमका गो र्‍वाङु, “मेर्मिम बमु मेचापा बेसाका उनी खेल तुम्‍डिमा ताम्‍डिम मा?” मेम ने मेएँ, मेर्मिमका थो़रमेलु़मिवामका वाङसामाडाम मु़चु़मिम सेल्‍सिम्‍डी। ओराम ल्‍वामिनु़ मा इस्राएलीमिमका वो नाचु़र बोमिनु़ र्‍वाक्‍पा माम्‍चु़नीकु न बाइडा।

याकूब 5:20

ओराम चनी: उहेमका कोले छु़लचो़लाई मेजो़पा लाम्‍दीलामका ख्‍लोकु़मा रेडु़, मेरामका मे छु़लचो़लाई सिमुलामका सेलु़, मा गुका मेरामकु हापा छु़लमिम माम्‍चु़नीलाम हेम्‍बेसाडु़।

रोमी 9:3

आमा इस्राएली वा-ल्‍वाकमिमका त्‍वारो़म ल्वामिवा माला ख्रीष्‍टलाम गो वाङ दु़म्‍पा वाइतो बेला सो़सिङु लोवो गेर्सी द्‍वाक्‍ङुवा। मेर्मिमका त्‍वारो़म ल्‍वामिनु़ र्‍वाक्‍पा आमा छो़म न बु।

फिलेमोन 1:12

गु छो़म आमा थो़मका रु़ट्‌पा मु़चु़ सो़, गुलाई इमाडाङा ख्‍लोक्‍तोङा लेट्‌पु।

रोमी 10:19

मेम माला, “हाम इस्राएलीमिमका ओराम जो़पा-सेला थेसिमेथेट्‌मिवा?” थेसी ने थेट्‌मिडी, लावो मेराम होम्‍साका मेबेमिवा। माम्‍चु़नीका मोशालाम र्‍वाम्‍डिम बाइडा, “उहेम कोङ डोक्‍पु सामा मेएँ मेर्मिमलाई छेपुमी मा गानी मेर्मिमडला नाचु़र बेपा दु़म्‍बेनिनी। नेप्‍ची मान्‍थिम सामामिमलाई दिदाम रेम्‍बेसाका गो इनीमा छोक्‍चो फन्‍सानिनी।”

१ कोरिन्थी 10:33

हेसाका लोवो गो बेउमिम खारीडा खोत्‍ले मु़चु़लाई गेर्सिबेन्‍मुलाई छो़म ब्राम्‍दु़ल्‍वा बेउ, आ त्‍वाप जो़पा दु़म्‍ङुनु़ र्‍वाक्‍पा न गो मेबेउ, लावो वाङमिम खोत्ले मु़चु़मिमकाम लागि वो जो़पा दु़म्‍नु़, मा मेर्मिम खोत्ले सेल्सिमिनु़ र्‍वाक्‍पा आमा न बु।

१ तिमोथी 1:15

छु़लचो़मिम सेल्‍ला ख्रीष्‍ट येशू सु़म्‍दिसेरडा योम्‍डी र्‍वाक्‍पा ल्‍वा आच्‍छाङा र्‍वाक्‍साका रमु बासी सो़, मा छु़लचो़मिमगोडाम गो छो़म डोक्‍पु छु़लचो़।

२ तिमोथी 1:9

गुमीका गुइलाई सेल्‍साड्‌डामी, मा सेपा दु़म्‍मु गुइलाई येसाड्‌डामी। गुइ बिडिम कोङनिम खारीलाम मेएँ, गुमीका उनीमा त्‍वाकु नका नुङ दिदामका गुइलाई सेल्‍साका येसाड्‌डामी। सु़म्‍दिमोडाम वो ङादोङा गुइलाई गुमीका ख्रीष्‍ट येशूडा ओराम दिदाम ग्‍वाक्‍साड्‌डामिम बाइडा।

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

हिब्रू 2:3

मेम्‍साकाङा गुइ मेरामडाम वो आकोति छो़म डोक्‍पु सेल्‍सीकु सीसिथो़ न मेसोकिवा माला हेसाका मेराम डोक्‍पु देन्‍दे ल्‍वामुडाम वाङ दु़म्‍सी मा? ङाचो़ उनी त्‍वाकाङा ङादो ओराम सेल्‍सिसीकाम सीसिकु दुथाम र्‍वाम्‍डी। मेम्‍मा गुमीका र्‍वाम्‍डिम ल्‍वा थो़पामिमका ङा ओराम आच्‍छाङा र्‍वाक्‍साका रेम्‍बेम्‍डी।