रोमी 11:13 - थुलुङ राई

¹³ गानी वाङसामामिमलाई गो ओराम ल्‍वा र्‍वाक्‍तोङा बेउ। गो वाङसामामिमकु थु़र्मा दु़म्‍ङोडोमका जो़पा-सेला दो़पा खारी बोमुङा छो़म डोक्‍पु मिम्‍पु।

रोमी 11:13 Referans Kwoze

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

१ तिमोथी 2:7

मेम्‍मिमका माम्‍चु़नीका ओराम उनी नकाम लागि जो़पा-सेला सो़पा नुङ थु़र्मा थुट्‌ङिडिमिम बु, मा आच्‍छाङाकाम सिजेम वाङसामामिमलाई सीपा मु़चु़ दु़म्‍ङोडोम बु। गो ओराम लिमा मेथेसाका आच्‍छाङा र्‍वाङुमिम सो़।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

गलाती 1:16

वाङसामागोडा गोलाम जो़पा-सेला थो़बेन्‍मु लागि गुमीका उनीमा तारापाचो़ गेर्सी द्‍वाक्‍तो गोलाई रेम्‍बेम्‍डी। मेम्‍लो गो सु़नुङ वो हिलाहिसी मेबेउवा।

गलाती 2:2

माम्‍चु़नीका गोलाई मेसिन्‍डा लमु र्‍वाम्डिमका गो लङडो। मेसिन्‍डा बाङ्डोलो मेराम मण्‍डलीडाम ङाउमिमनुङ वाङ घ्रो़म्साका वाङसामामिमलाई गो थो़बेट्‌पुमिमिम जो़पा-सेला मेर्मिमनुङ सो़उतो। गो बेत्तोङा लेट्‌पुमिम ओराम खारी हाम ना हामकाम मेदु़म्‍नु़ र्‍वाक्‍साका आरे बेउतो।

थु़र्मा 22:21

“गुमीका गोनुङ र्‍वाम्‍डी, ‘मेलामका लक्‍सा, गो गानालाई हापा होनोवा बाट्‌पा वाङसामामिमकाडा थु़र्नी’।”

थु़र्मा 13:2

कोलेम मेर्मिमका उपास बासाका माम्‍चु़नीकु सो़रलोले बेत्तोङा बेम्‍डिलो, माम्‍चु़नी-पेलका मेर्मिमनुङ र्‍वाम्‍डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्‍वाक्‍निची।”