रोमी 11:10 - थुलुङ राई

¹⁰ मेर्मिमकु मिक्‍सीका ल्‍वामु मेचापा बेसाका तुकुम्‍चिमका हुप्‍नु़ मा मेर्मिमकु चङ हेल्‍लो लोवो गुट्‍नु़म बुनु़।”

रोमी 11:10 Referans Kwoze

२ पत्रुस 2:4

पाह्रीचो़मिमका छु़ल बेम्‍डिलो वो माम्‍चु़नीका मेडिट्‌मिवा। गुमीका मेर्मिमलाई खादीगोयु़ घ्रोम्‍सोम्‍डी मा निया दु़म्मिम नेमसम्‍म लागि तुकुम्‍चिमडा जु़ल्‍थाप्‍मी।

एफिसी 4:18

मेर्मिमकु न-गो तुकुम्‍चिमका हुप्‍डु़म बु मा माम्‍चु़नीका ग्‍वाम्‍डिम त्‍वारो़मलामका मेर्मिम होनोवा बुमी, हेङालोने मेर्मिमका उनीमा न-गो लुङ होप्‍माम बनेबोमिमा माम्‍चु़नीका ग्‍वाम्‍डिम ल्‍वा थेसिमेथेन्‍मी।

रोमी 11:8

माम्‍चु़नीकु सिजेमडा र्‍याक्‍मा बु, “माम्‍चु़नीका मेर्मिमलाई हाम वो थेसिथेन्‍मु मेचापा न ग्‍वाम्‍डी। मेम्‍मा हाम वो मेल्‍वापा मिक्‍सी नुङ हाम वो मेथो़पा नोफ्‍ला ग्‍वाम्‍डी मा ओम्‍लोसम्‍म वो मेर्मिम मेप्‍माम ङा बुमी।”

रोमी 1:21

मेर्मिमका माम्‍चु़नीलाई छेसाका वो गुमीलाई डोक्‍पु मेमिम्मिवा, ना आलाङा र्‍वाम्‍डी। मेम्‍मा मेर्मिमकु नेप्‍ची हाम ना हामकाम दु़स्‍ता मा मेर्मिमकु न-गो तुकुम्‍चिम होप्‍माम दु़स्‍ता।

यहूदा 1:13

मेर्मिम ने दो़न्‍दो़न्‍या मेबाट्‌पा दिरिदिनकु बाबारिम होप्‍माम सो़। कुकु बाबारिमका जाजाब्‍लु़म ख्‍लुकु़मिम होङङा मेर्मिमका क्रो़मलु़पा खारी रेम्‍बोमी। मेर्मिम ताङताहेरथो़ लक्‍पा सोरलुङ होप्‍माम सो़, उहेमकाम लागि केकेयाम तुकुम्‍चिम हेल्‍लो लोवो रान्‍थाट्‌मा बु।

यहूदा 1:6

त्‍वाकु साखामगोडा मेबासाका त्‍वाकु बाखोप डिट्पा मे पाह्रीचो़मिमलाई गुमीका हेल्‍लो वो मेभ्रसिक्‍पा सेलरिवाका बसाका मे डोक्‍पु नेमसम्‍मकाम लागि तुकुम्‍चिमगोडा जु़ल्‍थाप्‍मिमिम बु।

२ पत्रुस 2:17

लिमा ल्‍वा सीपा ओर्मिम मु़चु़ कु मेपुट्‌पा कुकु नो़मिम नुङ ब्‍लोजु़का हुट्‌पा सिखाप होप्‍माम सो़। माम्‍चु़नीका मेर्मिमकाम लागि छो़म तुकुम्‍चिमका हुपा खोम बनेबेम्‍डिम बु।