रोमी 11:1 - थुलुङ राई

¹ मेम्मिमका गो हिलाबेउ, हाम माम्‍चु़नीका इस्राएलीमिमलाई ङेट्‌मिडी? हेल्‍लो वो मेएँ, हेङालोने गो आ त्‍वाप वो अब्राहामकु चो़-चु़सु़ बेन्‍यामीनकु दोचो़गोडा गङ्‍डोम कोङ इस्राएली सो़।

रोमी 11:1 Referans Kwoze

२ कोरिन्‍थी 11:22

हाम मेर्मिम हिब्रू? गो वो हिब्रू ङा। हाम मेर्मिम इस्राएलीमिम? गो वो मेङा। हाम मेर्मिम अब्राहामकु चो़ चु़सु़मिम? गो वो मेङा।

फिलिप्‍पी 3:5

गो लेतलेम नेमकाम बाङडोलो आमा कोक्‍ते खिरिरि क्रिप्‍सी दु़स्‍ताम। गो इस्राएलीमिमगोडाम बेन्‍यामिन दोचो़लाममिम। गो आच्‍छाङाम हिब्रू, हेङालोने आमा मामपाप हिब्रू सो़। डु़म्‍लाकु दुथाम र्‍वाकी माला गो मेरामडा जो़मका दोपा कोले फरिसी,

थु़र्मा 26:4

“गो आमा नेब्‍दीडा नुङ यरूशलेम शहरडा याक्‍केलोम ङा हेसाका बर्तो गेङ्‌डो र्‍वाक्‍पा ल्‍वा यहूदीमिमका चम्‍डिम बु।

थु़र्मा 22:3

पावलका र्‍वाक्‍ता, “गो किलिकियाकु शहर टार्ससडा गङडोम यहूदी, लावो गमलिएललामका इकीमा ङाउ-खुउकु डु़म्‍लामिम गो चङको-चङको दु़म्‍साका सीसिङ्‌डो, मा ओराम शहरडा बर्ङोडो। आनेप गानी माम्‍चु़नीडा हाङको इनीमा सो हन्‍पा बुनी, मेकोतिङा आमा वो सो हन्‍पा बाइडा।

रोमी 9:3

आमा इस्राएली वा-ल्‍वाकमिमका त्‍वारो़म ल्वामिवा माला ख्रीष्‍टलाम गो वाङ दु़म्‍पा वाइतो बेला सो़सिङु लोवो गेर्सी द्‍वाक्‍ङुवा। मेर्मिमका त्‍वारो़म ल्‍वामिनु़ र्‍वाक्‍पा आमा छो़म न बु।

रोमी 3:4

आरेप्‍माम हेल्‍लो वो मेदु़म, मु़चु़मिम लिमाचो़ दु़म्‍मी लोवो माम्‍चु़नी आच्‍छाङाकाम बुमी। माम्‍चु़नीकु सिजेमडा र्‍याक्‍मा बु, “गानी जेन्‍निम ल्‍वा आच्‍छाङा सो़ र्‍वाक्‍साका मु़चु़मिमका र्‍वामी, मा निया दु़म्‍मिम थारीका गानी घ्‍ल्‍वानी।”

लूका 20:16

गु रोमा मे बोम्‍था बेपा मु़चु़मिमलाई सेडु़मी, मा अङ्‍गूर ये कोङमीलाई ङा ग्‍वाकु़मी।” मु़चु़मिमका ओराम थो़म्‍डिमा र्‍वाम्‍डी, “आरेप्‍माम हेल्‍लो वो मेदु़म्‍नु़।”

रोमी 11:11

मेम्‍मिमका गो र्‍वाङु, “मेर्मिम बमु मेचापा बेसाका उनी खेल तुम्‍डिमा ताम्‍डिम मा?” मेम ने मेएँ, मेर्मिमका थो़रमेलु़मिवामका वाङसामाडाम मु़चु़मिम सेल्‍सिम्‍डी। ओराम ल्‍वामिनु़ मा इस्राएलीमिमका वो नाचु़र बोमिनु़ र्‍वाक्‍पा माम्‍चु़नीकु न बाइडा।