रोमी 10:9 - थुलुङ राई

⁹ गानी इनीमा त्‍वाकु सिकाङा येशू ङा ङाचो़ र्‍वाक्‍साका सो़नी मा माम्‍चु़नीका गुमीलाई सिमुलाम फम्‍खेट्‌मिडिम र्‍वाक्‍साका इनीमा नगोलामका थो़रलु़नी माला गानी सेल्‍सिनी।

रोमी 10:9 Referans Kwoze

लूका 12:8

“गो गानीलाई र्‍वाङु, गो आमा सीसिपा र्‍वाक्‍साका गानी मु़चु़मिमलाई र्‍वानी माला माम्‍चु़नीकु पाह्रीचो़मिमकु ङादोडा मिनीचो़का वो गानीलाई उ सीसिपामिम र्‍वा।

थु़र्मा 16:31

मेर्चिपका र्‍वाक्‍ची, “येशू ख्रीष्‍टडा थो़र लु़नी, मा गानी नुङ इनीमा नेमडाममिम खोत्‍लेङा सेल्‍सिनी।”

फिलिप्‍पी 2:11

मा माम्‍चु़नी पापकु नङ डोक्‍पु बोमु येशू ख्रीष्‍टङा ङाचो़ र्‍वाक्‍साका खोत्‍लेका र्‍वामी।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

रोमी 8:34

मेम्‍मिमका मेर्मिमलाई देन्‍दे ग्‍वामु चापा सु़ वो मेदु़म्‍मी हेङालोने ख्रीष्‍ट ङा मेर्मिमकु खोमडा देन्‍दे ल्‍वासाका सिम्‍डिम बु। गुमी सिम्‍डिम कोङङा मेएँ, मेरामडाम डोक्‍पु खारी ने गुमी सिमुलाम बम्‍गेम्‍डी। ओम्‍लो गुमी माम्‍चु़नीकु जो़पलाम बुमी मा इकीमा लागि माम्‍चु़नीनुङ सो़म्‍दी बेप्‍साक्‍पा मु़चु़ दु़म्‍मिडिम बु।

रोमी 14:11

माम्‍चु़नीकु सिजेमडा र्‍याक्‍मा बु, “ङाचो़का र्‍वामी, ‘गो सिमुलाम बङ्‍गेङडोम होम्‍साका आच्‍छाङा र्‍वाङु, खोत्‍ले मु़चु़मिमका आमा ङादोडा क्रचु़खुम बोमी। खोत्‍लेका गोलाई माम्‍चु़नी र्‍वामिमा आमा नङ कोमी’।”

१ कोरिन्थी 12:3

मेम्‍मिमका गानी आरेप्‍माम ल्‍वा चक्‍नी र्‍वाक्‍पा आमा न बु, मेम्‍मा माम्‍चु़नीकु पेललामका जेपा सु़का वो “येशूडला वाइतो रोनु़” मेर्‍वा। माम्‍चु़नी पेललामका कोङङा, “येशू ङा ङाचो़ सो़” र्‍वामु चाप्‍सु़।

२ यूहन्‍ना 1:7

लिमा ल्‍वा सीपा मु़चु़मिम सु़म्‍दिसेरडा रोम्‍डिम बु। मेर्मिमका येशू ख्रीष्‍ट मु़चु़ दु़म्‍साका योम्‍डिम मेएँ र्‍वामी। आरेप्‍माम मु़चु़ लिमाचो़ नुङ ख्रीष्‍टकु कोर्थो़लाम बक्‍पा मु़चु़ सो़।

यूहन्‍ना 9:22

मेरामकु माम-पाप यहूदीमिमडाम ङिच्‍चिमका आरे र्‍वाक्‍चिम बाइडा। हेङालोने कोङनिमका येशूलाई ख्रीष्‍ट र्‍वाक्‍ता माला मेरामलाई घ्रो़म्‍दीनेमलामका ख्‍लुम्‍सोमु बासी र्‍वाक्‍साका यहूदीमिमका ङादोङा मुलु़ बेम्‍डिम बाइडा।

थु़र्मा 8:36

मेर्चिप लाम्‍दीडा लक्‍तोङा बेच्‍चिलो कु बाट्‌पाडा रोक्‍फाट्‌ची। मेकोतिमा मे नपुंसकका र्‍वाक्‍ता, “रेप्‍नी, आसिन्‍डा कु बु रेछा। गोलाई कु-रु़दु़म रमु सु़का भोम्‍मु चाम्‍ङी मा?”

थु़र्मा 2:24

लावो गुमीलाई माम्‍चु़नीका सिमुकु दु़खालामका फ्‍वाक्‍साका फम्‍खेम्‍डी। हेङालोने सिमुका गुमीलाई बन्‍थामु मेचाप्‍सु़वा।

थु़र्मा 2:32

ओराम येशूलाई ङा माम्‍चु़नीका सिमुलाम फम्‍डी, मेराम गुकु खोत्‍लेका ल्‍वात्तोकोम बु।

रोमी 4:24

लावो इकीमा लागि वो र्‍यासिड्‍डाम सो़। उहेमका इकीमा ङाचो़ येशू ख्रीष्‍टलाई सिमुलाम फक्‍खेट्‍पा माम्‍चु़नीडा थो़र बेम्‍डिम बु। ओराम थो़रलामका ङा गुइ वो माम्‍चु़नीकु ङादोडा जो़पा न-गोकाम रेम्‍बेसिड्‌डिम बु।

रोमी 10:10

हेङालोने गुइ नगोलामका थो़रलु़साका ङा माम्‍चु़नीकु ङादोडा जो़पा न-गोकाम दु़म्‍सी। मेम्‍मा गुइ थो़रलु़इडिम ल्‍वा त्‍वाकु सिकाङा सो़साका सेल्‍सिडी।

रोमी 14:9

सिपा नुङ नु़पा खोत्‍ले मु़चु़काम लागि येशू ख्रीष्‍ट सिम्‍डी मा आथावो बम्‍गेम्‍डी। हेङालोने गुमी सिपा नुङ नु़पा खोत्‍लेकाम ङाचो़ दु़म्‍मु लागि मेम बेम्‍डी।

१ यूहन्‍ना 4:15

कोङ मु़चु़का येशू माम्‍चु़नीकु तारापाचो़ र्‍वाक्‍साका थो़र बु़ माला माम्‍चु़नी मेराम मु़चु़नुङ दु़म्‍मी मा मेराम मु़चु़ माम्‍चु़नीडा दु़म।