रोमी 10:5 - थुलुङ राई

⁵ मोशाका र्‍वाक्‍ताम बु, “माम्‍चु़नीकु डु़म्‍ला होम्‍साका दोपा मु़चु़ङा जो़पा न-गोकाम दु़म्‍साका बु।”

रोमी 10:5 Referans Kwoze

गलाती 3:12

डु़म्‍ला ने थो़रलु़सीलाममिम ल्‍वा मेएँ, खारी बेपा ल्‍वा सो़, हेङालोने आरेसाका र्‍याक्‍मा बु, “डु़म्‍ला होम्‍साका खारी बेपा मु़चु़ मेरामलामका ङा नु़पा दु़म।”

रोमी 7:10

त्‍वारो़म रेन्‍मु बासिक्‍पा डु़म्‍लाका ने आमा लागि सिमुलाम रेड्‍डु़ र्‍वाक्‍पा ल्‍वा चक्‍तो।

फिलिप्‍पी 3:9

गो माम्‍चु़नीडा जो़पा दु़म्‍मु ने डु़म्‍ला होम्‍साका दोसाका मेएँ, लावो ख्रीष्‍टडलाम थो़रका जो़पा दु़म्‍ङु। माम्‍चु़नीडा जो़पा दु़म्‍सी ने गुमीलामका रो मा ओराम खारी थो़रलामका दु़म।