रोमी 10:19 - थुलुङ राई

¹⁹ मेम माला, “हाम इस्राएलीमिमका ओराम जो़पा-सेला थेसिमेथेट्‌मिवा?” थेसी ने थेट्‌मिडी, लावो मेराम होम्‍साका मेबेमिवा। माम्‍चु़नीका मोशालाम र्‍वाम्‍डिम बाइडा, “उहेम कोङ डोक्‍पु सामा मेएँ मेर्मिमलाई छेपुमी मा गानी मेर्मिमडला नाचु़र बेपा दु़म्‍बेनिनी। नेप्‍ची मान्‍थिम सामामिमलाई दिदाम रेम्‍बेसाका गो इनीमा छोक्‍चो फन्‍सानिनी।”

रोमी 10:19 Referans Kwoze

रोमी 11:11

मेम्‍मिमका गो र्‍वाङु, “मेर्मिम बमु मेचापा बेसाका उनी खेल तुम्‍डिमा ताम्‍डिम मा?” मेम ने मेएँ, मेर्मिमका थो़रमेलु़मिवामका वाङसामाडाम मु़चु़मिम सेल्‍सिम्‍डी। ओराम ल्‍वामिनु़ मा इस्राएलीमिमका वो नाचु़र बोमिनु़ र्‍वाक्‍पा माम्‍चु़नीकु न बाइडा।

रोमी 11:14

आरेप्‍माम जो़पा-सेला दो़पा खारीडा आमा त्‍वाकु यहूदी सामागोडाममिमका नाचु़र बोमिनु़ मा मेर्मिमगोडाम कोङनिमलाई माम्‍चु़नीडा ख्‍लोमु चापुनु़।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

१ पत्रुस 2:10

कोबिलि गानी माम्‍चु़नीकु मु़चु़ मेबानिवा, लावो ओम्‍लो गानी माम्‍चु़नीकु मु़चु़ दु़म्‍निम बु। कोबिलि गानी माम्‍चु़नीलाम न-थो़म ल्‍वान्‍निम मेबायावा, ओम्‍लो गानी गुमीलाम न-थो़म ल्‍वान्‍निम बु।

१ कोरिन्थी 1:12

गो र्‍वामु मालुमिम ल्‍वा ओरामङा: गानीगोडाम कोङनिमका, “गो पावलकाम”, याङका “गो ओपोल्‍लोसकाम”, याङका “गो केफासकाम”, मा याङका “गो ख्रीष्‍टकाम” र्‍वानी ए।

१ कोरिन्थी 15:50

वा-ल्‍वाक्‍नी, गो गानीलाई र्‍वाङु, सो़ नुङ सिसिकु मिरो़मका माम्‍चु़नीकु किब्‍दीकाम दो़दो़वा मेल्‍वासु़। मेम्साकाङा पुयु़लुक्‍पा मिरो़मका हेल्‍लो वो पुयु़ मेलुक्‍पा मिरो़मकु दो़दो़वा मेल्‍वासु़।

१ कोरिन्थी 12:2

गानी चनिमङा बु, गानी येशूडा थो़रमेलु़थेङा बान्‍निलो जेमु मेचापा ङाटामिमथो़ लनिमा थामबाल्निम बाइडा।

१ कोरिन्थी 11:22

पोमु-डुमुकाम लागि हाम त्‍वा-त्‍वाहोम इनी नेम मिबु? डे माम्‍चु़नीकु मण्‍डलीलाई हाम होङङा वो मेमिम्‍नी मा उनी हाम वो मेबाट्‌पामिमलाई क्रो़म लु़बेनिमिम? गो गानीलाई हाम र्‍वामु? हाम गानी आरे बोनिलो जो़पा बेन्‍नी र्‍वामु? गो हेल्‍लो वो मेम मेर्‍वाङु।

१ कोरिन्थी 10:19

गो हाम र्‍वाक्‍तोङा बेउमिम? ङाटालाई ग्‍वाक्‍मा पोमुथोकमिमङा हाम डोक्‍पु ल्‍वा मा? लोवो ङाटा ङा हाम डोक्‍पु ल्‍वा?

१ कोरिन्थी 7:29

वा-ल्‍वाकनी, गो गानीलाई र्‍वामु मालुमिम ल्‍वा ओरामङा सो़, ङाचो़ दालाङा योमी। आथाडा आनो नाइमे बाट्‌पामिमका नाइमे मेबाट्‍पा होप्‍मामङा दु़म्‍साका बुमिनु़।

रोमी 10:18

मेम माला हाम मेर्मिमका थो़म्डिम मिबु? मेएँ मेर्मिमका थो़म्‍डी। “मेर्मिमकु लो़लाम खोत्‍ले सु़म्‍दिसेरडा फोन्‍सिड्‍डा मा मेर्मिमका र्‍वाम्‍डिम ल्‍वा सुबु बिर्खोपसम्‍म रोक्‍थिड्‍डा।”

रोमी 3:26

माम्‍चु़नीका मु़चु़मिमकु छु़ल हेप्‍साका उनी त्‍वाप जो़पा न-गोकाम बुमी, मा येशूडा थो़रलु़पामिमलाई जो़पा न-गोकाम दु़म्‍बेन्‍मी र्‍वाक्‍पा ल्‍वा ओम्‍लोम थारीका वो रेम्‍बोमी।