रोमी 10:15 - थुलुङ राई

¹⁵ थो़बेट्‍पा मु़चु़ मेथु़र्थु़म हेसाका थो़बेन्‍मुमी? माम्‍चु़नीकु सिजेमडा र्‍याक्‍मा बु, “जो़पा-सेला थो़बेट्‍पामिमकु खेल हाङको जो़पा!”

रोमी 10:15 Referans Kwoze

एफिसी 2:17

गुमी योम्‍डिमा माम्‍चु़नीडाम होनोवा दु़म्‍पा गानी मेयहूदीमिम नुङ माम्‍चु़नी फार्डा बाट्‍पा यहूदीमिमलाई उनी न-थो़म घ्रो़म्‍बेट्‍पा जो़पा-सेला थो़बेट्‌मिडी।

एफिसी 6:15

न-गो भ्रसिबेट्‍पा माम्‍चु़नीकु जो़पा-सेला थो़बेड्‍डा लक्‍पा सो़लो़प ख्‍लु़न्‍सिट्‌निमा झो़म्‍जो़ल्‍सिट्‌नी।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

यूहन्‍ना 20:21

येशूका आथावो र्‍वाम्‍डी, “न-गो भ्रसीनु़। पापका गोलाई थु़र्ङिडिमिम होम्‍साकाङा गो गानीलाई वो थु़र्निनी।”

थु़र्मा 22:21

“गुमीका गोनुङ र्‍वाम्‍डी, ‘मेलामका लक्‍सा, गो गानालाई हापा होनोवा बाट्‌पा वाङसामामिमकाडा थु़र्नी’।”

थु़र्मा 13:26

“ए अब्राहामकु चो़-चु़सु़ नुङ माम्‍चु़नीकु ङिम जु़ल्‍पा वाङसामा वा-ल्‍वाकनी, माम्‍चु़नीका ओराम सेल्‍पा-सेला इकीमा लागि ङा थु़र्मीडिम बु।

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

लूका 10:1

मेकोतिमा ङाचो़ येशूका वाङमिम येत धु़म (७०) मु़चु़मिमलाई थुट्‌मिडी। मेम्‍मा गुमी लमु खाप्‍मिडिम खोत्‍ले शहर नुङ देलडा उनी त्‍वाप लमु ङादो मेर्मिमलाई न-नले बेसाका थु़र्मिडी।

लूका 8:1

कोलेम नलेम चङडा येशूका माम्‍चु़नीकु किब्‍दीकु दुथाम जो़पा-सेला थो़बेत्तो नुङ सिजेम दो़त्तो देल-देलडा नुङ शहर शहरडा लम्‍डी। गुमीनुङ को-न (१२) सीसिपामिम बाम्‍डी,

लूका 2:14

“खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”

लूका 2:10

लावो पाह्रीचो़का मेर्मिमनुङ र्‍वाक्‍ता, “मेङिनी! गो गानीलाई कोले जो़पा-सेला थो़बेनिनी, मेरामका खोत्‍ले मु़चु़मिम छो़म भ्रम्‍सिमी।

मत्ती 9:38

मेम्‍मिमका उनी मा-के खोम्‍मु खारी बेपा मु़चु़मिम थु़र्नी र्‍वाक्‍साका मा-के थोक्‍पा ये-दकु ङाचो़लाई सो़म्‍दी बेनी।”

थु़र्मा 10:36

गानी ओराम ल्‍वा चनिमिम ङा बु, माम्‍चु़नीका न भ्रसिबेट्‌पा जो़पा-सेला सो़प्‍डा येशू ख्रीष्‍टलाई गुकु इस्राएलीमिमकाडा थु़र्मिडी। गुमी ङा खोत्‍ले मु़चु़मिमडला साखाम थो़पा ङाचो़ सो़।

रोमी 1:15

मेम्‍मिमका गानी रोमडा बाट्‍पामिमलाई वो जो़पा-सेला थो़बेन्‍मु छो़म आमा न बु।

रोमी 15:20

वाङमिमका चो़म्‍मिडिम जगडला नेम बनेबोमु चो़म्‍मा होम्‍साका वाङमिमका जो़पा-सेला दो़मु चो़म्‍मिडिम खोमडा गो मेदो़उ। ख्रीष्‍टकु दुथाम थो़मुङा मेथो़मिवाम मा वाङमिमका जो़पा-सेला मेदो़मिवाम खोमडा कोङङा गो जो़पा-सेला दो़मु द्‍वाक्‍पु।