रोमी 10:14 - थुलुङ राई

¹⁴ लावो गुमीडा थो़रमेलु़साका हेसाका येन्‍मी मा? उनीमा नङकु दुथाम थो़म्डिमङा मिबु माला हेसाका गुमीडला थो़रलु़मी? कोङनिमका मेथो़बेसाका हेसाका उनीमा दुथाम थो़मी मा?

रोमी 10:14 Referans Kwoze

तीतस 1:3

जो़पा-सेला थो़बेसीलामका गुमीका मुलु़ बेम्‍डिम जो़पा थारीका मु़चु़मिमलाई ओराम ल्‍वा चबेट्‌मिडी। गुमीका मेराम खारी बेबेट्‌ङिडिमी मा गुइलाई सेल्‍पा इकी माम्‍चु़नीका बेबेट्‌ङिडिमिम होम्‍साका गो बेउतो।

हिब्रू 11:6

थो़र मान्‍थि माम्‍चु़नीलाई गर्सी बेन्‍मु मेझाम। हेङालोने सु़ माम्‍चु़नीकाडा रो मेरामका माम्‍चु़नी बुमी र्‍वाक्‍पा मा उहेमका गुमीलाई मालु़म बु गुमीका मेरामलाई पुरस्‍कार ग्‍वामी र्‍वाक्‍पा थो़र लु़मु बासी।

थु़र्मा 8:31

गुका र्‍वाक्‍ता, “कोङनिमका गोलाई मेसीथु़म ने ओराम गो हेसाका थेसिथेट्‌पु मा?” मेकोतिमा गुका फिलिपलाई उ त्‍वापनुङ गन्‍मु रथडला येड्‌डु़।

याकूब 5:15

माम्‍चु़नीडा थो़रलु़साका बिइमिम सो़म्‍दीका नो़पामिम समी, मा माम्‍चु़नीका ङादोम होप्‍मामङा मेर्मिमलाई दु़म्‍बेन्‍मी। मेरामका छु़ल बु़डु़म बु लोवो गुमीका उमा छु़ल हेम्‍सामी।

२ तिमोथी 4:17

लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।

एफिसी 4:21

आच्‍छाङा गानी उनीमा सीसि थो़न्‍निमा उनीमा सीसिपा दु़म्‍निमका येशूकाम आच्‍छाङाकाम ल्‍वा सीन्‍सिट्‌नी।

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

थु़र्मा 19:2

गुका मेर्मिमनुङ हिलाबु़डु़, “गानी थो़र लु़न्‍निमा माम्‍चु़नी-पेल इनीमाडा योम्‍डी?” मेर्मिमका र्‍वाम्‍डी, “माम्‍चु़नी-पेल बुमी र्‍वाक्‍पा ने गुकु थो़त्तोकोम वो मिबु।”

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

यूहन्‍ना 9:36

मेरामका र्‍वाक्‍ता, “ङाचो़, सु़ गुमी? गोलाई र्‍वाक्‍नी, मा थो़र बेउ।”

एफिसी 2:17

गुमी योम्‍डिमा माम्‍चु़नीडाम होनोवा दु़म्‍पा गानी मेयहूदीमिम नुङ माम्‍चु़नी फार्डा बाट्‍पा यहूदीमिमलाई उनी न-थो़म घ्रो़म्‍बेट्‍पा जो़पा-सेला थो़बेट्‌मिडी।

मत्ती 20:7

“मेर्मिमका गुनुङ र्‍वाम्‍डी, ‘गुकुलाई सु़का वो खारी बोमु लागि मेभ्रेकिमिवा।’ “ये-दकु मे मु़चु़का मेर्मिमलाई र्‍वाक्‍ता, ‘गानी वो लक्‍निमा आमा अङ्‍गूर येडा मु़चु़मिमनुङ खारी बेनी।’