रोमी 1:7 - थुलुङ राई

⁷ रोम शहरडा बाट्‍पा गानी खोत्‍लेलाई माम्‍चु़नीका हापा रिखाम बेन्‍निमिमा उनीमा त्‍वाकु सेपा मु़चु़ दु़म्‍मु लागि येट्‌निमिम सो़: इकीमा माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न भ्रसी ल्‍वानिनु़।

रोमी 1:7 Referans Kwoze

कलस्‍सी 1:2

कलस्‍से शहरडा बाट्‌पा माम्चु़नीकु मु़चु़मिम गानी ख्रीष्‍टडा थो़र लु़इमिम आकीमा वा-ल्वाकमिमलाई ओराम सेलाखाजेम र्‍याक्‍तोङा बोचुकु। माम्‍चु़नी इकीमा पापका दिदाम नुङ न भ्रसी ग्‍वानिमिनु़।

एफिसी 1:2

माम्‍चु़नी इकीमा पाप नुङ ङाचो़ येशू ख्रीष्‍टलामका दिदाम नुङ न-भ्रसी ल्‍वानिनु़।

१ थेसलोनिकी 1:1

गो पावल, सिलास नुङ तिमोथीका गानी थेसलोनिकीडाम मण्‍डलीलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टडा गानी बुनी। माम्‍चु़नीलाम दिदाम नुङ न-भ्रसी ल्‍वानी।

२ कोरिन्‍थी 13:14

ङाचो़ येशू ख्रीष्‍टकु दिदाम, माम्‍चु़नीकु रिखाम नुङ माम्‍चु़नी-पेलकु सामा घ्रो़म्‍सी गानी खोत्‍लेनुङ दु़म्‍नु़।

२ यूहन्‍ना 1:3

माम्‍चु़नी पाप नुङ पापकु तारापाचो़ येशू ख्रीष्‍टलामका दिदाम, न-थो़म नुङ न-भ्रसी आच्‍छाङाकाम ल्‍वा नुङ रिखामडा गुइगोडा दु़म।

फिलेमोन 1:3

माम्‍चु़नी इकीमा पाप नुङ ङाचो़ येशू ख्रीष्‍टका उनी दिदामका सानिमिनु़, मा इनी न-भ्रसी बेन्‍मिनु़!

२ थेसलोनिकी 3:18

इकी ङाचो़ येशू ख्रीष्‍टकु दिदाम गानी खोत्‍लेनुङ दु़म्‍नु़।

२ थेसलोनिकी 3:16

न-भ्रसी बेट्‌पा ङाचो़ येशूका खोत्‍ले थारीका नुङ हेल्‍लो लोवो इनीमा न-भ्रसी बेन्‍मिनु़। गानी खोत्‍लेनुङ ङाचो़ येशू दु़म्‍मिनु़।

रेम्‍बेट्‌मिडिम ल्‍वा 22:21

ङाचो़ येशूकु दिदाम माम्‍चु़नीकु मु़चु़मिमनुङ दु़म्‍नु़। आमेन।

फिलेमोन 1:25

ङाचो़ येशू ख्रीष्‍टकु दिदाम गानी खोत्‍लेकाडा दु़म्‍नु़।

१ यूहन्‍ना 3:1

रेप्‍नी, पाह्रीलाम इकीमा पापका गुइलाई हाङको छो़म रिखाम बेसामी, गुइलाई माम्‍चु़नीकु चो़मिम र्‍वामी, मा आच्‍छाङा गुइ उनीमा चो़च्‍चो़मिमङा सो़। सु़म्‍दिसेरडाम मु़चु़मिमका माम्‍चु़नी मेछेमिवा, मेम्‍मिमका गुइलाई मेछेसामी।

१ पत्रुस 1:15

लावो गानीलाई येट्‌पा माम्‍चु़नी सेपा बुमिमिम होप्‍माङा गानी वो खोत्‍ले इनी खारी बेसीडा मेजो़पा ल्‍वाडाम वाङ दु़म्‍नी।

तीतस 1:4

गो थो़र लु़ङुमिम येशू ख्रीष्‍टडा ङा गाना वो थो़र लु़न्‍नामका आमा तारापाचो़ होङङा लु़ङुमिम तीतसलाई ओराम सेलाखाजेम र्‍याक्‍तोङा बेउ, माम्‍चु़नी इकी पाप नुङ गुइलाई सेल्‍पा येशू ख्रीष्‍टलामका गाना दिदाम नुङ न-भ्रसी ल्‍वानानु़!

२ तिमोथी 4:22

माम्‍चु़नी गानानुङ दु़म्‍मिनु़। उनीमा दिदाम गानानुङ दु़म्‍नु़।

१ थेसलोनिकी 5:28

इकीमा ङाचो़ येशू ख्रीष्‍टकु दिदाम गानी खोत्‍लेनुङ दु़म्‍नु़।

१ थेसलोनिकी 4:7

सेपा मु़चु़ दु़म्‍मुमा बुमु लागि माम्‍चु़नीका येसाड्‌डामिम, मेसेपा दु़म्‍साका बुमु लागि ने मेएँ।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

कलस्‍सी 3:12

माम्‍चु़नीका गानीलाई उनीमा मु़चु़ दु़म्‍मु छेट्‌निमी, उनीमा नङका साट्‌निमी, मा रिखाम बेन्‍निमी। मेम्‍मिमका नाम्‍नाम्चो़ लु़पा, न-थो़मनुङमा, याक्‍के दु़म्‍पा, मेक्रोक्‍पा दु़म्‍पा मा इम्‍सिक्‍पा दु़म्‍नी।

फिलिप्‍पी 4:23

ङाचो़ येशू ख्रीष्‍टकु दिदाम गानी खोत्‍लेनुङ दु़म्‍नु़। आमेन।

फिलिप्‍पी 4:20

इकीमा माम्‍चु़नी नुङ पापकाम नङ हेल्‍लो लोवो डोक्‍पु दु़म्‍नु़म बुनु़। आमेन।

एफिसी 6:23

माम्‍चु़नी पाप नुङ ङाचो़ येशू ख्रीष्‍टका गानी वा-ल्‍वाकमिमलाई न भ्रसी, रिखाम मा थो़र ग्‍वानिमिनु़।

गलाती 6:18

आमा वा-ल्‍वाकनी, इकीमा ङाचो़ येशू ख्रीष्‍टकु दिदाम इनीमा न-गोडा दु़म्‍नु़म बुनु़। आमेन।

१ कोरिन्थी 16:23

ङाचो़ येशूकु दिदाम गानीनुङ दु़म्‍नु़!

रोमी 9:25

माम्‍चु़नीका र्‍वाम्‍डिम ल्‍वा होशे र्‍वाक्‍मा माम्‍चु़नीलाम जेपा मु़चु़का आरेसाका र्‍याक्‍तु़म बु, “उहेम मु़चु़ आमा मु़चु़ मेएँ मेर्मिमलाई गो आमा मु़चु़ दु़म्‍बेत्तोमी, ङादो रिखाम मेबेम्‍मामिमलाई वो ओम्‍लो रिखाम बेउमी।”

रोमी 5:1

मेम्‍मिमका थो़रलाम जो़पा न-गोकाम दु़स्‍तिम बु मा इकीमा ङाचो़ येशू ख्रीष्‍टलाम माम्‍चु़नीनुङ इकीमा न-थो़म घ्रो़म्‍बेसाड्‍डामिम बु।

थु़र्मा 15:23

मेकोतिमा मेर्मिमका मे ब्‍ललेमिमकु ल्‍वाडा ओराम सेलाखाजेम थु़र्सोम्‍डी: “एन्‍टिओखिया, सिरिया नुङ किलिकियाडा बाट्‌पा वाङसामा थो़रलु़पामिमलाई थु़र्मामिम नुङ एल्‍डरमिमकाम सेव!

कलस्‍सी 3:15

ख्रीष्‍टका इनीमा न-गो थो़मिनु़ मा खोत्‍लेनुङ दु़बेनिमिनु़। हेङालोने दु़साका बुमु लागिङा माम्‍चु़नीका गानीलाई कोले मिरो़मडा येट्‌निमिम बु। मेम्‍मा गुमीलाई आलासो़ ग्‍वामु हेल्‍लो वो मेप्‍ल्‍वानी।

फिलिप्‍पी 4:13

गो ख्रीष्‍टका ग्‍वाङडिमिम यु़मका ओराम खोत्ले ल्वा बोमु चापु।

रोमी 8:39

ना येप्‍पालाम ल्‍वाका, ना घ्‍लु़म्‍पा ल्‍वाका, ना प्रङसिड्‍डाम खोत्‍ले ल्‍वाका, येशू ख्रीष्‍टनुङ बाट्‍पा माम्‍चु़नीकु रिखामलामका गुइलाई वाङ बोमु मेचाप्सा।

रोमी 1:6

मेम्‍साकाङा गानीलाई वो मेर्मिमनुङ कोयोङा येशू ख्रीष्‍टकु मु़चु़ दु़म्‍मु येट्‌निमिम बु।

रेम्‍बेट्‌मिडिम ल्‍वा 2:1

“एफिसस मण्‍डलीडाम पाह्रीचो़लाई ओराम ल्‍वा र्‍याका: येतले सोरलुङमिम उनीमा जो़प ल्‍वालाम जेथाक्‍पा मा सो़नाकाम येतले धिप्‍री चाखोपमिमकु थेतेगोलाम लाम्‍दिपाका आरे र्‍वामी।

याकूब 1:1

माम्‍चु़नी नुङ ङाचो़ येशू ख्रीष्‍टकु डु़ल्‍चो़ याकूबलामका, नेब्‍दी-नेब्‍दीडा फोन्‍सिक्‍साका बाट्‌पा को-न (१२) दोचो़मिमलाई सेव!

यूहन्‍ना 20:17

येशूका गुलाई र्‍वाम्‍डी, “गोलाई मेजेट्‌ङी, हेङालोने गो पापकाडा ख्‍लोङसिङ्‌डोम मिबु। लावो आमा ल्‍वाकमिमकाडा लक्‍सामा र्‍वाका, ‘गो आमा पाप नुङ इनीमा पापकाडा मा आमा माम्‍चु़नी नुङ इनीमा माम्‍चु़नीकाडा लक्‍तोङा लेट्‌पु’।”

मत्ती 5:16

मेम्साकाङा इनीमा जो़पा खारीमिम झ्‍वामिनु़मा मु़चु़मिमका ल्‍वामिनु़। मेम्‍मा पाह्रीलाम इनीमा पापकु नङ खोत्‍लेका कोमिनु़।

रेम्‍बेट्‌मिडिम ल्‍वा 3:22

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी मेरामका थो़सु़नु़।”

रेम्‍बेट्‌मिडिम ल्‍वा 3:14

“लाउडिकिया मण्‍डलीडाम पाह्रीचो़लाई ओराम ल्‍वा र्‍याका: ओराम सिजेम आमेन र्‍वाक्‍पा, थो़रलु़इमिम, माम्‍चु़नीकु आच्‍छाङाकाम ल्‍वा सो़पा, मा उहेमलामका माम्‍चु़नीका खोत्‍ले प्रङ्‌मिडी, मेरामका आरे र्‍वामी।

रेम्‍बेट्‌मिडिम ल्‍वा 3:7

“फिलाडेल्‍फिया मण्‍डलीडाम पाह्रीचो़लाई ओराम ल्‍वा र्‍याका: सेपा नुङ आच्‍छाङाकाम, उहेमका दाऊदकु चाबी जेन्‍थामी, गुमीका आरे र्‍वामी, गुमीका हाम होल्‍मी मेराम सु़का वो ख्‍लु़न्‍मु मेचाप्‍सु़ मा गुमीका हाम ख्‍लु़न्‍मी मेराम सु़का वो होल्‍मु मेचाप्‍सु़।

रेम्‍बेट्‌मिडिम ल्‍वा 2:29

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़।

रेम्‍बेट्‌मिडिम ल्‍वा 2:18

“थिआटीरा मण्‍डलीडाम पाह्रीचो़लाई ओराम ल्‍वा र्‍याका: माम्‍चु़नीकु तारापाचो़, उनीमा मिक्‍सी मुकु भुल्‍मु होप्‍माम मा उनीमा फेमखेल वाबेट्‌मा बुलुकाम होप्‍माम बाट्‌पाका ओराम ल्‍वा र्‍वामी।

रेम्‍बेट्‌मिडिम ल्‍वा 2:12

“पर्गामम मण्‍डलीडाम पाह्रीचो़लाई ओराम ल्‍वा र्‍याका: हन्पा निफिलाम फल्‍खोपनुङ कातु़रु़ बिम्‍सिट्‍पाका ओराम ल्‍वा र्‍वामी।

रेम्‍बेट्‌मिडिम ल्‍वा 2:8

“स्‍मुर्ना मण्‍डलीडाम पाह्रीचो़लाई ओराम ल्‍वा र्‍याका: चो़म-द नुङ हुम-द, सिपामा बग्‍गेट्‌पा गुमीका आरे र्‍वामी।

१ तिमोथी 6:2

थो़रलु़सीडा वा-ल्‍वाक दु़म्‍निमका थो़र लु़पा डु़ल्‍चो़मिमका नेमहपमिमलाई कि-कि वो याक्‍के मेबोमिनु़। मेम मेबेसाका, मेर्मिमका नेमहपमिमकाम छो़म जो़होमका खारी बोमिनु़, हेङालोने नेमहपमिमलाई जो़पा दु़म्‍मु ने त्‍वाकु द्‌वादीबुङ थो़र लु़पामिमलाई जो़पा दु़म्‍मु सो़। आरे बेबेडामिमा मेर्मिमलाई सीडामी।

थु़र्मा 9:13

लावो हननियाका र्‍वाक्‍ता, “ङाचो़, मेराम मु़चु़का यरूशलेमडाम इनीमा थो़रलु़पामिमकाम छो़म उनी थो़मतेर्साड्‌डु़मिम ल्‍वा गो हापा मु़चु़मिमलामका थो़उतोम बु।

रोमी 5:5

हाम-हुम ल्‍वामु लागि हेल्‍लो वो इनी पाउ मेसोनु़। हेङालोने माम्‍चु़नी-पेललाम उनीमा रिखाम इकीमा न-गोडा देम्‍बेट्‌मिडिम बु।

रोमी 8:28

माम्‍चु़नीलाई रिखाम बेपा मा गुमीका उनीमा त्‍वाकु न होम्‍साका छेट्‌मिडिम मु़चु़मिमकाम लागि खोत्‍ले ल्‍वाडा माम्‍चु़नीका जो़पा दु़म्‍बेन्‍मी र्‍वाक्‍साका गुइ चडिम बु।

१ कोरिन्थी 1:24

लावो यहूदीमिम दु़म्‍नु़का वाङसामामिम, माम्‍चु़नीका येट्‌मिडिमिमकाम लागि ने ख्रीष्‍टङा माम्‍चु़नीकु यु़म नुङ नेप्‍ची सो़।

फिलिप्‍पी 1:2

माम्‍चु़नी इकीमा पाप नुङ ङाचो़ येशू ख्रीष्‍टका दिदाम नुङ न-भ्रसी ग्‍वानिमिनु़।

१ थेसलोनिकी 1:4

वा-ल्‍वाकनी, माम्‍चु़नीका गानीलाई रिखाम बेन्‍निमी, मा उनीमा मु़चु़ दु़म्‍मु लागि छेट्‌निमी र्‍वाक्‍पा गुकु चकु।

२ थेसलोनिकी 1:2

माम्‍चु़नी पाप नुङ ङाचो़ येशू ख्रीष्‍टलामका दिदाम नुङ न-भ्रसी ल्‍वानी।