रोमी 1:32 - थुलुङ राई

³² आरेप्‍माम मु़चु़का ने सिमुङा घ्रेट्‍पा दु़म्‍मी र्‍वाक्‍पा माम्‍चु़नीलाममिम छो़म जो़पा डु़म्‍ला थो़त्तो थो़त्तोङा वो मेर्मिमका मेप्‍माम ङा खारी बोमी। मेकोति कोङङा मेएँ, आथावो कोर्थो़लाम मेप्‍माम खारी बेपालाई कोमी।

रोमी 1:32 Referans Kwoze

रोमी 1:21

मेर्मिमका माम्‍चु़नीलाई छेसाका वो गुमीलाई डोक्‍पु मेमिम्मिवा, ना आलाङा र्‍वाम्‍डी। मेम्‍मा मेर्मिमकु नेप्‍ची हाम ना हामकाम दु़स्‍ता मा मेर्मिमकु न-गो तुकुम्‍चिम होप्‍माम दु़स्‍ता।

रोमी 6:21

मेम बिलि बेन्‍निम खारीकु दुथाम ओम्‍लो इनी क्रो़म लु़, मेराम ल्‍वाका गानीलाई हाम जो़पा बु़डु़ मा? मेर्मिम खोत्‍ले घ्राम्‍लु़पा खारीका ने सिमुलाम रेडु़।

रोमी 1:18

पाह्रीलाम माम्‍चु़नी पापकाम छोक्‍चो मु़चु़मिमकु छु़ल नुङ मेजो़पा खारीकु कोर्थो़लाम रेम्‍बेसिड्‍डाम बु। मेर्मिमकाम उनीमा त्‍वाकु मेजो़पा खारीकाङा आच्‍छाङाकाम सीसि रिप्‍डु़म बु।

लूका 11:48

आरेसाका इनी ङाउ-खुउमिमका हाम बेम्‍डी गानी वो मेमङा बोमु बिन्‍सिनिमिमका इनी ङाउ-खुउमिमका हाम बेम्‍डिम बाइडा र्‍वाक्‍पा चनी। मेर्मिमका माम्‍चु़नीलाम-जेपामिमलाई सेट्‌मिडी, मा गानी ने माम्‍चु़नीलाम-जेपामिमकु सु़लु़म बनेबोन्‍सानिमी।

थु़र्मा 22:20

इनीमा दुथाम सो़पा स्‍तिफनस सेट्‌मिडिलो गो मेर्मिमकु फार्डा ङा येम्‍तासिट्‌ङोरो, मा सेट्‌पामिमलाम बाङ्‌सिङ्‌डोमा मेर्मिमकु ये-सेम लथाक्‍तोम वो मेर्मिमका चमिमिम ङा बु।’

थु़र्मा 8:1

मु़चु़मिमका स्‍तिफनसलाई आरेसाका लुङका ओम्‍मुमा सेन्‍मु शाऊल वो बिस्‍ताम बाइडा। मेनेम आथामङा यरूशलेमडाम मण्‍डलीडा छो़म डोक्‍पु दु़खा दु़म्‍मु चो़म्‍डु़। मेकोतिमा थु़र्मामिमडाम वाङमिम थो़रलु़पामिम खोत्‍लेङा स्‍वाम्‍डी, मा यहूदिया नुङ सामरियाथो़ फोन्‍सिम्‍डी।

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

२ थेसलोनिकी 2:12

मेम्‍मिमका येशू ख्रीष्‍टकु दुथाममिम आच्‍छाङाकु ल्‍वाडा थो़र मेलु़पा, लावो मेजो़पा ल्‍वाडा भ्रसिक्‍पा खोत्‍ले मु़चु़लाई माम्‍चु़नीका मुमा बेन्‍मी।